ລິ້ງ ສຳຫລັບເຂົ້າຫາ

ນັກການທູດຂັ້ນສູງ ສະຫະລັດ ພົບປະກັບ ລັດຖະມົນຕີມຽນມາ

  • ວັນນະສອນ ແກ້ວດາຣາ

ລັດຖະມົນຕີ​ຊ່ອຍວ່າການ​ຕ່າງປະ​ເທດສະຫະລັດ ທ່ານ Kurt Campbell

ບັນດາ​ນັກ​ການ​ທູດຂັ້ນ​ສູງ​ຂອງ​ສະຫະລັດ​ໄດ້​ພົບ​ປະ​ກັບ​ລັດຖະມົນຕີ​ການ​ຕ່າງປະ​ເທດ​ຂອງ​ມຽນມາ​ທີ່​ອົງການ​ສະຫະ​ປະຊາ​ຊາດ​ ​ໃນ​ການພົບ​ປະ​ຫາລືທີ່​ທາງ​ສະຫະລັດ​ເອີ້ນ​ວ່າ ​ເປັນ​ການ​ພົບ​ປະກັນ​ທີ່​ມີ​ໝາກຜົນ​ແລະເປີດ​ກ້ວາງ.

ກະຊວງ​ການ​ຕ່າງປະ​ເທດ​ໄດ້​ກ່າວ​ວ່າ ລັດຖະມົນຕີ​ຊ່ອຍວ່າການ​ຕ່າງປະ​ເທດສະຫະລັດ
ທ່ານ Kurt Campbell ​ແລະ​ຜູ້​ປະສານ​ງານກ່ຽວກັບນະ​ໂຍບາຍມຽນມາຄົນໃໝ່ ທ່ານ
Derek Mitchell ​ໄດ້​ຊົມເຊີຍການ​ເອົາ​ບາດກ້າວ​ໃນທາງ​ບວກ​ ທີ່​ລັດຖະບານພົນລະ​ເຮືອນ
ພຽງແຕ່ຊື່ຂອງມຽນມາໄດ້​ປະຕິບັດ​ເມື່ອ​ໄວໆ​ນີ້ ​ຮວມທັງເປີດການໂອ້​ລົມ​ສົນທະນາ​ກັບ
ທ່ານ​ນາງອອງຊານ​ຊູຈີ ຜູ້​ນໍາເພື່ອ​ປະ​ຊາ​ທີ​ປະໄຕນັ້ນ.

ແຕ່​ພວກ​ການ​ທູດ​ສະຫະລັດໄດ້​ກ່າວຕໍ່ລັດຖະມົນຕີ​ການ​ຕ່າງປະ​ເທດ​ຂອງ​ມຽນມາ ທ່ານ
Wunna Maung Lwin ​ໃນ​ວັນ​ຈັນ​ວານ​ນີ້​ວ່າ ທາງສະ​ຫະລັດຢາກ​ຈະ​ເຫັນມຽນມາ​ເປີດ
ການ​ໂອ້​ລົມສົນ​ມະ​ນາ​ທີ່​ມີ​ຄວາມ​ໝາຍຫຼາຍ​ກວ່າ​ນີ້​ກັບ​ຜູ້​ນໍາຝ່າຍ​ຄ້ານ.

ນອກນັ້ນ ພວກນັກການທູດສະຫະລັດຍັງ​ກ່າວ​ວ່າ ສະຫະລັດ​ຕ້ອງການ​ຢາກ ໃຫ້ລັດຖະ
ບານມຽນມາເອົາ​ບາດກ້າວ​ທີ່ໜັກແໜ້ນ ເພື່ອໃຫ້ຄວາມສຳຄັນແກ່ຄວາມໝາຍໝັ້ນຕັ້ງໃຈ
ຕໍ່ການປະຕິຮູບ​ ຮວມທັງການ​ປ່ອຍ​ນັກ​ໂທດ​ທາງ​ການ​ເມືອງ​ທັງ​ໝົດ ຢຸດ​ເຊົາ​ການກໍ່ຄວາມ
ຮຸນແຮງ ​ໃນ​ເຂດພວກ​ຊົນ​ເຜົ່າແລະ​ດຳເນີນການແບບມີ​ຄວາມໂປ່ງ​ໃສ​ໃນຄວາມສຳພັນ​ກັບ​
ເກົາຫຼີ​ເໜືອນັ້ນ.

XS
SM
MD
LG