ລິ້ງ ສຳຫລັບເຂົ້າຫາ

ທ.ນ. ຄລິນຕັນໃຫ້ຄໍາໝັ້ນສັນຍາ ຈະຊ່ວຍ ທ.ນ ອອງຊານ ຊູຈີ ສົ່ງເສີມປະຊາທິປະໄຕ

  • ບົວສະຫວັນ

ທ່ານນາງ ອອງຊານ ຊູຈີ ປະຊຸມກັບບັນດາພະນັກງານ ແລະສະມາຊິກຂອງພັກສັນນິບາດເພື່ອປະຊາທິປະໄຕ ມຽນມາ ທີ່ສໍານັກງານໃຫຍ່ຂອງພັກດັ່ງກ່າວ ເນື່ອງໃນໂອກາດສະຫລອງຄົບຮອບ 63 ປີ ວັນເອກະລາດຂອງ ມຽນມາ ໃນວັນອັງຄານ ທີ 4 ມັງກອນ, 2011

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ​ໄດ້​ໂທລະສັບ​ໄປຫາ​ຜູ້ນຳ​ຝ່າຍ​ຄັດຄ້ານ​ລັດຖະບານ​ມຽນມາ ທ່ານ​ນາງ ອອງຊານ ຊູ​ຈີ ​ແລະໃຫ້​ຄຳໝັ້ນສັນຍາ​ວ່າ​ ຈະ​ເຮັດວຽກຮ່ວມກັບ​ທ່ານ​ນາງເພື່ອ​ສົ່ງ​ເສີມປະ ຊາທິ​ປະ​ໄຕ​ໃນ​ມຽນມາ.

ການ​ໂທລະສັບ​ຄັ້ງນີ້​ແມ່ນ​ເປັນ​ການ​ສົນທະນາໂດຍ​ກົງຄັ້ງ
ທຳ​ອິດ​ລະຫວ່າງ​ທ່ານ​ນາງ Clinton ກັບ​ທ່ານ​ນາງ ອອງ
ຊານ ຊູ​ຈີ ​ນັບ​ຕັ້ງ​ແຕ່​ທ່ານ​ນາງ ຊູ​ຈີ​ ໄດ້​ຖືກ​ປ່ອຍຈາກ​ການ
ກັກ​ບໍລິ​ເວນ​ໃຫ້​ຢູ່​ແຕ່​ໃນ​ເຮືອນ ​ໃນ​ເດືອນ​ພະຈິກ​ທີ່ຜ່ານ​ມາ
ນັ້ນ ແຕ່ທ່ານ​ນາງ Clinton ກໍ​ໄດ້​ສົ່ງ​ຈົດໝາຍສ່ວນ​ຕົວ​ໄປ
ຫາ​ທ່ານ​ນາງ ຊູ​ຈີ​ ໃນຕົ້ນ​ເດືອນ​ທັນວາ​.

ເຈົ້າໜ້າທີ່ຂັ້ນສູງ​ກະຊວງ​ການ​ຕ່າງປະ​ເທດ​ສະຫະລັດທ່ານ​ນຶ່ງ​ ກ່າວ​ກັບ VOA ວ່າ ການ​ໂທລະສັບ​ລົມ​ກັນເປັນ​ເວລາ 10 ນາທີ​ນັ້ນ ແມ່ນເປັນ​ການສົນທະນາ​ກັນ​ເພີ້​ມຕື່ມ ຕໍ່​ຈາກຈົດໝາຍສະບັບ​ນັ້ນ ແລະວ່າ ທ່ານ​ນາງຄລິນ​ຕັນໄດ້ບອກ​ຜູ້ນຳ​ດ້ານ​ປະຊາທິປະ​ໄຕໃນມຽນມາ​ວ່າ ສະຫະລັດ​ຈະ​ບໍ່ຫລົດ​ລະ​ໃນ​ການຊອກ​ຫາ​ວິທີ​ທາງ​ຕ່າງໆ ​ເພື່ອຊ່ວຍທ່ານ​ນາງ ອອງຊານ ຊູ​ຈີ “ເມື່ອ​ໃດທີ່ທ່ານ​ນາງ ຊູ​ຈີ ເລີ້ມກ້າວ​ໄປ​ຂ້າງ​ໜ້າ.”

ເຈົ້າໜ້າທີ່ຂັ້ນສູງກະຊວງ​ການ​ຕ່າງປະ​ເທດທ່ານ​ນີ້ ຍັງ​ໄດ້​ເວົ້າ​ອີກ​ວ່າ ທ່ານ​ນາງ ອອງຊານ ຊູ​ຈີ​ ໄດ້ໂອ້​ລົມ​ກັບ​ທ່ານ​ນາງ Clinton ກ່ຽວກັບ​ສະພາບ​ ​ແລະ​ການ​ເຄື່ອນ​ໄຫວຂອງ​ທ່ານ​ນາງ​ໃນ​ປັດຈຸບັນ ​ແຕ່​ວ່າເຈົ້າໜ້າທີ່ທ່ານນີ້ບໍ່ຍອມໃຫ້​ລາຍ​ລະອຽດ​ເພີ້ມ​ເຕີມກ່ຽວກັບວ່າ ທ່ານ​ ນາງ ຊູ​ຈີ ​ໄດ້​ເວົ້າ​ຫຍັງ​ແດ່​ນັ້ນ.

XS
SM
MD
LG