ລິ້ງ ສຳຫລັບເຂົ້າຫາ

ລັດຖະສະພາສະຫະລັດ ອະນຸມັດເງິນ ສໍາລັບປັບປຸງ ສະມັດຖະພາບ ຂອງລະເບີດເຈາະພື້ນດິນ ເລິກຮອດ 60 ​ແມັດ​

  • ທອງປານ ເທບວົງສາ

ລະເບີດເຈາະພື້ນດິນ bunker-buster ແຮງສູງ ທີ່ມີນໍ້າໜັກ 13 ຕັນ ຂອງສະຫະລັດ

ສະມາຊິກ​ລັດຖະສະພາສະຫະລັດ​ໄດ້​ອະນຸ​ມັດຕໍ່​ຄໍາ​ຮ້ອງຂໍ​ງົບປະມານ​ຈໍານວນຫລາຍ​ກ່ວາ
81 ລ້ານ​ໂດ​ລາ ຈາກ​ທໍາ​ນຽບຫ້າ​ແຈ ​ເພື່ອ​ໃຊ້​ປັບປຸງ​ລະເ​ບີ​ດຂະໜາດ​ໃຫຍ່ທີ່​ມີ​ກໍາລັງແຮງ
ສູງ​ ເພື່ອ​ເຈາະ​ທໍາລາຍ​ຖານ​ປະຕິບັດ​ການ​ຕ່າງໆ​ຂອງ​ສັດຕູ​ທີ່ຢູ່​ໃຕ້​ດິນ​ເລິກໆ​ນັ້ນ.

ລາຍ​ງານ​ຂ່າວ​ຫລາຍ​ກະ​ແສ​ເວົ້າວ່າ ພວກ​ອະນຸມັດ​ເງິນ​ປ້ອງ​ກັນ​ທີ່​ສະພາຄອງ​ແກຣສ ​ເຫັນ
ພ້ອມ​ກັບ​ຄໍາ​ຮ້ອງ​ຂໍ​ເງິນ​ງົບປະມານ​ດັ່ງກ່າວ​ເມື່ອ​ຕົ້ນ​ອາທິດ​ນີ້ ນຶ່ງ​ເດືອນ​ຫລັງ​ຈາກ​ອິຣ່ານ
ປະກາດ​ວ່າ​ຕົນ​ຈະ​ເລີ່​ມ​ທໍາ​ການ​ເສີມ​ສະມັດຖະ​ພາບ​ທາດ​ຢູ​ເຣນຽມ ທີ່​ໂຮງງານ​ Fordow
ຂອງ​ຕົນ​ ທີ່ຢູ່​ໃຕ້​ດິນພູເຂົາໜ່ວຍ​ນຶ່ງ ໃກ້ໆ​ກັບ Qom ​ເມືອງ​ສັກສິດ​ຂອງ​ພວກ​ນິກາຍ
Shi’ite ນັ້ນ. ພວກ​ເຈົ້າໜ້າ​ທີ່​ທໍານຽບຫ້າ​ແຈ ​ໄດ້​ເວົ້າ​ເຖິງ​ຄໍາ​ຮ້ອງ​ຂໍ​ງົບປະມານ​ນີ້ວ່າ ​ເປັນ
ເລຶ່ອງ​ດ່ວນ ​ແລະ​ວ່າ​ເງິນ​ຈໍານວນ​ນີ້​ແມ່ນ​ຈໍາ​ເປັນ​ແທ້ ເພື່ອ​ແກ້​ໄຂ​ບັນ ຫາໃນ​ການ​ທົດ​ລອງ
ເບຶ້ອງຕົ້ນ.

ພວກ​ນັກ​ສັງ​ເກດ​ການ​ບາງ​ຄົນ​ເຊື່ອ​ວ່າ ລະ​ເບີດ​ຊະນິດ​ດັ່ງກ່າວ​ແມ່ນ​ອອກ ​ແບບ​ສໍາ​ຫລັບ
ທໍາ​ການ​ໂຈມ​ຕີ ​ທີ່ອາດ​ເປັນ​ໄປ​ໄດ້ ​ຕໍ່ສະຖານ​ທີ່​ນິວ​ເຄລຍຕ່າງໆ​ຂອງ​ອິຣ່ານ ​ແຕ່​ພວກ​ເຈົ້າ
ໜ້າ​ທີ່​ບໍ່​ໄດ້ເອົາ​ສອງ​ເລື່ອງ​ນີ້​ໄປ​ພົວ ພັນ​ກັນໂດຍ​ກົງ.

ລະ​ເບີດດັ່ງກ່າວ ​ທີ່​ເອີ້ນ​ຊື່​ທາງ​ການ​ວ່າ Massive Ordnance Penetrator ຫລື​ວັດ​ຖຸ
ລະ​ເບີດ​ເຈາະ​ເລິກ​ພະລັງແຮງ​ສູງ​ ຫລືເອີ້ນ​ກັນ​ໃນ​ອີກ​ຊື່​ນຶ່ງ​ທີ່​ບໍ່​ເປັນ​ທາງ​ການວ່າ bunker
-buster ຫລືລ​ະ​ເບີດທໍາລາຍ​ທີ່​ຫລົບ​ໄພນັ້ນ ​ມີ​ນໍ້າໜັກ​ຫລາຍ​ກວ່າ 13 ຕັນ ຄື​ໜັກ​ຂະ
ໜາດ​ທີ່​ວ່າ ​ເຮືອບິນ​ຖິ້ມ​ລະ​ເບີດ ທີ່​ບັນທຸກ​ໄດ້​ຫລາຍ​ທີ່​ສຸດຂອງ​ສະຫະລັດ ກໍສາມາດ​ບັນ
ທຸກ​ໄດ້ແຕ່ພຽງ​ນຶ່ງ​ລູກ​ເທົ່າ​ນັ້ນ. ​ເວົ້າກັນ​ວ່າລະ​ເບີດ​ດັ່ງກ່າວ​ໄດ້​ອອກ​ແບບອອກ​ມາ ໃຫ້
ເຈາະພື້ນ​ດິນ​ທີ່​ເປັນ​ຫິນ ຫລື​ຄອນ​ກຣີດ​ ເລິກ​ລົງ​ໄປ​ໄດ້​ຮອດ 60 ​ແມດ​ກ່ອນ​ຈະລະ​ເບີດ

ວາລະ​ສານ Wall Street ​ລາຍງານ​ວ່າ ງົບປະ ມານປັບປຸງ 81 ລ້ານໂດ​ລາ​ນີ້​ ຈະ​ສາ
ມາດ​ເຮັດ​ໃຫ້​ລະ​ເບີດລູກນີ້ ສາມາດ​ເຈາະ​ລົງ​ໄປ ເລິກກ່ວາ​ນັ້ນໄດ້ອີກ.

ກອງທັບ​ອາກາດ​ສະຫະລັດ ປະຕິບັດ​ງານ​ກ່ຽວ​ກັບ​ລະ​ເບີດ​ນີ້​ກັບ​ບໍລິສັດ​ໂບອິ້ງ ​ແລະ​ເທົ່າ​
ເຖິງ​ປັດຈຸບັນ​ນີ້ ​ໄດ້​ລົງ​ທຶນ​ຜະລິດ​ລະ​ເບີດ​ນີ້ໄປປະມານ 20 ລູກ​ແລ້ວ.

ປະທານາທິບໍດີ​ບາຣັກ ​ໂອ​ບາ​ມາ ກ່າວໃນ​ຕອນ​ກ່າວ​ຄໍາ​ປາ​ໄສ​ຕໍ່​ປະ​ເທດ​ຊາດ ​ເມື່ອ​ເດືອນ
ຜ່ານ​ມາ​ນັ້ນ​ວ່າສະຫະລັດ​ມີ​ຄວາມຕັ້ງ​ໃຈ​ທີ່​ຈະ​ປ້ອງ​ກັນ​ບໍ່​ໃຫ້​ອິຣ່ານມີ​ອາວຸດ​ນີວ​ເຄລຍ ຊຶ່ງ
ທ່ານ​ໂອບາ​ມາ​ກ່າວ​ວ່າ ທ່ານ​ຈະ​ບໍ່​ລະ ຊ່ອງ​ທາງ​ໃດໆ​ເລີຍ ​ເພື່ອ​ໃຫ້​ບັນລຸ​ເປົ້າໝາຍ​ນັ້ນ.

ອິຣ່ານປະຕິ​ເສດ​ວ່າ​ຕົນ​ບໍ່​ໄດ້​ສ້າງ​ອາ​ວຸດ​ນີ​ວ​ເຄລຍ ​ແລະ​ວ່າ​ກິດ​ຈະ​ກໍາ​ຕ່າງໆ ດ້ານ​ນີວ
ເຄລຍຂອງ​ຕົນ​ນັ້ນ ​ແມ່ນ​ເພື່ອນໍ​າ​ໃຊ້​ໃນ​ທາງສັນຕິ.

XS
SM
MD
LG