ບັນດາສະມາຊິກລັດຖະສະພາສະຫະລັດໄດ້ສົ່ງງົບປະມານກ່ຽວ
ກັບການໃຊ້ຈ່າຍຂອງລັດຖະບານກາງແລະການຕັດພາສີຕ່າງໆ
ມູນຄ່າ 1 ພັນ 100 ຕື້ໂດລາໄປໃຫ້ປະທານາທິບໍດີບາຣັກ ໂອບາ
ມາໃນວັນສຸກວານນີ້ຊຶ່ງປະທານາທິບໍດີກໍໄດ້ລົງນາມຢ່າງວ່ອງໄວ
ກ່ອນທີ່ທ່ານຈະເດີນທາງອອກຈາກວໍຊິງຕັນເພື່ອໄປພັກຜ່ອນປະ
ຈຳປີ.
ສະພາສູງໄດ້ລົງຄະແນນສຽງ 65 ຕໍ່ 33 ໃຫ້ການອະນຸມັດຕໍ່ຮ່າງ
ງົບປະມານດັ່ງກ່າວຫຼັງຈາກທາງສະພາຕ່ຳໄດ້ຮັບຮອງເອົາກ່ອນ
ໜ້ານີ້. ຫລັງຈາກນັ້ນທາງລັດຖະສະພາກໍໄດ້ຢຸດພັກໄປຈົນຮອດ
ເດືອນມັງກອນ.
ງົບປະມານສະບັບໃໝ່ນີ້ ແມ່ນຫລີກລ່ຽງບໍ່ໃຫ້ມີການປິດລັດຖະບານໄປຈົນຮອດສົກງົບ
ປະມານປີ 2016 ແລະສະແດງໃຫ້ເຫັນເຖິງການຮ່ວມມືກັນ ໃນລະດັບສູງ ແບບບໍ່ຄ່ອຍ
ເຫັນກັນລະຫວ່າງພັກເດໂມແຄຣັດແລະພັກຣີພັບບລີກັນຊຶ່ງໃນອະດີດຜ່ານມາແມ່ນມັກ
ມີການບໍ່ລົງຮອຍກັນນັ້ນ.
ປະທານາທິບໍດີກ່າວວ່າ ຂ້າພະເຈົ້າຄິດວ່າ ລະບົບດັ່ງກ່າວແມ່ນເຮັດວຽກເປັນຢ່າງດີໃນ
ເທື່ອນີ້. ປະທານາທິບໍດີເວົ້າວ່າ ການເຈລະຈາກ່ຽວກັບງົບປະມານແມ່ນດຳເນີນໄປແບບ
ເສລີບໍ່ດຸເດືອດເຜັດຮ້ອນດັ່ງທີ່ເຄີຍໄດ້ມີຂຶ້ນກ່ຽວກັບການຕົກລົງເລື້ອງງົບປະມານໃນອະ
ດີດຜ່ານມາ.
ຫລາຍຄົນໃຫ້ເຫດຜົນວ່າເປັນຍ້ອນທັດສະນະຄະຕິໃໝ່ໃນໝູ່ພວກນັກການເມືອງທີ່ມີຕໍ່
ປະທານສະພາຕ່ຳຄົນໃໝ່ ທ່ານ Paul Ryan ທີ່ສາມາດຄວບຄຸມ ພວກທີ່ເນັ້ນໜັກໃນ
ການຄຸ້ມຄອງງົບປະມານຂອງລັດຖະບານກາງຢູ່ໃນພັກຣີພັບບລີກັນຂອງທ່ານໄດ້ນັ້ນ.
ງົບປະມານໃໝ່ນີ້ ຮວມຢູ່ໃນນັ້ນກໍແມ່ນເພີ້ມການໃຊ້ຈ່າຍທາງດ້ານທະຫານ ເສີມຄວາມ
ເຂັ້ມແຂງໃຫ້ແກ່ຄວາມພະຍາຍາມໃນການປ້ອງກັນທາງອິນເຕີແນັດ ຍົກເລີກການຫ້າມ
ສົ່ງອອກນ້ຳມັນດິບ ຂອງສະຫະລັດ ທີ່ມີມາເປັນເວລາ 40 ປີ ແລະການຕັດພາສີມູນຄ່າ
690 ຕື້ໂດລາສຳລັບໄລຍະ 10 ປີຕໍ່ໜ້າ. ນອກນັ້ນແລ້ວຍັງມີການປະຕິຮູບໂຄງການຍົກ
ເວັ້ນວີຊ່າຫຼັງຈາກໄດ້ເກີດການໂຈມຕີທີ່ຮ້າຍແຮງຢູ່ປາຣີແລະເມືອງ San Bernardino
ໃນລັດຄາລີຟໍເນຍ.