ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ.ໂອບາມາ ພົບປະກັບ ບັນດາຜູ້ນຳ ລັດຖະສະພາ ທີ່ ທຳນຽບຂາວ (ວີດີໂອ)


ປະທານາທິບໍດີ ບາຣັກ ໂອບາມາ
ປະທານາທິບໍດີ ບາຣັກ ໂອບາມາ
ປະທານາທິບໍດີສະຫະລັດ ທ່ານບາຣັກ ໂອບາມາ ມີກຳນົດທີ່ຈະ
ພົບປະກັບພວກຜູ້ນຳຂອງລັດຖະສະພາສັງກັດພັກຣີພັບບລີກັນ ແລະເດໂມແຄຣັທ ຢູ່ທີ່ທຳນຽບຂາວ ໃນວັນສຸກມື້ນີ້ ເພື່ອປຶກສາ
ຫາລື ກ່ຽວກັບການດໍາເນີນຄວາມພະຍາຍາມໃນນາທີສຸດທ້າຍ ຫາທາງຫລີກລ່ຽງບໍ່ໃຫ້ມີການຕັດງົບປະມານທົ່ວທຸກໆພະແນກ
ການຊຶ່ງກຳນົດຈະເລີ້ມມີຜົນບັງຄັບໃຊ້ກ່ອນທີ່ມື້ນີ້ຈະສິ້ນສຸດລົງ.

ສ່ວນໃຫຍ່ແລ້ວ ການພົບປະທີ່ວ່ານີ້ ແມ່ນເບິ່ງກັນວ່າເປັນພຽງ
ສັນຍາລັກ ຫຼັງຈາກຮ່າງກົດໝາຍ ທີ່ມີການແຂ່ງຂັນກັນ 2 ສະ
ບັບ ເພື່ອຫາທາງຫລີກລ່ຽງບໍ່ໃຫ້ມີການຕັດງົບປະມານດັ່ງກ່າວ ໄດ້ຮັບຄວາມປະລາໄຊຢູ່ໃນສະພາສູງສະຫະລັດໃນວັນພະຫັດ
ວານນີ້ຊຶ່ງເຮັດໃຫ້ການຕັດການໃຊ້ຈ່າຍຢ່າງອັດຕະໂນມັດ 85 ພັນລ້ານໂດລາປະກົດວ່າຫລີກລ່ຽງບໍ່ໄດ້ເມື່ອກຳໜົດເສັ້ນຕາຍ
ໃນວັນສຸກມື້ນີ້ຜ່ານພົ້ນໄປ.

ປະທານາທິບໍດີໂອບາມາເວົ້າວ່າຜົນກະທົບຈາກການຕັດການ ໃຊ້ຈ່າຍໂດຍພະແນກການຕ່າງໆຂອງລັດຖະບານກາງສະຫະ
ລັດ ທີ່ສຳຄັນສຸດ ກໍຄື ໃນດ້ານປ້ອງກັນປະເທດ ການໃຊ້ຈ່າຍ
ດ້ານໂຄງລ່າງພື້ນຖານ ໂຮງຮຽນຫລວງແລະການເບິ່ງແຍງພວກເດັກນ້ອຍກ່ອນເຂົ້າອະນຸ ບານ ຈະບໍ່ຮູ້ສຶກໃນທັນທີ ແຕ່ຈະຄ່ອຍໆມີໃນອັນທີ່ທ່ານເອີ້ນວ່າ ຜົນກະທົບທີ່ມີທ່າອຽງໄປ ສູ່ການພັງທະລາຍລົງຊຶ່ງໝາຍຄວາມວ່າຍິ່ງດົນນານເທົ່າໃດທີ່ການຕັດການໃຊ້ຈ່າຍດັ່ງກ່າວ ຍັງມີຜົນບັງຄັບຢູ່ ກໍຍິ່ງຈະສ້າງຄວາມເສຍຫາຍຫຼາຍຂຶ້ນເທົ່ານັ້ນ.

ເປັນທີ່ຄາດກັນວ່າ ບັນດາພະນັກງານຂອງກະຊວງປ້ອງກັນປະເທດ ຈະຖືກບັງຄັບໃຫ້ພັກ
ການ ໂດຍບໍ່ໄດ້ຮັບເງິນເດືອນ ໃນຂະນະທີ່ການໃຊ້ຈ່າຍ ສຳລັບໂຄງການໃຫຍ່ຕ່າງໆ ໃນ ດ້ານໂຄງລ່າງພື້ນຖານ ກໍຈະຍຸຕິລົງໃນທີ່ສຸດ.

XS
SM
MD
LG