ພວກຜູ້ແທນໃນສະພາຕໍ່າສະຫະລັດປະຕິເສດຕໍ່ຮ່າງຍັດຕິສະບັບນຶ່ງ ເພື່ອບັງຄັບໃຫ້
ສະພາເຮັດໃຫ້ຮ່າງງົບປະມານແຫ່ງຊາດສົມດູນນັ້ນ ໃນການເຄື່ອນໄຫວຄັ້ງຫລ້າສຸດ
ໃນຂະນະທີ່ພວກສະມາຊິກສະພານິຕິບັນຍັດກໍາລັງພະຍາຍາມຕັດຄ່າໃຊ້ຈ່າຍຂອງລັດ
ຖະບານລົງນັ້ນ.
ໃນການລົງມະຕິໃນວັນສຸກວານນີ້ ມີສຽງສະໜັບສະໜຸນ 261 ສຽງ ຕໍ່ 162 ສຽງ
ຄັດຄ້ານ ເພື່ອໃຫ້ບັນລຸສຽງເຫັນດີໃນຈໍານວນ 2 ສ່ວນ 3 ທີ່ຕ້ອງການເພື່ອຮັບຜ່ານ
ຮ່າງກົດໝາຍສະບັບນີ້. ການເອົາມາດຕະການທີ່ວ່ານີ້ ແມ່ນພວກສະມາຊິກສັງກັດ
ພັກ Republican ຊຶ່ງມີສຽງຂ້າງຫລາຍໃນສະພາ ເປັນຜູ້ສະເໜີຂຶ້ນມາ.
