ລິ້ງ ສຳຫລັບເຂົ້າຫາ

ວິທະຍຸ RFE/RL ຈະຢຸດ​ ການ​ກະຈາຍສຽງ​ ຄື້ນກາງ​ ໄປ​ຍັງຣັດ​ເຊຍ ​ທ້າຍ​ປີ​ນີ້


ສໍານັກງານໃຫຍ່ວິທະຍຸ Radio Free Europe/Radio Liberty (RFE/RL) ທີ່ເມືອງ Prague ສາທາລະນະລັດ Czech.
ແຫຼ່ງສື່​ມວນ​ຊົນ ວິທະຍຸ​ຢູ​ໂຣບ​ເສລີ​ແລະວິທະຍຸ​ອິດສະຫຼະພາບ
ຫຼື Radio Free Europe ກັບ Radio Liberty ທີ່​ໄດ້​ທຶນ​ດໍາ​
ເນີນ​ງານ​ຈາກ​ສະຫະ ລັດນັ້ນ ​ເວົ້າ​ວ່າ ຕົນ​ຈະ​ຢຸດ​ການ​ກະຈາຍ
ສຽງ​ໃນຄື້ນກາງ​ໄປ​ຍັງຣັດ​ເຊຍໃນ ​ທ້າຍ​ປີ​ນີ້ ​ແຕ່​ກໍ​ຍັງ​ຈະ​ສືບ​ຕໍ່​
ບໍລິການ​ຂ່າວ​ທາງ​ອິນ​ເທີ​ເນັດ​ຕໍ່​ໄປ​ ​ເພື່ອປະຕິບັດ​ຕາມ​ກົດໝາຍ
ສະບັບ​ໃໝ່​ຂອງ​ລັດ​ເຊຍ.

ທ່ານ​ນາງ Julia Ragona ​ເຈົ້າໜ້າ​ທີ່​ອາວຸ​ໂສ ກ່າວ​ເມື່ອ​ວັນ​ເສົາ​ວານ​ນີ້​ວ່າ ສະຖານີ RFE/RL ​ຈະ​ທໍາ​ການ​ປ່ຽນ​ແປງດັ່ງກ່າວ​ໃນ​ວັນ​
ທີ 10 ​ເດືອນພະຈິກ​ນີ້ ​ເວລາ​ກົດໝາຍ​ສະບັບ​ໃໝ່​ຂອງ​ລັດ​ເຊຍ ​ເລີ່​ມມີ​ຜົນ​ບັງຄັບ​ໃຊ້.

ກົດໝາຍ​ສະບັບ​ໃໝ່​ ຫ້າມການອອກ​ອາກາດທາງ​ວິ​ທະ​ຍຸຢູ່​ໃນຣັດ​ເຊຍ​ ​ໂດຍສະຖານີ​ໃດ​ກໍ​ຕາມ ທີ່ເປັນ​ຂອງສ່ວນ​ບຸກຄົນຫລື​ບໍລິສັດຕ່າງປະ​ເທດ ​ຫລາຍ​ກ່ວາ 48%.

ທ່ານ​ນາງ Ragona ກ່າວ​ວ່າ ວິທະຍຸ​ຢູ​ໂຣບ​ເສລີກັບວິທະຍຸ​ອິດສະຫຼະ ພາບ ຈະຕັດຈໍານວນ​ພະນັກງານ​ລົງ​ຫລາຍ​ສົມຄວນ ​ແລະເ​ວົ້າວ່າ​ ພວກ​ທີ່​ຈະອອກ​ຈາກໜ້າ​ທີ່​ໄປ​ ​ແມ່ນ​ເຮັດ​ດັ່ງ​ນັ້ນ
ດ້ວຍ​ການ​ຕົກລົງເຫັນ​ພ້ອມ​ນໍາ​ກັນ ພ້ອມ​ກັບ​ສະ​ວັດ​ດີກາ​ນ.

ທ່ານ​ນາງ ​ເວົ້າ​ຕື່ມ​ວ່າ ທາງສະຖານີ​ມີ​ແຜນການ​ຈະ​ຂະຫຍາຍການ​ອອກ​ຂ່າວທາງ​ອິນ​ເທີ​ເນັດ ​ແລະ​ຍັງ​ຈະ​ສືບ​ຕໍ່​ອອກ​ອາກາດ​ທາງ​ວິທະຍຸ ຄື້ນສັ້ນ.

ວິທະຍຸ​ຢູ​ໂຣບ​ເສລີກັບວິທະຍຸ​ອິດສະຫຼະພາບ ດໍາ​ເນີນ​ງານ​ພາຍ​ໃຕ້​ອໍານາດ ຂອງ​ກໍາມະການ​ບໍລິຫານການ​ກະຈາຍສຽງ​ຂອງ​ສະຫະລັດ ຫລື BBG ຊຶ່ງ​ເປັນອົງການອິດສະຫຼະຂອງລັດຖະ
ບານກາງ ທີ່​ຮັບຜິດຊອບ​ການ​ອອກ​ອາ ກາດໄປ​ຍັງ​ຕ່າງປະ​ເທດ​ທັງ​ໝົດ​ຂອງ​ສະຫະລັດ ທີ່​ບໍ່​
ແມ່ນຂອງ​ກອງທັບ ​ແລະທີ່​ອຸບປະຖໍາ​ໂດຍ​ລັດຖະບານກາງ​ສະຫະລັດ. ວິທະຍຸ​ສຽງ​ອະ​ເມຣິກາ ຫຼື ວີ​ໂອເອ ກໍ​ດໍາ​ເນີນ​ງານ​ພາຍ​ໃຕ້ BBG ​ເຊັ່ນ​ກັນ.

ກ່ຽວຂ້ອງກັນ

XS
SM
MD
LG