ລິ້ງ ສຳຫລັບເຂົ້າຫາ

ວັນພຸດ, 05 ຕຸລາ 2022

ອັງກິດ ຮ່ວມກັບ ສຫລ ຫ້າມຜູ້ໂດຍສານ ເອົາເຄື່ອງອີເລັກໂທຣນິກ ຂະໜາດໃຫຍ່ ຂຶ້ນເຮືອບິນໂດຍສານ


US, Britain Ban Use of Laptops in Cabins for Some Airlines
please wait

No media source currently available

0:00 0:02:12 0:00

ສະຫະລັດ ແລະ ອັງກິດ ຫ້າມການນຳໃຊ້ Laptops ພາຍໃນເຮືອບິນໂດຍສານ ຂອງບາງສາຍການບິນ

ປະເທດອັງກິດ ໄດ້ຮ່ວມ​ກັບ​ສະຫະລັດ ​ໃນ​ການຫ້າມຜູ້ໂດຍສານ ບໍ່ໃຫ້ນຳເອົາ ພວກ
ຄອມພິວເຕີ laptops ແລະ ເຄື່ອງອີເລັກໂທຣນິກຂະໜາດໃຫຍ່ ຂຶ້ນຖ້ຽວບິນ ທີ່ບິນ
ເຂົ້າມາໃນປະເທດທັງ​ສອງ ຈາກສະໜາມ​ບິນ​ຕ່າງໆໃນພາກຕາເວັນອອກກາງ.

ຄຳສັ່ງໃໝ່ຂອງອັງກິດ ທີ່​ປະ​ກາດ​ໃນ​ວັນ​ອັງຄານ​ວານ​ນີ້ ຈະຫ້າມ ​ບໍ່​ໃຫ້ນຳເອົາເຄື່ອງ
ອີເລັກໂທຣນິກ ທີ່​ຍາວກວ່າ 16 ຊັງຕີແມັດ ກວ້າງ 9.3 ຊັງຕີແມັດ ແລະ ໜາ 1.5
ຊັງຕີແມັດ ຂຶ້ນຖ້ຽວບິນໂດຍກົງ ຈາກປະເທດ ເທີກີ ເລບານອນ ຈໍແດັນ ອີຈິບ ຕູນີເຊຍ
ແລະ ຊາອຸດີ ອາຣາເບຍ.

ໂຄສົກຂອງນາຍົກລັດຖະມົນຕີ Theresa May ໄດ້ກ່າວຕໍ່ບັນດານັກຂ່າວວ່າ
“ພວກຖ້ຽວບິນໂດຍກົງ ມາຍັງອັງກິດ ຈາກປາຍທາງເຫຼົ່ານີ້ ​ແມ່ນ​ຍັງ​ສືບ​ຕໍ່ໄດ້​ຮັບ​
ອະນຸຍາດໃຫ້ບິນມາຍັງອັງກິດ​ໄດ້ ​ແຕ່ຈະຕ້ອງປະຕິບັດຕາມ ມາດຕະການໃໝ່
ທີ່ໄດ້ຖືກປະກາດ​ໄປ​ນັ້ນ. ພວກເຮົາຄິດວ່າ ບາດກ້າວເຫຼົ່ານີ້ ແມ່ນມີຄວາມຈຳເປັນ
ແລະ ສົມເຫດສົມຜົນ ທີ່ຈະອຳນວຍໃຫ້ພວກຜູ້ໂດຍສານ ເດີນທາງດ້ວຍຄວາມ
ປອດໄພ.”

ເມື່ອຕອນເຊົ້າວັນອັງຄານວານນີ້ ອົງການຄຸ້ມ​ຄອງຄວາມປອດໄພດ້ານການຂົນສົ່ງ
ສະຫະລັດ ຫຼື TSA ໄດ້ອອກແຈ້ງການຫ້າມ ທີ່ຄ້າຍຄືກັນ ຕໍ່ພວກຜູ້ໂດຍສານ ທີ່ບິນ
ເຂົ້າມາໃນສະຫະລັດ ໂດຍກົງ ຈາກສະໜາມບິນຢູ່ 10 ປະເທດ ໃນພາກຕາເວັນ
ອອກກາງ.

ການຫ້າມນີ້ ບໍ່ແມ່ນການຮັບ​ມື ຕໍ່ໄພຂົ່ມຂູ່ທີ່ເຈາະຈົງ​ໃດ​ນຶ່ງ ອີງ​ຕາມຖະແຫລງການ
ຂອງ​ອົງການດັ່ງກ່າວ​ ຫາກແຕ່ເປັນຍ້ອນ “ການປະເມີນຂໍ້ມູນລັບ” ທີ່ສະແດງໃຫ້
ເຫັນວ່າ ພວກ​ກໍ່​ການ​ຮ້າຍ ມີຄວາມສົນໃຈຢ່າງຕໍ່ເນື່ອງ ໃນເປົ້າໝາຍທີ່​ເປັນຖ້ຽວບິນ
ພານິດຕ່າງໆ.

ຄຳສັ່ງດັ່ງກ່າວ ຈະບັງຄັບໃຫ້ພວກຜູ້ໂດຍສານທັງຫຼາຍ ເອົາພວກເຄື່ອງອີເລັກໂທຣນິກ
ຂະໜາດໃຫຍ່ກວ່າ ໂທລະສັບມືຖື ບັນຈຸໄວ້ໃນຫີບເດີນທາງ. ອົງການ TSA ຍັງ​ກ່າວ
ອີກ​ວ່າ ຕົນໄດ້ເລືອກເອົາສະໜາມບິນຕ່າງໆ “ອີງຕາມສະພາບການຂົ່ມຂູ່​ໃນ​ປັດຈຸບັນ”
ແລະ ຫຼັງຈາກການປຶກສາຫາລື ກັບ ບັນດາເຈົ້າໜ້າທີ່ສືບລັບ​ແລ້ວ ອາດຈະເພີ້ມ ຈຳນວນຂອງສະໜາມບິນຕື່ມອີກ ໃນອະນາຄົດກໍ​ເປັນ​ໄດ້.

ອ່ານຂ່າວນີ້ຕື່ມ ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG