ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ການວາງສະແດງ ຢູ່ສວນພຶກສາຊາດ ສ້າງຄວາມຊື່ນ​ຊອບ ໃຫ້ຜູ້ຊົມ (ວີດີໂອພາສາ ລາວ/ອັງກິດ)


US Botanic Garden Wows Holiday Visitors
please wait

No media source currently available

0:00 0:02:12 0:00
ລິງໂດຍກົງ

ເບິ່ງວີດີໂອພາສາອັງກິດ ກ່ຽວກັບລາຍງານນີ້.

ໃນ​ແຕ່ລະ​ປີ ສວນ​ພຶກສາຊາດ​ສະຫະລັດ ​ຢູ່ໃນ​ນະຄອນຫຼວງ
​ວໍ​ຊິງ​ຕັນ ​ໄດ້ຖ່າຍ​ທອດ​ນໍ້າ​ໃຈ​ ຂອງ​ເທດສະການ​ບຸນ​ທ້າຍ​ປີ
ດ້ວຍການວາງສະແດງ​ຕ່າງໆກ່ຽວ​ກັບ​ລະດູ​ໜາວ ທີ່​ເອີ້ນ​ກັນ
​ວ່າ ການ​ຕ້ອນຮັບ​ລະດູ​ການ ຊຶ່ງ​ເປັນ​ສິ່ງ​ທີ່ສ້າງ​ຄວາມຕື່ນ​ເຕ້ນ
​ແລະ​ປິ​ຕິ​ຍິນ​ດີ​ໃຫ້​ແກ່ ​ຜູ້​ເຂົ້າຊົມ​ທຸກ​ເພດ​ທຸກ​ໄວ​. Julie Taboh
ຜູ້​ສື່​ຂ່າວ​ວີ​ໂອ​ເອ ​ໄດ້​ໄປ​ຊົມການວາງສະ​ແດງ​ຕາມ​ລະດູການ​
ດັ່ງກ່າວ​ນີ້ ​ແລະ​ມີ​ລາຍ​ງານ​ມາ​ເລົ່າ​ສູ່​ຟັງ ຊຶ່ງດາຣາຈະ​ນໍາ​ມາ
ສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.



ເບິ່ງວີດີໂອພາສາລາວ ກ່ຽວກັບລາຍງານນີ້:


ຍາມ​ນີ້​ແມ່ນລະດູ​ໜາວ ​ຢູ່ນະຄອນຫຼວງ​ວໍ​ຊິງ​ຕັນ​ດີ​ຊີ ​ຊຶ່ງອາກາດ​ຂ້າງ​ນອກແມ່ນ​ໜາວຫຼາຍ ​
ແຕ່​ຢູ່​ທາງໃນ​ສວນ​ພຶກສາຊາດ​ສະຫະລັດ ທີ່​ຕັ້ງ​ຢູ່ໃຈກາງ​ເມືອງນັ້ນ ​ອາກາດ​ແມ່ນ​ອຸ່ນດີ​ແລະ​
ບັນຍາກາດ​ກໍ​ເຕັມ​ໄປ​ດ້ວຍນໍ້າ​ໃຈ​ຂອງ​ເທດສະການ​ບຸນ​ທ້າຍ​ປີ ກໍ​ຄື​ບຸນຄຣິສມັສນັ້ນ.

​ໃນ​ເດືອນ​ທັນ​ວາ​ ​ເຮືອນແກ້ວຂະໜາດ​ໃຫຍ່​ໂຕ​ແຫ່ງ​ນີ້ ແມ່ນ​ຖືກ​ຕົກ​ແຕ່​ງປະ​ດັບ​ປະດາ ​
ເອ້​ຍ້ອງ​ດ້ວຍເຄຶ່ອງສະ​ແດງຕ່າງໆ​ຂອງລະດູ​ການ ທີ່​ໄດ້​ສ້າງ​ຄວາມຕື່ນ​ເຕ້ນ​ປະ​ທັບ​ໃຈ ​ໃຫ້​
ແກ່​ພວກ​ເຂົ້າຊົມ​ທັງຫຼາຍ​ ມາ​ໄດ້​ເກືອບ​ສິບປີ​ແລ້ວ:

ຈຸດ​ພົ້ນ​ເດັ່ນຂອງ​ການວາງສະແດງປີ​ນີ້ ​ແມ່ນ​ຕຶກຈໍາລອງ​ຂອງຫຼັກ​ເມືອງທີ່​ສໍາຄັນ​ໆຂອງ
ວໍ​ຊິງ​ຕັນ ຊຶ່ງ​ມີ​ໂຮມ​ທັງ​ທໍານຽບຂາວ ອະນຸສາວະລີ​ລິງ​ຄອນທີ່​ມີ​ຮູບ​ປັ້ນ​ຂອງ​ທ່ານ​ລິງຄອນ​
ຢູ່​ໃນ​ນັ້ນ ​ແລະຕຶກ​ລັດຖະສະພາສະຫະລັດ ທີ່​ວາງສະ​ແດງ​ຢູ່​ໄກ​ກັນບໍ່​ເທົ່າ​ໃດ​ກ້າວ.

ທ່ານນາງ Holly Shimizu ຜູ້​ອໍາ​ນວຍ​ການ​ບໍລິຫານສວນ​ພຶກສາຊາດແຫ່ງ​ນີ້ ​ເວົ້າ​ວ່າ ຕຶກ​
ຈໍາລອງ​ເຫຼົ່ານີ້​ແມ່ນ​ພິ​ເສດ​ຫຼາຍ ຍ້ອນ​ວ່າທັງ​ໝົດ​ນັ້ນ​ແມ່ນ​ເຮັດ​ຈາກ​ວັດຖຸ​ພືດ​ພັນ​ ແທບ​ວ່າ​
ທັງ​ໝົດ.

“​ທ່ານ​ຄົງສັງ​ເກດ​ເຫັນໄດ້ວ່າ ມີ​ການ​ນໍາ​ໃຊ້ໃບ​ໄມ້ ແລະ​ໝາກ​ຂອງ​ຕົ້ນ​ໂອ໊ກ ​
ແລະ​ໄມ້ຈາກຕົ້ນ​ຫຼິວ ຫຼື​ຕົ້ນ
willow ຊຶ່ງ ສິ່ງ​ເຫຼົ່າ​ນີ້​ ​ພວກນັກສິນລະປະ ທີ່
​ປະດິດສ້າງສິ່ງທີ່ໜ້າ​ອັດສະຈັນເຫຼົ່າ​ນີ້ ໄດ້ເກັບ​ເອົາມາ​ຈາກ​ປ່າ​.”


​ຕຶກ​ລັດຖະສະພາ​ຈໍາລອງນີ້ ​ໃຊ້​ເວລາ​ສ້າງຫຼາຍ​ກວ່າ 600 ຊົ່ວ​ໂມງ ຈຶ່ງ​ສໍາ​ເລັດ.

ທ່ານນາງ Shimizu ​ເວົ້າ​ອີກ​ວ່າ: “ນອກ​ນີ້ ​ເຮົາ​ຍັງ​ມີ​ຕຶກ​ນຶ່ງ​ຂອງ​ພິພິທະ​ພັນ Smithsonian ມີ​ຕຶກ​ສານ​ສູງ​ສຸດ ມີ​ຫໍ​ສະມຸດ​ຂອງ​ລັດຖະສະພາ ຫຼື Library
of Congress ​ແລະ​ມີ​ອີກ​ຫຼາຍໆ​ຕຶກ​ສໍາຄັນ ທີ່​ຕັ້ງ​ຢາຍ​ຢູ່ໃນບໍລິ​ເວນສະໜາມ
​ຫຼວງ​ນັ້ນ ທີ່​ພວກ​ທ່ອງ​ທ່ຽວຈະ​ໄດ້​ເຫັນ ​ເວລາເຂົາ​ເຈົ້າມາ​ວໍ​ຊິງ​ຕັນ​ດີ​ຊີ.”



The US Botanic Garden's replicas of the US Supreme Court (front) and the US Capitol. Both representations are made from natural materials such as pine cones, willow and grapevines. (J. Taboh/VOA)
The US Botanic Garden's replicas of the US Supreme Court (front) and the US Capitol. Both representations are made from natural materials such as pine cones, willow and grapevines. (J. Taboh/VOA)

​ລົດ​ໄຟ​ຈໍາລອງກໍ​ເປັນ​ອີກ​ສິ່ງ​ນຶ່ງ​ ທີ່​ຜູ້​ມາ​ຊົມ​ສວນພາກັນ​ຊື່ນ​ຊອບ. ລົດ​ໄຟ​ນີ້ຈະ​ແລ່ນໄລຍະ​
ທາງ 244 ​ແມັດ ຜ່ານ​ໂຄງ​ສ້າງ​ທີ່​ໄດ້​ເຫັນ​ເທື່ອ​ທໍາ​ອິດ ຢູ່​ທີ່​ງານ​ມະຫະກໍາ​ໂລກ ຫຼື World’s
Fairs ຄັ້ງ​ຜ່ານໆ​ມາ ເຊັ່ນ ຫໍ Eiffel ຈາກງານ​ມະຫະກໍາ​ທີ່ປາ​ຣີ ​ປີ 1889 ຕຶກເຂັມອະວະກາດ
ຫຼື Space Needle ຈາກ​ງານ​ມະຫະກໍາ​ປີ 1962 ທີ່​ເມືອງ Seattle ລັດ​ວໍ​ຊິງ​ຕັນ ຝັ່ງ​ຕາ​ເວັນ
​ຕົກຂອງ​ສະຫະລັດ.

ນັກ​ທ່ອງ​ທ່ຽວ Rachel Smalley ​ເວົ້າ​ວ່າ: “ທີ່ຂ້າພ​ະ​ເຈົ້າມັກເປັນ​ພິ​ເສດ ກໍ​ຄື
​ຕົ້ນ​ຄຣີສມາສ​ຢູ່ໃນ​ນີ້ ຊຶ່ງ​ເປັນ​ຕົ້ນທີ່​ໃຫຍ່​ທີ່​ສຸດ​ຢູ່​ທາງໃນ​ຕຶກ​ສາທາລະນະ ທີ່​ນະຄອນຫຼວງ​ວໍ​ຊິງ​ຕັນ. ​ແລະ​ແນ່ນອນວ່າ ພວກ​ຕົ້ນ​ດອກ Pointsettias ກໍ
ງົດ​ງາມ​ຫຼາຍ ​ເພາະ​ມີຫຼາກສີ.”


ສວນ​ພຶກສາຊາດ​ດັ່ງກ່າວ​ນີ້ ຕັ້ງ​ຢູ່ໃນບໍລິ​ເວນພື້ນ​ທີ່​ຂອງ​ລັດຖະສະພາ​ສະຫະລັດ ທີ່​ໄດ້​
ອະນຸມັດ​ໃຫ​ເ​ສ້າງ​ຂຶ້ນ​ໃນ​ປີ 1820 ​ແລະ​ກໍ​ຖື​ວ່​າ​ເປັນ​ສວນ​ພຶກສາຊາດ​ທີ່​ເກົ່າ​ແກ່​ທີ່​ສຸດ​ແຫ່ງ​
ນຶ່ງ​ ໃນ​ທະວີ​ບອາ​ເມ​ຣິກາ​ເໜືອ.

​ເບິ່ງ​ວີ​ດີ​ໂອ ກ່ຽວ​ກັບ​ການ​ເອ້ຍ້ອງ​ ເທດສະການ​ບຸນຄຣິສມັສ ດ້ວຍ​ສີ​ແສງ:

XS
SM
MD
LG