ປະທານາທິບໍດີ Barack Obama ກ່າວວ່າ ການຈັບກຸມຢູ່
ຊາຍແດນສະຫະລັດ ຕິດກັບເມັກຊິໂກ ໄດ້ຫລຸດໜ້ອຍລົງ
ເປັນເດືອນທີສອງລຽນຕິດ.
ທ່ານ Obama ໄດ້ກ່າວຕໍ່ບັນດານັກຂ່າວ ທີ່ນະຄອນຫລວງ
ວໍຊິງຕັນ ໃນວັນພະຫັດວານນີ້ວ່າ “ຂ່າວດີນັ້ນກໍຄື ພວກເຮົາ
ໄດ້ເລີ້ມສ້າງຄວາມຄືບໜ້າຈຳນວນນຶ່ງ.”
ເຖິງແມ່ນວ່າ ໂຕເລກຂອງເດືອນສິງຫາຍັງບໍ່ທັນໄດ້ເປີດເຜີຍ
ເທຶ່ອກໍຈິງ ແຕ່ ປະທານາທິບໍດີກໍກ່າວວ່າ ຄາດວ່າຈຳນວນຈະ
ຕ່ຳກວ່າລະຍະດຽວກັນຂອງປີກາຍນີ້ ທັງໆທີ່ພວກເດັກນ້ອຍ
ແລະ ຄອບຄົວຈາກເຂດອາເມຣິກາກາງ ຫລາຍສິບພັນຄົນ
ໄດ້ມາເຖິງຜ່ານທາງ ເມັກຊິໂກຫວ່າງບໍ່ເທົ່າໃດເດືອນທີ່ຜ່ານມານີ້.
ການຫລຸດຜ່ອນລົງດັ່ງກ່າວນີ້ ຈະຊ່ວຍຜ່ອນເບົາຄວາມກົດດັນຕໍ່ສູນກາງຕ່າງໆ ທີ່ມີຜູ້
ຄົນເກີນຂອບເຂດ ນັບແຕ່ບ່ອນກັກຂັງເຫຼົ່ານີ້ ໄດ້ຮັບເອົາຜູ້ຄົນເປັນຈຳນວນຫຼວງຫຼາຍ
ລະຫວ່າງເດືອນມີນາຫາເດືອນມິຖຸນາຜ່ານມາ.
ປະທານາທິບໍດີໂອບາມາກ່າວວ່າ “ນັ້ນຄືຫຍັງ ຂ້າພະເຈົ້າຄິດວ່າ ອະນຸຍາດໃຫ້ພວກ
ເຮົາປະຕິບັດງານ ກໍຄືເພື່ອໃຫ້ເປັນທີ່ແນ່ນອນວ່າ ບັນດາເດັນນ້ອຍເຫລົ່ານັ້ນຖືກເບິ່ງ
ແຍງຢ່າງເໝາະສົມ ພ້ອມໆກັບຂະບວນການທາງກົດໝາຍ. ພ້ອມດຽວກັນນັ້ນ ມັນກໍ
ເປັນການອະນຸຍາດ ໃຫ້ພວກເຮົາ ພົວພັນກັບການສົນທະນາ ໃນຂອບເຂດທີ່ກວ້າງ
ຂວາງ ກ່ຽວກັບອັນທີ່ພວກເຮົາຕ້ອງການເຮັດເພື່ອໃຫ້ໄດ້ຮັບຊັບພະຍາກອນຢູ່ທີ່ຊາຍ
ແດນ,”
ປີກາຍນີ້ ມີເດັກນ້ອຍປະມານ 31,500 ຄົນ ເດີນທາງມາຜູ້ດຽວ ໄດ້ຖືກກັກຂັງທີ່ຊາຍ
ແດນໃນພາກໃຕ້ຂອງສະຫະລັດ. ຈຳນວນດັ່ງກ່າວຄາດວ່າຈະສູງຂື້ນກາຍສອງເທົາໃນ
ປີນີ້ ເຖິງແມ່ນວ່າຈຳນວນໄດ້ຫລຸດລົງແຕ່ເດືອນມິຖຸນາ ຫາເດືອນກໍລະກົດ ແລະປັດຈຸ
ບັນນີ້ ແມ່ນເດືອນສິງຫາ.
ໃນວັນພະຫັດວານນີ້ ທ່ານ Obama ຍັງໄດ້ກ່າວຢ້ຳ ເຖິງການໃຫ້ຄຳໝັ້ນສັນຍາຂອງ
ທ່ານ ທີ່ຈະເອົາບາດກ້າວຂອງຝ່າຍບໍລິຫານຫລາຍຂື້ນ ຖ້າຫາກລັດຖະສະພາ ບໍ່ເຫັນ
ພ້ອມ ກັບການປະຕິຮູບດ້ານຄົນເຂົ້າ ພາຍເມືອງໃນທ້າຍປີນີ້.
ທ່ານ Obama ກ່າວວ່າ “ໃນຂະນະທີ່ບໍ່ມີການດຳເນີນງານໃດໆຂອງສະພາ ຂ້າພະເຈົ້າ
ຈະເຮັດທຸກຢ່າງທີ່ສາມາດເຮັດໄດ້ ເພື່ອໃຫ້ເປັນທີ່ແນ່ນອນວ່າ ລະບົບດັ່ງກ່າວເຮັດວຽກ
ໄດ້ດີຂື້ນ.”
