ເຈົ້າໜ້າທີ່ສືບສວນສອບສວນດ້ານຄວາມປອດໄພທາງອາກາດ
ຂອງສະຫະລັດໄດ້ຖິ້ມໂທດ ໃສ່ພວກນັກບິນ ກ່ຽວກັບອຸປະຕິເຫດ
ເຮືອບິນໂດຍສານຂອງສາຍການບິນ Asiana ຕົກ ທີ່ນະຄອນ
San Francisco ປີກາຍນີ້ ທີ່ໄດ້ເຮັດໃຫ້ມີຜູ້ໂດຍສານ 3 ຄົນ
ເສຍຊີວິດ ແລະບາດເຈັບ 187 ຄົນ ນັ້ນ.
ປະທານຮັກສາການຊົ່ວຄາວຂອງອົງການລັດຖະບານທີ່ທຳການ
ສືບສວນສອບສວນກ່ຽວ ກັບອຸບປະຕິເຫດໃນການຂົນສົ່ງທາງ
ອາກາດ ທ່ານ Christopher Hart ໄດ້ກ່າວໃນວັນອັງຄານວານນີ້
ວ່າ ສາເຫດຂອງອຸບປະຕິເຫດຄັ້ງນີ້ ແມ່ນເປັນຍ້ອນພວກນັກບິນ
ໄດ້ກາງຕໍ່ ລະບົບທີ່ສະລັບສັບຊ້ອນຂອງເຮືອບິນ ທີ່ພວກເຂົາເຈົ້າ
ຍັງບໍ່ໄດ້ເຂົ້າໃຈທັງໝົດ ໂດຍທີ່ໄດ້ບິນຕ່ຳແລະຊ້າເກີນໄປ ໃນຂະນະທີ່ພວກເຂົາເຈົ້າ ພະຍາຍາມນຳເອົາເຮືອບິນ Boing 777 ລົງຈອດ.
ຫຼັງຈາກທີ່ເຮືອບິນໄດ້ຕຳກັບກຳແພງກັ້ນນ້ຳທະເລແລ້ວ ມັນກໍໄດ້ໝຸນປິ່ນແບບບັງຄັບບໍ່ໄດ້
ຢູ່ທາງແລ່ນ ຂອງສະໜາມບິນ San Francisco ໂດຍພາໃຫ້ເກີດໄຟໄໝ້ ແລະກໍເຮັດໃຫ້ຫລັງຂອງເຮືອບິນເປີດອອກ ເປັນຮູໃຫຍ່.
ອຸບປະຕິເຫດ ໃນຄັ້ງນີ້ ໄດ້ເກີດຂຶ້ນໃນວັນທີ 6 ກໍລະກົດປີກາຍນີ້ ໃນວັນທີ່ທ້ອງຟ້າແຈ່ມໃສຂອງການບິນ 10 ຊົ່ວໂມງເຄິ່ງ ຈາກນະຄອນຫຼວງ Soul ເກົາຫຼີໃຕ້.
ເບິ່ງວີດີໂອ ອີກເລື້ອງນຶ່ງ ກ່ຽວກັບຂ່າວນີ້ ເປັນພາສາລາວ:
