ລາຍງານຂ່າວແຈ້ງວ່າ ບໍລິສັດ ຮັກສາຄາມປອດໄພ ເອກກະຊົນ ຊຶ່ງໃນອະດີດ ຮູ້ກັນໃນນາມ ບໍລິສັດ Blackwater ນັ້ນ ໄດ້ຕົກລົງ ກັບກະຊວງການຕ່າງ ປະເທດ ສະຫະລັດ ທີ່ຈະຈ່າຍເງິນ ຄ່າປັບໃໝ 42 ລ້ານໂດລາ ຍ້ອນໄດ້ລະເມີດ ລະບຽບການຄວບຄຸມ ການສົ່ງອອກ ຂອງສະຫະລັດ ຫຼາຍຮ້ອຍເທື່ອ.
ໜັງສືພິມ New York Times ລາຍງານ ໃນຕອນແລງ ຂອງມື້ວານນີ້ວ່າ ບໍລິສັດທີ່ມີຊື່ວ່າ ບໍລິການ Xe ໄດ້ຕົກລົງ ທີ່ຈະຈ່າຍເງິນຄ່າປັບໃໝ ເພື່ອຫຼີກລ້ຽງ ຕໍ່ຂໍ້ຫາທາງອາຍາ ທີ່ອາດເຮັດໃຫ້ ບໍລິສັດດັ່ງກ່າວ ບໍ່ມີໂອກາດ ສາມາດເຂົ້າແຂ່ງຂັນ ຫຼືປະມູນເອົາ ສັນຍາຕ່າງໆ ຂອງລັດຖະບານໄດ້.
ເຈົ້າໜ້າທີ່ກ່າວວ່າ ການລະເມີດ ຂອງບໍລິສັດນີ້ ແມ່ນຮວມທັງ ການສົ່ງອອກອາວຸດ ແບບຜິດກົດໝາຍ ໄປຍັງອັຟການິສຖານ ການສະເໜີ ແບບບໍ່ໄດ້ຮັບ ອະນຸຍາດ ໃນການຝຶກທະຫານ ຢູ່ໃນພາກໃຕ້ຊູດານ ແລະການຝຶກອົບຮົມ ພວກຍິງປືນແນ່ ໃຫ້ ແກ່ຕຳຫຼວດໃຕ້ຫວັນ.
ໜັງສືພິມສະບັບນີ້ ລາຍງານວ່າ ບໍລິສັດບໍລິການ Xe ໄດ້ໃຫ້ການຢືນຢັນ ກ່ຽວກັບການຕົກລົງ ດັ່ງກ່າວ. ສ່ວນກະຊວງ ການຕ່າງປະເທດ ສະຫະລັດ ຍັງບໍ່ໃຫ້ຄວາມເຫັນໃດໆ ກ່ຽວກັບເລື່ອງນີ້.
