ປະທານາທິບໍດີບາຣັກໂອບາມາແຫ່ງສະຫະລັດກ່າວວ່າ ທ່ານໄດ້ສັ່ງໃຫ້ ທໍາການບຸກໂຈມຕີນາຍໂອຊາມາບິນລາເດັນ ຜູ້ນໍາເຄືອຂ່ານອາລກາອິດາ ຫລັງຈາກໄດ້ລົງຄວາມເຫັນວ່າ ຄວາມເປັນໄປໄດ້ໃນການທີ່ຈະສາມາດຈັບໂຕນາຍບິນລາເດັນໄດ້ນັ້ນ ມີຫລາຍກວ່າຄວາມສ່ຽງ.
ທ່ານໂອບາມາກ່າວເຊ່ນນີ້ໃນລະຫວ່າງການໃຫ້ສໍາພາດກັບລາຍການ 60 ນາທີຂອງຕາໜ່າງ
ໂທລະພາບ CBS ທີ່ອອກອາກາດໃນວັນອາທິດວານນີ້ ຊຶ່ງທ່ານກ່າວວ່າ ຄວາມເປັນຫ່ວງ
ຫລາຍທີ່ສຸດຂອງທ່ານແມ່ນສໍາລັບພວກໜ່ວຍກ້າຕາຍຂອງສະຫະລັດ ທີ່ທໍາການບຸກເຂົ້າໂຈມ
ຕີໃນບໍລິເວນບ້ານຂອງນາຍບິນລາເດັນໃນເມືອງ Abbottabad ທີ່ປາກີສຖານນັ້ນ. ປະທາ
ນາທິບໍດີໂອບາມາກ່າວວ່າ ການດໍາເນີນການດັ່ງກ່າວເປັນໄລຍະເວລາ 40 ນາທີທີ່ດົນທີ່ສຸດ
ໃນຊີວິດຂອງທ່ານ ນອກຈາກໂອກາດນຶ່ງ ທີ່ອາດຈະແມ່ນເວລາທີ່ລູກສາວຂອງທ່ານຄົນນຶ່ງ
ລົ້ມປ່ວຍຍ້ອນເນື້ອເຍື່ອໃນສະໝອງອັກເສບເມື່ອຫລາຍປີຜ່ານມາ.
ທ່ານໂອບາມາກ່າວວ່າ ຖ້າຜູ້ໃດຫາກມີຄໍາຖາມຫລືສົງໄສວ່າ ຜູ້ນໍາກໍ່ການຮ້າຍຄົນນີ້ບໍ່ສົມ
ຄວນໄດ້ຮັບຊະຕາກໍາທີ່ເຂົາໄດ້ຮັບນັ້ນ ບຸກຄົນຜູ້ນັ້ນກໍຄວນຈະໄປກວດເບິ່ງສະໝອງຂອງ
ຕົນ.
ທ່ານໂອບາມາກ່າວວ່າ ເປັນທີ່ຈະແຈ້ງວ່າ ນາຍບິນລາເດັນມີເຄືອຂ່າຍ ທີ່ໃຫ້ການສະໜັບ
ສະໜຸນເຂົາແບບໃດແບບນຶ່ງໃນປາກີສຖານນັ້ນ ແຕ່ທ່ານກໍບໍ່ໄດ້ກ່າວຫາພວກເຈົ້າໜ້າທີ່
ປາກີສຖານວ່າ ໃຫ້ບ່ອນພັກເຊົາແກ່ຜູ້ກໍ່ການຮ້າຍທີ່ໂລກຕ້ອງການໂຕຫລາຍທີ່ສຸດນັ້ນ.
ທ່ານໂອບາມາກ່າວຕື່ມວ່າ ຍັງບໍ່ທັນເປັນທີ່ແຈ້ງຂາວວ່າ ລັດຖະບານປາກີສຖານຮູ້ຈັກມາ
ກ່ອນຫລືບໍ່ ວ່ານາຍບິນລາເດັນລີ້ຊ່ອນໂຕຢູ່ໃນປະເທດຂອງຕົນ.
