ການນຳອອກສາຍ ໃນຮອບປະຖົມມະເລີກ ຢູ່ນະຄອນນິວ
ຢອກ ຮູບເງົາເລື່ອງແຕ່ງຂຶ້ນກ່ຽວກັບແຜນການລອບສັງຫານ
ຜູ້ນຳເກົາຫລີເໜືອ Kim Jong Un ໄດ້ຖືກຍົກເລີກ ຫລັງ
ຈາກມີການຂົ່ມຂູ່ຈະທຳການໂຈມຕີ ຈາກກຸ່ມແຮັກເກີ້ ລຶກ
ລັບກຸ່ມໜຶ່ງ.
ໃນວັນອັງຄານວານນີ້ ກຸ່ມທີ່ເອີ້ນຕົນເອງວ່າ “ຜູ້ພິທັກສັນ
ຕິພາບ” ໄດ້ເຜີຍແຜ່ ຖະແຫລງການ ທີ່ໃຫ້ຄຳໝັ້ນສັນຍາ
ວ່າ ຈະມອບ “ຊະຕາກຳອັນຂົ່ມຂື່ນ” ໃຫ້ແກ່ຜູ້ທີ່ຈະໄປເບິ່ງ
ຮູບເງົາເລື່ອງ “The Interview” ຫລື “ການສຳພາດ” ທີ່ມີ
ກຳ ນົດຈະນຳອອກສາຍທົ່ວປະເທດ ໃນວັນຄຣິສມັສ ຈະ
ມາເຖິງນີ້.
ໃນຄຳຖະແຫລງສັ້ນໆເປັນພາສາອັງກິດ ທີ່ບໍ່ລ່ຽນໄຫລ ກຸ່ມແຮັກເກີ້ດັ່ງກ່າວໄດ້ເອີ່ຍເຕື້ອງ
ໄປໃສ່ ການໂຈມຕີຕໍ່ສະຫະລັດ ເມື່ອວັນທີ 11 ເດືອນກັນຍາ ປີ 2001 ນັ້ນ ແລະເຕືອນ
ພວກທີ່ຈະໄປເບິ່ງຮູບເງົາ “ໃຫ້ພາກັນຢູ່ຫ່າງໄກ” ຈາກໂຮງສາຍຮູບເງົາ ທີ່ຈະເອົາເລື່ອງດັ່ງ
ກ່າວ ອອກສາຍ.
ກະຊວງຮັກສາຄວາມໝັ້ນຄົງພາຍໃນປະເທດຂອງສະຫະລັດ ກ່າວວ່າ ຕົນກຳລັງວິເຄາະ
ເບິ່ງຂໍ້ຄວາມໃໝ່ຈາກພວກແຮັກເກີ້ນັ້ນ ແຕ່ກໍຢືນຢັດວ່າ ບໍ່ໄດ້ມີຂ່າວ ສືບລັບໃດໆທີ່ຊີ້ບອກ
ວ່າ ກຳລັງມີການວາງແຜນຢ່າງຈິງຈັງ ທີ່ຈະໂຈມຕີໂຮງ ສາຍຮູບເງົານັ້ນ.
