ລິ້ງ ສຳຫລັບເຂົ້າຫາ

ວັນສຸກ, ໑໒ ເມສາ ໒໐໒໔

ສະຫະລັດວິຕົກ ເລື່ອງຄວາມປອດໄພ ຜູ້ນໍາຝ່າຍຄ້ານມຽນມາ


ໂຄສົກະຊວງການຕ່າງປະເທດສະຫະລັດ ທ່ານ P.J. Crowley
ໂຄສົກະຊວງການຕ່າງປະເທດສະຫະລັດ ທ່ານ P.J. Crowley

ສະຫະລັດກ່າວວ່າຕົນມີຄວາມ
ວິຕົກກັງວົນ ກ່ຽວກັບເລື່ອງ
ຄວາມປອດໄພຂອງທ່ານນາງ
ອອງຊານ ຊູຈີ ຜູ້ນຳພັກຝ່າຍ
ຄ້ານຂອງມຽນມາລຸນຫຼັງທີ່ໄດ້
ມີການຂົ່ມຂູ່ໂດຍໜັງສືພິມຂອງ
ທາງການມຽນມາ.

ໂຄສົກກະຊວງການຕ່າງປະເທດສະຫະລັດທ່ານ P.J. Crowley ກ່າວໃນມື້ວັນພຸດວານ
ນີ້ວ່າ ມີຫລາຍ​ຄັ້ງທີ່ວ່າຫລັງຈາກທີ່ທ່ານນາງອອງຊານຊູຈີໄດ້ຖືກປ່ອຍໃຫ້ເປັນອິດສະຫຼະ
ຈາກການກັກບໍລິເວນ​ແລ້ວ ພວກເຈົ້າໜ້າທີ່ກໍຊອກຫາຊ່ອງທາງຈັບກຸມທ່ານນາງຕື່ມອີກ.

ທ່ານ Crowley ເວົ້າວ່າ ພວກເຈົ້າໜ້າທີ່ມຽນມາ ມີ​ຄວາມຜິດຊອບຂັ້ນພື້ນຖານ ທີ່​ຈະ​
ຕ້ອງຄໍ້າປະກັນຄວາມປອດໄພ​ໃຫ້ທ່ານນາງ. ນອກນັ້ນ ທ່ານຍັງໄດ້ກ່າວຢໍ້າອີກຄັ້ງນຶ່ງ
ເຖິງການຮຽກຮ້ອງ ໃຫ້ມຽນມາ ປ່ອຍພວກນັກໂທດການເມືອງທັງໝົດ ແລະ​ໃຫ້ຮັບຮູ້
ກ່ຽວກັບຄວາມຖືກຕ້ອງຊອບທຳຂອງພັກສັນນິບາດແຫ່ງຊາດເພື່ອປະຊາທິປະໄຕຂອງ
ທ່ານນາງອອງຊານຊູຈີ.

ໃນສັບປະດານີ້ສື່ມວນຊົນຂອງທາງການມຽນມາເຕືອນວ່າ ທ່ານນາງອອງຊານຊູຈີແລະ
ພັກການເມືອງຂອງທ່ານນາງຈະພົບກັບຈຸດຈົບທີ່ໜ້າເສົ້າສະລົດໃຈຖ້າພວກເຂົາເຈົ້າຫາກ
ຍັງສືບຕໍ່ຄັດຄ້ານ ຕໍ່​ການ​ຍຸດຕິການລົງໂທດຂອງປະເທດຕາເວັນຕົກຕໍ່​ມຽນມາ​ນັ້ນ.

XS
SM
MD
LG