ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ສະຫະລັດ ຂໍໃຫ້ ຫວຽດນາມ ສະໜັບສະໜູນອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ຢູເຄຣນ


ປະທານາທິບໍດີຣັດເຊຍ ທ່ານວລາດີເມຍ ປູຕິນ ເດີນທາງໄປຮອດສະໜາມບິນສາກົນ Noi Bai ໃນນະຄອນຫຼວງຮ່າໂນ່ຍ, ຫວຽດນາມ, ວັນທີ 20 ມິຖຸນາ 2024. ລຸນຫຼັງການຢ້ຽມຢາມຂອງ ທ່ານ ປູຕິນ, ສະຫະລັດ ສະແຫວງຫາຄໍາໝັ້ນສໍາລັບການສະໜັບສະໜູນຕໍ່ອະທິປະໄຕ ຢູເຄຣນ ຈາກຫວຽດນາມ.
ປະທານາທິບໍດີຣັດເຊຍ ທ່ານວລາດີເມຍ ປູຕິນ ເດີນທາງໄປຮອດສະໜາມບິນສາກົນ Noi Bai ໃນນະຄອນຫຼວງຮ່າໂນ່ຍ, ຫວຽດນາມ, ວັນທີ 20 ມິຖຸນາ 2024. ລຸນຫຼັງການຢ້ຽມຢາມຂອງ ທ່ານ ປູຕິນ, ສະຫະລັດ ສະແຫວງຫາຄໍາໝັ້ນສໍາລັບການສະໜັບສະໜູນຕໍ່ອະທິປະໄຕ ຢູເຄຣນ ຈາກຫວຽດນາມ.

ສະຫະລັດ ໄດ້ທໍາການຮຽກຮ້ອງໃຫ້ ຫວຽດນາມ ສະໜັບສະໜູນອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ຢູເຄຣນ ພາຍຫຼັງການຢ້ຽມຢາມ ຮ່າໂນ້ຍ ເປັນເວລາ 1 ວັນຂອງ ທ່ານວລາດີເມຍ ປູຕິນ, ເຊິ່ງເປັນສ່ວນນຶ່ງຂອງການຢ້ຽມຢາມເອເຊຍໄລຍະສັ້ນໆຂອງປະທານາທິບໍດີຣັດເຊຍ ເພື່ອແນເປົ້າໃສ່ການຮັດແໜ້ນສາຍພົວພັນກັບພັນທະມິດ ສໍາລັບການປະເຊີນໜ້າກັບການລົງໂທດຕ່າງໆຂອງປະເທດຕາເວັນຕົກ.

“ພວກ​ເຮົາ​ຄາດ​ວ່າ ປະ​ເທດ​ໃດ​ກໍ​ຕາມ, ເມື່ອ​ມີ​ການ​ເຈລະຈາ​ກັບ​ລັດຖະບານຣັດ​ເຊຍ, ແລະ​ໂດຍ​ສະ​ເພາະ​ແມ່ນ​ເວລາ​ທີ່ຕ້ອນຮັບ​ຜູ້ນຳ​ຈາກລັດຖະບານ ຣັດ​ເຊຍ, ມັນຈະເປັນການສະແດງອອກຢ່າງຈະ​ແຈ້ງ​ຕໍ່ການ​ເຄົາລົບ​ຫຼັກການກົດ​ບັດ​ສະຫະ​ປະຊາ​ຊາດຂອງພວກເຂົາເຈົ້າ, ລວມທັງ​ອະທິປະ​ໄຕ ແລະ ຜືນ​ແຜ່ນດິນ​ອັນ​ຄົບ​ຖ້ວນ, ພ້ອມທັງບົ່ງ​ບອກ​ວ່າ ຫຼັກ​ການ​ເຫຼົ່າ​ນັ້ນ ​ຕ້ອງ​ໄດ້​ຮັບ​ການ​ຍຶດ​ໝັ້ນ​ໃນ​ທົ່ວ​ໂລກ,” ອີງຕາມໂຄສົກ​ຂອງ​ກະ​ຊວງ​ການ​ຕ່າງ​ປະ​ເທດ ທ່ານແມັດທິວ ມີລເລີ ທີ່ໄດ້ກ່າວ​ຕໍ່​ VOA ໃນ​ລະ​ຫວ່າງກອງ​ປະ​ຊຸມ​ຖະແຫຼງຂ່າວໃນ​ວັນ​ພະ​ຫັດ​ວານນີ້.

ໃນ​ຂະ​ນະດຽວກັນ, ນັກ​ການ​ທູດຂັ້ນ​ສູງ​ຂອງ​ກະ​ຊວງ​ການ​ຕ່າງ​ປະ​ເທດທີ່ຮັບຜິດຊອບວຽກງານຂົງເຂດ​ເອເ​ຊຍ ກໍາລັງ​ເດີນ​ທາງ​ໄປ​ຮ່າ​ໂນ້ຍ ເພື່ອ​ຢືນ​ຢັນ​ການ​ພົວ​ພັນ​ຄືນ​ໃໝ່​ລຸນຫຼັງ​ ສະຫະລັດ ແລະ ຫວຽດ​ນາມ ໄດ້​ຍົກ​ລະ​ດັບ​ການ​ພົວ​ພັນ​ສອງ​ຝ່າຍ​ຂອງພວກເຂົາເຈົ້າໃນ​ປີ​ແລ້ວ​ນີ້.

ອີງຕາມ​ຖະແຫຼງການຂອງກະຊວງການຕ່າງປະເທດທີ່ເຜີຍແຜ່ອອກມາ ເປີດເຜີຍວ່າ “ຮອງລັດຖະມົນຕີການຕ່າງປະເທດ ທີ່ີຮັບຜິດຊອບວຽກງານຢູ່ໃນຂົງເຂດເອເຊຍຕາເວັນອອກ ແລະບໍລິເວນມະຫາສະໝຸດປາຊີຟິກ, ທ່ານ​ແດ​ນຽ​ລ ເຈ. ໄຄ​ຣ​ເຕັນ​ບ​ຣິງ (Daniel J. Kritenbrink) ຈະ​ເດີນທາງ​ໄປ​ນະຄອນ ຫຼວງ​ຮ່າ​ໂນຍ, ປະເທດຫວຽດນາມ ລະຫວ່າງວັນທີ 21 ຫາ 22 ມິຖຸນາ.

“ທ່ານ​ຈະ​ພົບ​ປະ​ກັບ​ບັນດາ​ເຈົ້າ​ໜ້າ​ທີ່​ຂັ້ນ​ສູງຂອງ​ລັດຖະບານ​ຫວຽດນາມ ເພື່ອ​ແນ​ໃສ່ຄຳ​ໝັ້ນ​ສັນຍາ​ອັນ​ເຂັ້ມແຂງ​ຂອງ ສະຫະລັດ ​ໃນ​ການ​ປະຕິບັດ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ລະຫວ່າງ ສະຫະລັດ ແລະ ຫວຽດນາມ ພ້ອມທັງການ ດໍາເນີນງານຮ່ວມ​ກັບ ​ຫວຽດນາມ ​ເພື່ອ​ສະໜັບສະໜູນ​ພາກ​ພື້ນ​ອິນ​ໂດ​ປາ​ຊີ​ຟິກ ທີ່​ເສລີ ​ແລະ ​ເປີດ​ກວ້າງ.”

ທ່ານ ມີລເລີ ກ່າວວ່າ ການ​ເດີນ​ທາງ​ຂອງ ທ່ານ ໄຄຣເຕັນບລິງ ​ໄດ້ຮັບການ​ວາງ​ແຜນ​ໄວ້ເປັນ “ຢ່າງ​ດີ” ກ່ອນຈະ​ມີການ​ຢ້ຽມ​ຢາມ​ຮ່າ​ໂນຍ​ຂອງ ທ່ານ ປູຕິນ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG