ລິ້ງ ສຳຫລັບເຂົ້າຫາ

ສະຫະລັດ​ຈະເພີ່ມ ກໍາລັງ​ທັບເຮືອ​ຂອງ​ຕົນ ​ຢູ່​ໃນເຂດ ​ເອ​ເຊຍ-ປາຊີ​ຟິກ (ວີດີໂອລາວ/ອັງກິດ)

  • ທອງປານ ເທບວົງສາ

ສະຫະລັດ​ພວມ​ເສີມສ້າງ​ ກໍາລັງ​ທັບເຮືອ​ຂອງ​ຕົນ ​ຢູ່​ໃນ​ຂົງ​ເຂດ​ເອ​ເຊຍ-ປາຊີ​ຟິກ ອັນ​ເປັນ​​ເຂດ​ນຶ່ງ​ຂອງ​ໂລກ ​ບ່ອນ​ທີ່​ຈີນ​ກໍ​ມີ​ຜົນ​ປະ​ໂຫຍດທາງ​ຍຸດ​ທະ​ສາດ​ຢູ່​ທີ່​ນັ້ນ​​ເຊັ່ນ​ກັນ. Meredith Buel ຜູ້​ສື່​ຂ່າວ​ວີ​ໂອ​ເອ ສຶກສາ​ເບິ່ງ​ເຫດຜົນຂອງ​ການ​ເຄື່ອນ​ໄຫວ​ນີ້ ແລະມີ​ລາຍ​ງານ ຊຶ່ງທອງ​ປານຈະ​ນໍາ​ມາ ສະ​ເໜີທ່ານ​.

ເບິ່ງວີດີໂອ ພາສາລາວ:

ທໍານຽບຫ້າ​ແຈ ຫຼື​ກະຊວງ​ປ້ອງ​ກັນ​ປະ​ເທດ​ສະຫະລັດ ວາງ​ແຜນ​ຈະ​ຍ້າຍ​ກອງທັບ​ເຮືອ​ຂອງ​ຕົນ ​60 ​ເປີ​ເຊັນ ໄປ​ຍັງຂົງ​ເຂດ​ປາຊິ​ຟິກ ພາຍ​ໃນ​ປີ 2020 ຊຶ່ງ​ຈະ​ກົງກັນຂ້າມ​ກັບສະຖານ​
ນະ​ການ​ໃນ​ປັດຈຸ​ບັນ​ນີ້ ຄື​ແບ່ງ​ກັນ ບ່ອນລະ 50-50 ກັບ​ຂົງ​ເຂດ ​ແອັດແລນ​ຕິກ.

ການ​ເຄື່ອນ​ໄຫວ​ດັ່ງກ່າວ​ນີ້​ເປັນ​ພາກສ່ວນ​ຂອງແຜນການຫັນປ່ຽນ​ຍຸ​ດທະ​ສາດໄປ​ຍັງ​ຂົງ​ເຂດ​ເອ​ເຊຍ​ ຂອງ​ລັດຖະບານ​ປະທານາທິບໍດີ​ໂອ​ບາ​ມາ ຊຶ່ງ​ພວກ​ນັກວິ​ເຄາະ​ກ່າວວ່າ​ ​ມີເປົ້າ​ໝາຍ​ແນ​ໃສ່ເພື່ອ​ຕ້ານ​ຢັນ​ອໍານາດ​ທາງ​ທະຫານ​ຂອງ​ຈີນ​ ທີ່​ຖີບຕົວ​ສູງ​ຂຶ້ນ​ໄປ​ນັບ​ມື້​ນັ້ນ.

ທ່ານ ລີ​ອອນ ພາ​ແນ​ດຕ້າ ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ ກ່າວ​ຕໍ່ກອງ​ປະຊຸມ​ບັ້ນ​ນຶ່ງ​ທີ່​ສິງ​ຄະ​ໂປ​ເມື່ອ​ບໍ່ດົນ​ມາ​ນີ້ວ່າ ການເຄື່ອນ​ໄຫວ​ເພື່ອ​ສ້າງ​ຄວາມ​ສົມ​ດຸນ​ໃໝ່​ນີ້ ບໍ່​ໄດ້ມີ​ເປົ້າໝາຍ​ເພື່ອ​ຂົ່ມຂູ່​ປັກ​ກິ່ງ​ແຕ່​ຢ່າງ​ໃດ. ທ່ານ​ພາ​ແນ​ດຕ້າ​ກ່າວ​ວ່າ:

“ບາງ​ຄົນ​ມອງ​ເຫັນ​ວ່າ ການເນັ້ນ​ຄວາມ​ສໍາຄັນ​ຫລາຍ​ຂຶ້ນຂອງ​ສະຫະລັດ ​ຢູ່​ໃນ​ຂົງ​ເຂດ
​ເອ​ເຊຍ​-ປາຊິ​ຟິກ
ນັ້ນ ​ເປັນ​ການທ້າ​ທາຍ​ຢ່າງ​ໃດ​ຢ່າງ​ນຶ່ງ​ຕໍ່​ຈີນ. ​ຂ້າພະ​ເຈົ້າຂໍ​ປະຕິ​ເສດ​ຕໍ່
​ທັດສະນະ​ດັ່ງກ່າວນັ້ນ​ໂດຍ​ສິ້ນ​ເຊີງ.

ງົບປະມານການ​ໃຊ້​ຈ່າຍໃນ​ດ້ານ​ການ​ທະຫານ​ຂອງຈີນ ​ແລະ​ຂອງປະ​ເທດ​ອື່ນໆ​ໃນ​ຂົງ​ເຂດ
​ເອ​ເຊ​ຍ ກໍາ​ລັງ​ຖີບ​ຕົວສູງ​ຂຶ້ນ ​ແລະ​ກໍຄາດ​ວ່າ​ ຈະ​ລື່ນງົບປະມານ​ໃຊ້​ຈ່າຍສໍາລັບ​ກອງທັບ​ທັງ​
ໝົດຢູ່​ໃນ​ພາກ​ພື້ນຢູ​ໂຣບ ໃນ​ປີ​ນີ້ ​ເປັນ​ເທື່ອ​ທໍາ​ອິດ.

ທ່ານ Ernest Bower ຫົວໜ້າ​ໂຄງການ​ເອ​ເຊຍ​ຕາ​ເວັນ​ອອກສຽງ​ໃຕ້ ທີ່ສູນ​ກາງການ​ສຶກສາ
​ຍຸດ​ທະ​ສາດ​ແລະ​ສາກົນ ກ່າວ​ວ່າ

“ການ​ສ້າງ​ຄວາມ​ສົນ​ດຸນດ້ານ​ຍຸດ​ທະ​ສາດໃໝ່ນີ້​ ບໍ່​ໄດ້​ໝາຍ​ຄວາມ​ວ່າຈະ​ເຂົ້າ​ໄປ​ຄວບ​ຄຸມ
​ຫລື​ກັນຈີນໄວ້. ມັນ​ເປັນ​ເກ​ມຍຸ​ດທະ​ສາດໝາກ​ລຸກ​ຢ່າງ​ນຶ່ງ​ຫຼາຍ​ກວ່າ ​ເພື່ອເກ້​ຍກ່ອມຈີນ
​ໃຫ້​ປະຕິບັດ​ຕາມ​ກົດ​ເກນ ກັບທຸກໆ​ປະ​ເທດ​ໃນ​ຂົງ​ເຂດ.”

ກົດ​ເກນເຫຼົ່າ​ນັ້ນ ​ແມ່ນ​ໂຮມ​ທັງກົດເກນ​ຄຸ້ມ​ຄອງ​ຂົງ​ເຂດ​ທະ​ເລ​ຈີນ​ໃຕ້​ ທີ່ອຸດົມສົມບູນ​ດ້ວຍ​ນໍ້າ
ມັນ ບ່ອນ​ທີ່​ປັກ​ກິ່ງ​ໄດ້​ຈັດ​ສົ່ງ​ເຮືອ​ລາດຕະ​ເວນ​ທີ່​ທັນ​ສະ​ໄໝ​ໄປປ້ວນປ້ຽນຢູ່​ແຖວນັ້ນ ທ່າມ
ກາງ​ຄວາມ​ເຄັ່ງ​ຕຶງທີ່ທະວີຂຶ້ນກັບ​ບັນດາ​ປະ​ເທດເພື່ອນ​ບ້ານ​ຂອງ​ຕົນ​. ກ່ຽວກັບເລື້ອງນີ້ ທ່ານ
ພາ​ແນ​ດຕ້າ ​ກ່າວ​ວ່າ:

“ພວກ​ເຮົາ​ຄັດຄ້ານຕໍ່​ການ​ເກາະ​ຜິດ​ ຕໍ່ການບີບບັງຄັບແລະ​ການ​ໃຊ້​ກໍາລັງ​. ພວກ​ເຮົາ​ບໍ່
​ເຂົ້າຂ້າງ​ຝ່າຍ​ໃດ ​
​ໃນ​ເລື້ອງ​ການ​ຍາດ​ແຍ່ງ​ກັນ ​ອ້າງ​ເອົາ​ກໍາມະສິດ​ເຂດ​ນໍ້າ​ແດນ​ດິນ​ນັ້ນ.

​ໃນ​ການເດີນທາງຢ້ຽມຢາມຂອງ​ທ່ານ​ຄັ້ງ​ນີ້ ທ່ານ​ລັດ​ຖະມົນຕີ​ພາ​ແນ​ດຕ້າ​ໄດ້ ​ເນັ້ນ​ຍໍ້າວ່າ ​ການ
​ຫັນປ່ຽນ​ຍຸດ​ທະ​ສາດ​ຂອງ​ອາ​ເມຣິກາໄປ​ຍັງຂົງ​ເຂດ​ເອ​ເຊຍນັ້ນ ​ແມ່ນຈະ​ຂຶ້ນຢູ່​ກັບລະດັບ​ຄວາມ​
ສໍາພັນທາງ​ທະຫານ​ທີ່ດີຂຶ້ນ ກັບ​ຫວຽດນາມ ອິນ​ເດຍ ​ແລະ​ປະ​ເທດ​ອື່ນໆ.

ສ່ວນ​ປະ​ເທດຈີນ​ນັ້ນ ​ແມ່ນ​ໄດ້​ມີ​ຄວາມລະ​ແວງ​ສົງໄສ​ ​ກ່ຽວ​ກັບ​ການ​ສ້າງ​ຕັ້ງ​ພັນທະ​ມິດ​ຂອງ​
ສະຫະລັດ​ໃນ​ຂົງ​ເຂດນັ້ນ ​ມາ​ເປັນ​ເວລາ​ດົນ​ນານ​ແລ້ວ.

ເບິ່ງວີດີໂອ ພາສາອັງກິດ:

ທ່ານ ຫຼິວ ​ເຫວ້ມິນ ​ໂຄ​ສົກ​ກະຊວງ​ຕ່າງປະ​ເທດ​ຈີນ ກ່າວ​ວ່າ

ວິທີ​ການ​ເນັ້ນ​ໜັກ​ໃສ່​ຄວາມ​ໝັ້ນຄົງ​ດ້ານທະຫານ ​ໃສ່ການ​ຍົກ​ລະດັບປະ​ຈໍາ​ການ​ຂອງ​
ທະຫານ ​ແລະ​ການ​ສ້າງ​ຄວາມ​ເຂັ້ມ​ແຂງ​
​ແກ່​ພັນທະ​ມິດ​ທະຫານ​ແບບ​ຈອມ​ປອມ​ນັ້ນ ​​ມັນ
​ບໍ່​ສອດຄ່ອງ​ກັບ​ຢຸກສະ​ໄໝ​ແລ້ວ. ​ເຂດ​ເອ​ເຊຍ​ປາຊີ​ຟິກ​ແມ່ນ​ເປັນ​ເຂດທີ່​ຈີນ​ແລະ​ສະຫະລັດ
ມີ​ຜົນ​ປະໂຫຍ​ດກວມ​ກັນ​ຫລາຍ​ທີ່​ສຸດ
ແລະ​ພວກ​ເຮົາ​ຂໍ​ຈະ​ຍິນ​ດີ​ ຖ້າສະຫະລັດ​ຈະ​ເອົາ
​ບົດບາດ​ໃນທາງ​ສ້າງ
ສັນ​ຢູ່​ໃນ​ຂົງ​ເຂດ​ນີ້.

​ແຕ່​ວ່າ ຂະນະ​ທີ່​ສະຫະລັດ​ສົ່ງ​ທະຫານ​ໄປ​ຍັງ​ຂົງ​ເຂດ​ເອ​ເຊຍຫຼາຍ​ເພີ່ມ​ຂຶ້ນນັ້ນ ຄວາມແຕກຕ່າງ
ທີ່ສໍາຄັນໆ ກັບຈີນກໍ​ຍັງ​ຄົງ​ມີ​ຢູ່ ຊຶ່ງທ່ານ Ernest Bower ​ແຫ່ງ​ສູນ​ກາງ​ການ​ສຶກສາ​ຍຸດ​ທະ​
ສາດແລະ​ສາກົນ ກ່າວ​ອີກ​ວ່າ​:

ຖ້າ​ຫາກ​ວ່າ​ເກີດ​ມີ​ຂໍ້​ຂັດ​ແຍ້​ງແລະ​ຂໍ້​ບາດໝາງ​ກັນ ​ທີ່​ຈະສັ່ນ​ສະ​ເທືອ​ນຂົງ​ເຂດ​ເອ​ເຊຍ
​ນັ້ນແລ້ວ
​ມັນ​ກໍ​ຈະ​ເປັນ​ບັນຫາ​ຄວາມ​ເປັນ​ຫ່ວງ​ດ້ານ​ຄວາມ​ໝັ້ນຄົງອັນ​ແທ້ຈິງ​ ​ສໍາລັບ​
ສະຫະລັດ ຍ້ອນ​ວ່າ
ຄວາມຈິງ​ກໍ​ແມ່ນ​ວ່າ ການ​ຄ້າ​ຂອງພວກ​ເຮົາ ຈໍານວນ​ຫລວງ
ຫລາຍ
ແມ່ນ​ມາ​ຈາກ​ເຂດ​ນັ້ນ ​ແລະ​ພວກ​ເຮົາ​ກໍ​ມີ​ການ​ລົງ​ທຶນ​ຢ່າງ​ມະຫາສານ​ ຢູ່​ທີ່
​ນັ້ນ​ນໍາອີກ.

ເຖິງ​ແມ່ນ​ວ່າ ກະຊວງ​ປ້ອງ​ກັນ​ປະ​ເທດ​ສະຫະລັດ​ກໍາລັງ​ປະ​ເຊີນ​ກັບ​ການ​ຕັດງົບປະມານ​ລົງ
​ຢ່າງ​ຫລວງຫລາຍ​ສົມຄວນ ໃນ​ໄລຍະ​ສິບ​ປີ​ຕໍ່ໜ້າ​ນີ້ ກໍ​ຕາມ ​ແຕ່ບັນດາ​ເຈົ້າໜ້າ​ທີ່​ກໍກ່າວ​ວ່າ
ມັນ​ຈະ​ບໍ່ກະທົບກະ​ເທືອ​ນຕໍ່ແຜນຍຸດ​ທະ​ສາດ​ໃໝ່ ​ໃນ​ການ​ເສີມ​ສະມັດຖະພາບ​ຂອງ​ກອງທັບ
​ສະຫະລັດ​ ຢູ່​ໃນ​ຂົງ​ເຂດ​ເອ​ເຊຍ-ປາຊິ​ຟິກນັ້ນ​ແຕ່​ຢ່າງໃດ.

XS
SM
MD
LG