ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ສະຫະລັດຈະຮັກສາ ການມີໜ້າທາງທະຫານໄວ້ ຢ່າງເຂັ້ມແຂງ ໃນເອເຊຍແລະພາກຕາເວັນອອກກາງ


ທ່ານ Leon Panetta ລັດຖະມົນຕີປ້ອງກັນປະເທດສະຫະລັດກ່າວປາໄສ
ຕໍ່ກໍາລັງສະຫະລັດແລະ ຍີ່ປຸ່ນ ທີ່ຖານທັບອາກາດ Yokota ນອກກຸງໂຕກຽວ, ວັນທີ 24 ຕຸລາ 2011.
ທ່ານ Leon Panetta ລັດຖະມົນຕີປ້ອງກັນປະເທດສະຫະລັດກ່າວປາໄສ ຕໍ່ກໍາລັງສະຫະລັດແລະ ຍີ່ປຸ່ນ ທີ່ຖານທັບອາກາດ Yokota ນອກກຸງໂຕກຽວ, ວັນທີ 24 ຕຸລາ 2011.

ທ່ານ Leon Panetta ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ​ໄດ້ບອກ​ກອງ​ກໍາລັງ​ຂອງ​ສະຫະລັດ​ໃນ​ຍີ່ປຸ່ນ​ ​ໃນ​ວັນ​ຈັນ​ມື້​ນີ້ວ່າ ສະຫະລັດ​ແມ່ນ​ມີ​ຄວາມ​ຕັ້ງ​ໃຈ​ແນ່​ວ​ແນ່ທີ່​ຈະ​ຮັກສາ​ໄວ້​ແລະ​ເສີມ​ສ້າງ​ໃຫ້​ເຂັ້​ມ​ແຂງ​ຍິ່ງ​ຂຶ້ນ ການ​ມີໜ້າ​ທາງ​ທະຫານ​ຂອງ​ຕົນ​ຢູ່​ໃນ​ເອ​ເຊຍ​ນັ້ນ.

ທ່ານ Panetta ​ໄດ້​ກ່າວ​ເຊ່ນ​ນີ້ ຢູ່​ທີ່​ຖານ​ທັບ​ອາ​ກາດ​ແຫ່ງ​ນຶ່ງທາງ​ກໍ້າ​ຕາ​ເວັນ​ຕົກ​ຂອງ​ໂຕ​ກຽວ ບ່ອນ​ທີ່​ທ່ານ​ເດີນທາງ​ໄປ​ເຖິງ ຫລັງ​ຈາກ​ໄດ້​ກ່າວຂໍ້ຄວາມ​ໃນ​ທໍານອງ​ດຽວ​ກັນ​ນີ້ ຕໍ່​ບັນດາ​ລັດ ຖະມົນຕີ​ປ້ອງ​ກັນປະ​ເທດຂອງ​ກຸ່ມ​ອາ​ຊຽນ ທີ່​ອິນ​ໂດ​ເນ​ເຊຍ.

ແລະ​ຢູ່​ໃນ​ການພົບ​ປະ​ກັບ​ຊາວ​ເມືອງ​ບັ້ນ​ນຶ່ງ ທ່ານ​ພາ​ແນັດຕາ​ໄດ້​ບອກ​ທະຫານຍີ່ປຸ່ນ​ຄົນ​ນຶ່ງ​ວ່າ ກາ​ນຕັດ​ງົບປະມານ​ດ້ານ​ການ​ປ້ອງ​ກັນ​ຂອງ​ສະຫະລັດ​ລົງ​ນັ້ນ ບໍ່​ໄດ້​ໝາຍ​ເຖິງ​ການ​ຕັດ​ກໍາລັງ​ທະຫານ​ຂອງ​ສະຫະລັດ ໃນຂົງເຂດປາຊີຟິກລົງ​ ແຕ່​ຢ່າງ​ໃດ.

ທ່ານ​ຍັງ​ໄດ້​ກ່າວ​ອີກ​ວ່າ ສະຫະລັດ​ຈະ​ຮັກສາ​ການ​ມີໜ້າ​ຂອງ​ຕົນ​ຢ່າງ​ແຂງ​ແຮງ​ ໃນ​ພາກ​ຕາ​ເວັນ​ອອກ​ກາງ ຫລັງ​ຈາກ​ທີ່​ຖອນທະຫານ​ອອກ​ໄປ​ຈາກ​ອິຣັກ​ໝົດແລ້ວ ຊຶ່ງ​ກໍາ​ໜົດຈະ​ມີ​ຂຶ້ນ​ໃນ​ທ້າຍ​ເດືອນ​ທັນວາ​ຈະ​ມາ​ເຖິງ​ນີ້. ​ແລະ​ທ່ານ​ເຕືອນ​ອີຣ່ານວ່າ​ ການ​ຖອນ​ທະຫານ​ອອກ​ນີ້​ ຈະ​ບໍ່​ສ້າງ​ຊ່ອງ​ວ່າງ​ຂຶ້ນ​ສໍາລັບ​ພວກ​ຄູ່​ປໍ​ລະ​ປັກ​ຂອງ​ອາ​ເມຣິກາ​ໃນ​ພາກ​ພື້ນ.

XS
SM
MD
LG