ລິ້ງ ສຳຫລັບເຂົ້າຫາ

ສື່ມວນຊົນ​ສະຫະລັດ​ ລາຍງານ​ວ່າ ເຈົ້າ​ໜ້າ​ທີ່​ຕຳຫລວດໄດ້​ຈັບກຸມ​ຊາຍ 2 ຄົນ​ທ່ີ​ນະຄອນ​ນິວຢອກ​
ໃນ​ຂໍ້​ຫາກໍ່​ການ​ຮ້າຍ​ ໃນ​ຂະນະ​ທ່ີ​ຊາຍ​ສອງ​ຄົນ​ນີ້​ກຳລັງ​ຈະ​ຂຶ້ນ​ເຮືອບິນ​ໄປ​ຍັງ​ປະ​ເທດອີຈິບ.
ໜັງສືພິມ The Star-Ledger ທ່ີ​ລັດ New Jersey ກ່າວ​ວ່າ ພວກ​ເຈົ້າ​ໜ້າ​ທ່ີ​ລັດ​ຖະບານ​ກາງ​ແລະ
ລັດຖະບານ​ລັດ​ ໄດ້​ຈັບ​ກຸມ​ຜູ້ຊາຍຖື​ສັນ ຊາດອະ​ເມ​ຣິກັນ 2 ຄົນ ​ຄື​ນາຍ Mohamed Hamoud Alessa
ແລະ​ນາຍ Carlos Eduardo Almonte ​ໃນ​ວັນ​ເສົາ​ວານ​ນີ້​ ທ່ີ​ສະໜາມ​ບິນ​ John F. Kennedy ໃນ
ນະຄອນ​ນິວຢອກ.
ໜັງສືພິມ​ສະບັບ​ນີ້​ອ້າງ​ຄຳ​ເວົ້າ​ຂອງ​ເຈົ້າ​ໜ້າ​ທ່ີ ​ທ່ີ​ບໍ່​ບອກ​ຊື່​ໃຫ້​ຊາບ​ວ່າຜູ້​ຕ້ອງສົງ​ໄສທັງ​ສອງ​ຄົນ​ ​ໄດ້​ວາງ​ແຜນ
ທ່ີ​ຈະໄປ​ທຳ​ການ​ຕໍ່ສູ້​ຮ່ວມກັບ​ກຸ່ມ​ຫົວ​ຮຸນ​ແຮງ al-Shabab ທ່ີ​ມີ​ສາຍ​ພົວພັນ​ກັບ​ເຄືອ​ຂ່າຍ al-Qaida ຢູ່ໃນ
ປະເທດ​ໂຊ​ມາ​ເລຍ. ບັນດາ​ເຈົ້າ​ໜ້າ​ທ່ີ​ກ່າວ​ວ່າ ລັດຖະບານ​ສະຫະ ລັດ​ໄດ້​ຕັ້ງ​ຂໍ້​ກ່າວ​ຫາ​ຕໍ່​ຊາຍ 2 ຄົນ​ນີ້ ​ຖານ​
ສົມຮູ້​ຮ່ວມຄິດ​ທຳ​ການເຄື່ອນ​ ໄຫວ​ການ​ກໍ່​ການ​ຮ້າຍ​ໃນ​ລະຫວ່າງ​ປະເທດ.
ໜັງສືພິມ The Star-Ledger ອ້າງ​ຄຳ​ເວົ້າ​ຂອງ​ເຈົ້າ​ໜ້າ​ທ່ີ​ລັດຖະບານ ສະຫະລັດ​ວ່າ ການ​ຈັບ​ກຸມ​ໃນ​ວັນ​ເສົາ​ວານ​ນີ້​
ບໍ່​ມີ​ສ່ວນ​ພົວພັນ​ກັບ​ການ​ຂົ່ມຂູ່​ທ່ີ​ເປັນ​ອັນຕະລາຍສະເພາະໜ້າ​ໃດໆ​. ລາຍ​ງານ​ບໍ່​ໄດ້​ກ່າວ​ວ່າ ໄດ້ມີຖ້ອຍ​ຖະ​ແຫລ​ງ​ໃດ​ໆ
ຈາກ​ພວກ​ຜູ້​ຕ້ອງ​ສົງ​ໄສທັງ​ສອງ​ຄົນ​ນີ້.
ກຸ່ມ Al-Shabab ກຳລັງ​ພະຍາຍາມ​ໂຄ່ນ​ລົ້ມ​ລັດຖະບານ​ໂຊ​ມາ​ເລຍ​ໃນ​ປັດຈຸບັນ​ ທ່ີ​ໄດ້​ຮັບ​ການ​ໜຸນ​ຫລັງ​ຈາກ
ສະຫະ​ປະຊາ​ຊາດ ​ເພື່ອ​ຫັນປ່ຽນ ​ໂຊ​ມາ​ເລຍ ໄປ​ເປັນ​ປະ​ເທດ​ທ່ີ​ຖືສາສະຫນາ​ອິສລາມ​ຢ່າງເຂັ້ມ​ງວດເຖິງ ຖອງ.

XS
SM
MD
LG