ກະຊວງປ້ອງກັນປະເທດ ສະຫະລັດ ກ່າວວ່າ ນຶ່ງໃນຈຳນວນ
ຊາວອາເມຣິກັນ ທີ່ໄດ້ຊ່ວຍຈັບຄົນໂມຣົກໂກ ທີ່ຖືກກ່າວຫາ
ວາງແຜນໂຈມຕີຢູ່ເທິງລົດໄຟຄວາມໄວສູງນັ້ນ ຈະໄດ້ຮັບ
ຫລຽນໄຊກຽດຕິຍົດສູງສຸດຂອງກອງທັບບົກສະຫະລັດ.
ທຳນຽບຫ້າແຈ ໄດ້ປະກາດໃນວັນອັງຄານວານນີ້ວ່າ ທ້າວ
Aleksander Skarlatos ສະມາຊິກຄົນໜຶ່ງຂອງກຳລັງ
ພິທັກຊາດ ຈາກລັດ Oregon ຈະໄດ້ຮັບຫລຽນໄຊ ທີ່ກອງ
ທັບບົກຮ້ອງລາງວັນນີ້ວ່າ “ເປັນລາງວັນສູງສຸດຂອງ ການ
ປະຕິບັດງານຢ່າງວິລະຊົນທີ່ບໍ່ພົວພັນກັບການຂັດແຍ້ງທີ່ແທ້ຈິງກັບສັດຕູ.”
ທ້າວ Skarlatos ແມ່ນໜຶ່ງໃນຈຳນວນຊາວອາເມຣິກັນສາມຄົນ ພ້ອມດ້ວຍຄົນອັງກິດຜູ້
ໜຶ່ງ ທີ່ໄດ້ປະເຊີນໜ້າກັບ ຜູ້ຊາຍຄົນໜຶ່ງທີ່ຕິດ ອາວຸດເຕັມອັດຕາ ຢູ່ເທິງລົດໄຟທີ່ກຳລັງ
ເດີນທາງຈາກນະຄອນ Amsterdam ໄປຫາ ນະຄອນ Paris ໃນວັນສຸກອາທິດແລ້ວນີ້. ຄຳຊົມເຊີຍຕໍ່ທ້າວ Skarlatos ໃຫ້ຂໍ້ສັງເກດວ່າ ລາວໄດ້ສ່ຽງຊີວິດຂອງລາວ ເພື່ອປ້ອງ
ກັນ “ໄພພິບັດທີ່ອາດພາໃຫ້ມີການສູນເສຍຊີວິດ.” ລັດຖະມົນຕີກອງທັບບົກ ທ່ານ Joh
McHugh ກ່າວວ່າ ບົດບາດຂອງກຳລັງພິທັກຊາດຄົນນີ້ ພ້ອມດ້ວຍບັນດາໝູ່ເພື່ອນ
ຂອງລາວ “ໄດ້ເປັນຕົວຢ່າງຂອງມາດຕະຖານອັນສູງສຸດໃນການຮັບໃຊ້ທີ່ບໍ່ເຫັນແກ່ໂຕ.”
ໃນວັນອັງຄານວານນີ້ ບັນດາໄອຍະການຝຣັ່ງ ໄດ້ກ່າວຫາຜູ້ຕ້ອງສົງໄສ ອາຍຸ 25 ປີ ທ້າວ
Ayoub El-Khazzani ວ່າ ຕັ້ງໃຈໃນຄວາມພະຍາຍາມທີ່ຈະສັງ ຫານໃນຮູບແບບການກໍ່
ການຮ້າຍ.
ໄອຍະການ ທີ່ນະຄອນຫລວງປາຣີ ທ່ານ Francois Molins ກ່າວຕໍ່ບັນດານັກຂ່າວວ່າ
ທ້າວ Khazzani ຂື້ນລົດໄຟໃນວັນສຸກແລ້ວນີ້ ທີ່ນະຄອນຫລວງ Brussels ພ້ອມດ້ວຍ
ອາວຸດປືນ ແລະລູກປືນ 270 ລູກ. ທ່ານກ່າວວ່າ ຜູ້ຕ້ອງສົງໄສ ຍັງໄດ້ຖືບືນສັ້ນ Luger
ແກ້ວທີ່ບັນຈຸນໍ້າມັນ ແລະມີດປາດແກັດ.
ທ່ານ Molins ຍັງກ່າວວ່າ ຜູ້ຕ້ອງສົງໄສເບິ່ງວີດີໂອຂອງ ພວກຫົວຮຸນແຮງລັດອິສລາມ ຢູ່
ໂທລະສັບຂອງລາວ ກ່ອນທີ່ລາວໄດ້ມີການປະເຊີນໜ້າ ແລະຖືກຈັບກຸມໂດຍຊາວອາເມ
ຣິກັນສາມຄົນ ແລະຊາວອັງກິດໜຶ່ງຄົນ ໃນຂະນະທີ່ລາວໄດ້ ເລີ້ມຍ່າງເລາະຢູ່ໃນລົດໄຟ.
ຜູ້ຊາຍອີກຄົນໜຶ່ງ ທີ່ເປັນຊາວອາເມຣິກັນເຊື້ອສາຍຝຣັ່ງ ໄດ້ຖືກຍິງແລະໄດ້ຮັບບາດເຈັບ
ໃນຂະນະທີ່ລາວ ພະຍາຍາມກອດປ້ຳ ເອົາປືນອອກຈາກມືຄົນຮ້າຍ. ຜູ້ເຄາະຮ້າຍຍັງຢູ່ທີ່
ໂຮງໝໍໃນວັນອັງຄານວານນີ້.
ເບິ່ງວີດີໂອກ່ຽວຂ້ອງ:
