ລັດຖະບານ ທ່ານ Obama ໄດ້ເອົາບາດກ້າວໄປຂ້າງໜ້າ ອີກ
ບາດນຶ່ງອີກ ໃນຄວາມພະຍາຍາມ ຜູກສຳພັນທະໄມຕີແບບ
ເປັນປົກກະຕິ ກັບຄິວບາ ດ້ວຍການ ອະນຸຍາດໃຫ້ຮື້ຟື້ນການ
ບໍລິການເຮືອຂ້າມຟາກຄືນມາໃໝ່ ລະຫວ່າງອະດີດຄູ່ປໍລະປັກ
ສະໄໝ ສົງຄາມເຢັນ.
ກະຊວງການເງິນສະຫະລັດ ໄດ້ອອກໃບອະນຸຍາດໃຫ້ແກ່ ຢ່າງ
ໜ້ອຍສີ່ບໍລິສັດ ເພື່ອໃຫ້ບໍລິການຂົນສົ່ງຜູ້ໂດຍສານ ແລະສິນ
ຄ້າ ຕາມເສັ້ນທາງທະເລ 150 ກິໂລແມດ ຈາກແຫລມໃຕ້ສຸດ
ຂອງລັດ Florida ໄປສູ່ນະຄອນຫລວງ Havana. ສາມບໍລິສັດ
ໃນນັ້ນ ແມ່ນຕັ້ງຢູ່ໃນ ລັດ Florida.
ໃນອີກເຫດການນຶ່ງທີ່ພົວພັນກັນ ສາຍການບິນ Jet Blue ທີ່ຕັ້ງຢູ່ໃນ ສະຫະລັດ ກໍໄດ້
ປະກາດໃນວັນອັງຄານວານນີ້ວ່າ ຕົນຈະບໍລິການໆບິນແບບຮັບເໝົາ ລະຫວ່າງ ນະຄອນ
New York ແລະນະຄອນ Havana ໂດຍຈະເລີ້ມໃນເດືອນກໍລະກົດ ຈະມາເຖິງນີ້.
ການບໍລິການເຮືອຂ້າມຟາກ ລະຫວ່າງ ສະຫະລັດ ແລະ ຄິວບາ ແມ່ນເປັນເລື້ອງປົກກະຕິ
ກ່ອນການປະຕິວັດຄອມມິວນິສ ທີ່ນຳພາໂດຍ Fidel Castro ໃນປີ 1959 ທີ່ໄດ້ໂຄນລົ້ມ
ລະບອບຜະະເດັດການຂອງ Fulgencio Batista. ພົນລະເມືອງອາເມຣິກັນ ຜູ້ປາດຖະ
ໜາທີ່ຈະເດີນທາງໄປ ຄິວບາ ແມ່ນສາມາດໄປໄດ້ ພາຍໃຕ້ຂອບເຂດຈຳກັດ ຮວມທັງການ
ສຶກສາ ແລະການນຳທ່ຽວທາງດ້ານວັດທະນະທຳ.
