ກະຊວງຍຸຕິທຳສະຫະລັດ ແລະບໍລິສັດຍັກໃຫຍ່ ເທັກໂນໄລຈີ
Apple ໄດ້ປະເຊີນໜ້າກັນກ່ຽວກັບຂໍ້ມູນທີ່ຖືກລັອກ ຢູ່ໃນໂທ
ລະສັບ iPhone ໃນການຕອບຄຳຖາມຂອງສະພາໃນວັນອັງ
ຄານວານນີ້ ກ່ຽວກັບຄວາມພະຍາຍາມເພື່ອບັງຄັບໃຫ້ບໍລິສັດ
Apple ຊ່ວຍຄະນະສືບສວນສະຫະລັດໃນການເຈາະເຂົ້າໄປ
ໃນໂທລະສັບດັ່ງກ່າວ ທີ່ໃຊ້ໂດຍພວກກໍ່ການຮ້າຍ ຢູ່ທີ່ເມືອງ
San Bernardino ລັດ California.
ຢູ່ໃນການຮັບຟັງຄຳໃຫ້ການຕໍ່ສະພານັ້ນບັນດາສະມາຊິກສະ
ພາໄດ້ສະແດງ ຄວາມສົງໄສຕໍ່ ຫົວໜ້າອົງການສືບສວນຂອງ
ລັດຖະບານກາງ ທ່ານ James Comey ທີ່ໄດ້ໂຕ້ຖຽງກ່ຽວກັບວ່າ ເປັນຫຍັງບັນດາເຈົ້າໜ້າທີ່ຈຶ່ງຕ້ອງການໃຫ້ສານບັງຄັບໃຫ້ ບໍລິສັດ Apple ສ້າງຊອບແວ ທີ່ຈະຊ່ວຍເຂົາເຈົ້າເຈາະເຂົ້າໄປໃນໂທລະສັບ iPhone ທີ່ໄດ້ໃຊ້ໂດຍ ທ້າວ Syed Rizwan Farook ພ້ອມດ້ວຍພັນລະຍາຂອງລາວ ທີ່ໄດ້ສັງຫານ 14 ຄົນ ແລະບາດເຈັບອີກ 22 ຄົນໃນການຍິງສັງຫານໝູ່ໃນເດືອນທັນວາທີ່ຜ່ານມານີ້.
ທ່ານ Comey ກ່າວຕໍ່ຄະນະກຳມະການວ່າ ອົງການສັນຕິບານກາງຕ້ອງການທີ່ຈະເຂົ້າ
ເຖິງລະບົບສື່ສານດີຈີໂທລຫຼາຍຂຶ້ນເພື່ອປົກປ້ອງໃຫ້ຊາວອາເມຣິກັນມີ ຄວາມປອດໄພ
ຈາກພວກລັກພາໂຕເດັກນ້ອຍພວກລ່ວງລະເມີດທາງເພດແລະ ກຸ່ມກໍ່ການຮ້າຍຕ່າງໆ
ເຊັ່ນກຸ່ມລັດອິສລາມເປັນຕົ້ນ.
ບັນດາສະມາຊິກສະພາຈຳນວນໜຶ່ງ ໄດ້ຕິຕຽນທ່ານ Comey ທີ່ຫັນໜ້າໄປຫາສານ ແທນທີ່ຈະແມ່ນສະພາໃນການໃຫ້ຄວາມຊ່ວຍເຫລືອເພື່ອສືບສວນກ່ຽວກັບ ການຍິງກັນ. ສະ
ມາຊິກຄົນສຳຄັນຂອງພັກເດໂມແຄຣັດທ່ານ John Conyers ໄດ້ຮ້າຍ FBI ທີ່ໄດ້ຮ້ອງຂໍ
ໃຫ້ສານລັດຖະບານກາງ ເພື່ອອະນຸຍາດໃຫ້ເຂົາເຈົ້າເປັນການພິເສດເຈາະເຂົ້າໄປໃນ
smartphone. ທ່ານ Conyers ກ່າວວ່າ ຄະນະກຳມະການຍຸຕິທຳສະພາຕໍ່າ ເປັນບ່ອນ
ຖືກຕ້ອງທີ່ຈະເລີ້ມການອະພິປາຍ ທີ່ສຳຄັນ ກ່ຽວກັບການແລກປ່ຽນລະຫວ່າງຄວາມໝັ້ນ
ຄົງຂອງປະເທດ ແລະສິດທິໃນດ້ານສ່ວນຕົວ. ທ່ານ Conyers ກ່າວເພີ້ມອີກວ່າ ທ່ານ
“ຈະມີຄວາມຜິດຫວັງຢ່າງເລິກເຊີ່ງ ຖ້າຫາກເຫັນວ່າ ລັດຖະບານ ພົບເຫັນເປັນການສວຍ ໃຊ້ໂສກນາດຕະກຳຂອງປະທດ ໃນການຫາທາງປ່ຽນແປງກົດໝາຍ.
