ລິ້ງ ສຳຫລັບເຂົ້າຫາ

ສະຫະລັດ ແລະ ສປປ ລາວ ພົບປະ ຮ່າງແຜນ ປະຕິບັດງານ


ກອງປະຊຸມຮ່ວມ ໃນການກະກຽມແຜນ 5 ປີ ເພື່ອຈັດຕັ້ງປະຕິບັດ ກົດລະບຽບສາກົນ ດ້ານສາທາລະນະສຸກ ຄວາມໝັ້ນຄົງດ້ານສຸຂະພາບ ພາຍໃຕ້ການຮ່ວມມື ຂອງພາກສ່ວນຕ່າງໆ (ຮູບ-ສະຖານທູດສະຫະລັດ)

ບັນດານັກຊ່ຽວຊານຈາກສະຫະລັດ ແລະ ສປປ ລາວ ໄດ້ພົບປະກັນທີ່ນະຄອນຫຼວງ
ວຽງຈັນ​ ເພື່ອຮ່າງແຜນປະຕິບັດງານ ອີງຕາມລາຍງານ ຂອງສະຖານທູດສະຫະລັດ.

ການພົບປະດັ່ງກ່າວມີຂຶ້ນໃນວັນທີ 31 ພຶດສະພາ​ຜ່ານ​ມານີ້ ເພື່ອສ້າງແຜນປະຕິບັດ
ງານ​ເສີມຄວາມເຂັ້ມແຂງ ໃຫ້ແກ່ການ​ຮັບ​ມື​ກັບໄພຂົ່ມຂູ່ທາງດ້ານສຸຂະພາບເຊັ່ນພະ
ຍາດຕິດຕໍ່ ແລະພະຍາດທີ່ເກີດຂຶ້ນໃໝ່ ທີ່ສາມາດຕິດ​ຈາກສັດມາສູ່ຄົນ.

ລັດຖະບານສະຫະລັດໂດຍຜ່ານອົງການພັດທະນາສາກົນຫລື USAID ຮ່ວມກັບກະ
ຊວງສາທາລະນະສຸກ ພ້ອມ​ກັບກະຊວງກະສິກຳແລະປ່າໄມ້ ໄດ້ເຕົ້າໂຮມເອົາຜູ້ຕາງ
ໜ້າຈາກພາກສ່ວນລັດຖະບານຈຳນວນ100 ທ່ານເພື່ອຮ່າງແຜນປະຕິບັດງານຮ່ວມ.

ຈຸປະສົງຂອງການຮ່າງ​ແຜນດັ່ງກ່າວນີ້ ແມ່ນເພື່ອ​ເລັ່ງລັດ​ ໃນ​ການ​ສ້າງຄວາມໝັ້ນຄົງ ທາງດ້ານສຸຂະພາບຂອງ ສປປ ລາວ ໂດຍການມີສ່ວນຮ່ວມກັບບັນດາຄູ່ຮ່ວມພັດທະ
ນາ.

ທ່ານນາງ ຣີນາ ບິດເຕີ ເອກອັກຄະລັດຖະທູດສະຫະລັດ ປະຈຳ ສປປ ລາວກ່າວວ່າ ມື້ນີ້ພວກເຮົາຮ່ວມໃນຄວາມໝາຍໝັ້ນກັບພວກທ່ານ ໃນການເຮັດໃຫ້ ສປປ ລາວ ມີ
ຄວາມປອດໄພຫຼາຍຂຶ້ນ, ສຸຂະພາບດີຂື້ນ ແລະອຸດົມຮັ່ງມີຫຼາຍຂຶ້ນ. ພວກເຮົາຈະສືບ ຕໍ່ປະຕິບັດຫນ້າທີ່ວຽກງານ ກັບ ສປປ ລາວ ເພື່ອເຮັດໃຫ້ ການຮ່ວມມື ກັບບັນດາອົງ
ການສາກົນ ມີ​ຄວາມເຂັ້ມແຂງຂຶ້ນເພື່ອກະກຽມຄວາມພ້ອມ​ໃນການຮັບມື ກັບໄພຂົ່ມ
ຂູ່ທາງດ້ານສຸຂະພາບທຸກໆ​ຢ່າງ ທັງພາຍໃນແລະຕ່າງປະເທດ.

ນອກຈາກການເຂົ້າຮ່ວມ ຂອງບັນດາຜູ້ຊ່ຽວຊານ ຈາກສະຫະລັດ ແລະ ສປປ ລາວ
ແລ້ວ ຍັງມີບັນດາຜູ້ຕາງໜ້າ ຈາກອົງການອະນາໄມໂລກ ອົງການອາຫານແລະກະ
ເສດສະຫະປະຊາຊາດ ແລະຄູ່ຮ່ວມພັດທະນາສອງຝ່າຍເຊັ່ນຢູໂຣບ ຍີ່ປຸ່ນແລະເກົາ
ຫຼີ​ກໍໄດ້ເຂົ້າຮ່ວມໃນກອງປະຊຸມນີ້.

ໜຶ່ງໃນບັນດາໝາກຜົນຂອງກອງປະຊຸມນີ້ ແມ່ນກົດລະບຽບສາກົນ 5 ປິດ້ານສາທາ
ລະນະສຸກ ຫລື IHR/GHSA ຂອງອົງການອະນາໄມໂລກ ຊຶ່ງໄດ້ຮ່າງ​ເປັນເທື່ອທຳ
ອິດ ໃນເດືອນທັນວາ ປີ 2016 ​ແຕ່ຮ່າງກົດລະບຽບ ທີ່​ໄດ້​ຮັບ​ການ​ແກ້​ໄຂ​ໃ​ໝ່ນີ້ແມ່ນ
ຊີ້ໃຫ້ເຫັນການຄົ້ນພົບ ຈາກການປະເມີນຜົນຮ່ວມກັນ ກ່ຽວກັບ ຄວາມຄືບໜ້າ ແລະ ຄວາມອາດສາມາດຂອງ ສປປ ລາວ ພາຍ​ໃຕ້​ຂອບ IHR/GHSA.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG