ຜູ້ບັນຊາການຂອງສະຫະລັດ ແລະ ຈີນ ຈະປຶກສາຫາລື ກ່ຽວກັບການປ້ອງກັນຄວາມຂັດແຍ້ງ ໃນໄວໆນີ້

ຜູ້ບັນຊາການກອງກຳລັງສະຫະລັດໃນອິນໂດ-ປາຊີຟິກ ຈະໂອ້ລົມກັບຜູ້ບັນຊາ ການພາກໃຕ້ຂອງກຳລັງປະກອບອາວຸດຂອງຈີນ ໃນສອງສາມອາທິດຂ້າງໜ້າ, ໂດຍມີຈຸດປະສົງເພື່ອປ້ອງກັນບໍ່ໃຫ້ເກີດຄວາມເຂົ້າໃຈຜິດທາງທະຫານລະຫວ່າງປະເທດມະຫາອຳນາດທັງສອງ, ເອກອັກຄະລັດຖະທູດສະຫະລັດປະຈຳຈີນ ກ່າວໃນວັນພະຫັດວານນີ້, ອີງຕາມອົງການຂ່າວ Reuters.

ຄຳປາ​ໄສ​ຂອງ​ທ່ານ ນິໂຄລັສ ເບີນສ໌ (Nicholas Burns) ມີ​ຂຶ້ນ​ຫຼັງ​ຈາກ​ການ​ຢ້ຽມຢາມ​ປັກ​ກິ່ງ​ໃນ​ເດືອນ​ແລ້ວ​ນີ້ ຂອງ​ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ​ສະຫະລັດ ທ່ານ ເຈກ ຊຸລລີວານ (Jake Sullivan) ທີ່​ໄດ້​ພົບ​ປະ​ກັບ​ທີ່​ປຶກສາ​ດ້ານ​ການ​ທະຫານ​ຄົນສຳຄັນ​ຂອງຜູ້ນຳ​ຈີນ ​ທ່ານ ສີ ຈິ້ນຜິງ (Xi Jinping) ​ແລະ​ໄດ້ເຫັນ​ດີ​ວ່າ ຜູ້ນຳ​ກອງ​ບັນຊາ​ການ​ອິນ​ໂດ-ປາຊີ​ຟິກຂອງ​ສະຫະລັດ ຈະ​ໂອ້ລົມ​ທາງ​ໂທລະສັບ​ກັບຜູ້ບັນຊາການ​ພາກ​ໃຕ້​ຂອງ​ຈີນ​ ເຊິ່ງຮັບຜິດຊອບທະເລ ທາງພາກໃຕ້ຂອງຕົນ ໃນ​ໄວໆ​ນີ້.

ທ່ານ ເບີນສ໌ (Burns) ກ່າວໃນການໃຫ້ສໍາພາດທາງອອນໄລນ໌ ກັບວາລະສານ ນະໂຍບາຍຕ່າງປະເທດວ່າ "ຂ້າພະເຈົ້າຄິດວ່າພົນເຮືອເອກ ແຊມ ປາປາໂຣ (Sam Paparo) ... ຈະມີການສົນທະນາກັບຜູ້ບັນຊາການພາກໃຕ້ຂອງກອງ ທັບປົດປ່ອຍປະຊາຊົນ ໃນສອງສາມອາທິດຂ້າງຫນ້າ."

ທ່ານ ເບີນສ໌ (Burns) ກ່າວ​ວ່າ ວໍ​ຊິງ​ຕັນ​ໄດ້​ຊອກ​ຫາ​ຊ່ອງ​ທາງ​ການສື່ສານ ທະຫານຕໍ່​ທະຫານ​ກັບ ​ປັກ​ກິ່ງ ​ທີ່​ໃກ້​ຊິດ​ກວ່າ​ເກົ່າ ນັບ​ຕັ້ງ​ແຕ່​ສາຍ​ພົວພັນ​ດັ່ງກ່າວ​ໄດ້​ຊຸດ​ໂຊມລົງ​ສູ່​ຈຸດ​ຕ່ຳສຸດໃນ​ປະຫວັດສາດ ຫລັງ​ຈາກ​ສະຫະລັດ​ໄດ້​ຍິງ​ລູກບອລລູນສອດ​ແນມທີ່ໜ້າສົງໃສຂອງ​ຈີນ ຕົກ ​ໃນ​ປີ​ກາຍ​ນີ້.

ທ່ານ ເບີນສ໌ (Burns) ກ່າວ ແລະໄດ້ອ້າງເຖິງແຜນການຂອງ ທ່ານ ປາປາໂຣ (Paparo) ວ່າ "ແມ່ນ​ກະ​ທັ້ງໃນລະຫວ່າງເຫດການລູກບອລລູນ, ຈີນກໍປະຕິ ເສດທີ່ຈະສົນທະນາກັບຜູ້ນໍາທາງທະຫານລະດັບສູງຂອງພວກເຮົາ, ແຕ່ຕອນນີ້ ພວກເຮົາ ມີຄວາມຄືບຫນ້າແນ່ແລ້ວ".

ທ່ານ ເບີນສ໌ (Burns) ຍັງໄດ້ກ່າວ​ວ່າ “ພວກ​ເຮົາ​ຫວັງ​ເປັນ​ຢ່າງ​ຍິ່ງ​ວ່າ ສິ່ງນີ້​ຈະຍັງ​ດຳເນີນ​ຕໍ່​ໄປ​ໃນລະດັບທີ່ສູງກວ່າ,” ​ເຊິ່ງລວມມີ​ລັດຖະມົນຕີ​ປ້ອງ​ກັນ​ປະ​ເທດຂອງ​ສະຫະລັດ ທ່ານ ລອຍດ໌ ອອສຕິນ ​ແລະ​ຄູ່ຮ່ວມ​ຕຳ​ແໜ່​ງຂອງ​ທ່ານ, ປະທານ​ເສນາ​ທິການ​ຮ່ວມ​ຂອງ​ສະຫະລັດ ທ່ານ ຊາລສ໌ ບຣາວ (Charles Brown) ​ແລະ​ຄູ່ຮ່ວມ​ຕຳ​ແໜ່​ງຂອງ​ທ່ານ.

ທ່ານ Burns ກ່າວ​ວ່າ ທ່ານ​ມີ​ຄວາມ​ກັງວົນ ກ່ຽວກັບ "ລັກສະນະທີ່ບໍ່ເປັນມິດ" ຂອງ​ການ​ເສີມສ້າງກອງທັບ​ຂອງ​ຈີນ ​ແລະ "ພຶດຕິ​ກຳ​ທີ່​ບໍ່ເປັນມິດ ແລະ ການຂົ່ມຂູ່" ຂອງ​ກອງທັບ​ເຮືອ​ຈີນ ຕໍ່​ພັນທະ​ມິດຂອງ​ສະຫະລັດ ເຊັ່ນ​ຟີ​ລິບ​ປິນ ​ແລະ​ຍີ່ປຸ່ນ.

ອ່ານຂ່າວເປັນພາສາອັງກິດລຸ່ມນີ້:

WASHINGTON, Sept 5 (Reuters) - The commander of the U.S. forces in the Indo-Pacific will speak to a southern theater commander of China's armed forces in the next few weeks, with the aim of preventing any military misunderstandings between the superpowers, the U.S. ambassador to China said on Thursday.

The remark from Nicholas Burns came after a visit to Beijing last month by U.S. National Security Adviser Jake Sullivan, who met Chinese leader Xi Jinping's leading military adviser and agreed that U.S. Indo-Pacific command leaders would soon speak by phone to their counterparts in China's southern theater command, which covers its southern seas.

"I think that Admiral Sam Paparo ... is going to have a conversation with a southern theater commander of the People's Liberation Army in the next few weeks," Burns said in an online interview with Foreign Policy magazine.

Burns said Washington had been pursuing closer military-to-military communication channels with Beijing since ties sank to a historic low point after the U.S. downed a suspected Chinese surveillance balloon last year.

"Even during the balloon incident, the Chinese refused to talk to our senior military leadership, but now we've made some progress," Burns said, and referred to Paparo's plans.

"We very much hope that that will continue at even more senior levels," involving U.S. Defense Secretary Lloyd Austin and his counterpart, and the chairman of the U.S. Joints Chiefs of Staff Charles Brown and his counterpart, Burns said.

Burns said he was worried by "the aggressive nature" of China's military buildup and the "aggressive, intimidating behavior" of its navy towards U.S. allies the Philippines and Japan.