ເອກອັກຄະລັດຖະທູດສະຫະລັດທີ່ກຸງຮາໂນຍ ກ່າວວ່າ
ຫວຽດນາມກໍາລັງເຮັດໃຫ້ຍາກຂຶ້ນສໍາລັບພວກຄັດຄ້ານ
ລັດຖະບານເພື່ອສະແດງຄວາມຄິດຄວາມເຫັນຂອງເຂົາ
ອອກມາຢ່າງສັນຕິ ໂດຍໄດ້ມີການຈັບກຸມຜູ້ຄົນເພີ່ມຂຶ້ນ
ຢ່າງຫລວງຫລາຍ.
ຫວ່າງໄວໆຜ່ານມານີ້. ເອກອັກຄະລັດຖະທູດ Michael
Michalak ກ່າວໃນວັນພະຫັດຜ່ານມານີ້ວ່າຄວາມໂປ່ງໄສ
ທາງinternet ຫື Internet transparency ໄດ້ຖືກໂຈມ
ຕີຊໍ້າແລ້ວຊໍ້າອີກໃນຫວຽດນາມ ດ້ວຍການວາງຂໍ້ຈໍາກັດ
ຮັດແຄບໃໝ່ຕໍ່ພວກທີ່ຂຽນຄວາມຄິດຄວາມເຫັນຂອງເຂົາເຈົ້າໃນ Internet ແລະພວກ
ຮ້ານໃຫ້ການບໍລິການ Internet ຫລື Internet cafes ແລະທໍາການກໍ່ກວນທີ່ລົງ
ຄວາມຄິດຄວາມເຫັນຕໍາໜິຕິຕຽນໃນ website ຕ່າງໆນັ້ນ.
ທ່ານ Michalak ກ່າວຖ້ອຍຖະແຫລງເຫລົ່ານີ້ກັບພວກນັກຂ່າວ ກ່ອນກອງປະຊຸມ
forum ເພື່ອເປັນຂີດໝາຍແຫ່ງວັນສິດທິມະນຸດລະຫວ່າງຊາດ ຫລື International
Human Rights Day ໃນວັນສຸກຜ່ານມານີ້. ທ່ານ Michalak ກ່າວວ່າປະຊາຊົນ
24 ຄົນໄດ້ຖືກຈັບກຸມ ແລະອີກ 14 ຄົນໄດ້ຖືກຕັດສິນວ່າມີຄວາມຜິດໃນປີນີ້ທີ່ຫວຽດ
ນາມ ໃນຂໍ້ຫາຖານສະແດງຄວາມຄິດຄວາມເຫັນຂອງເຂົາເຈົ້າອອກມາຢ່າງສັນຕິນັ້ນ.
ທ່ານ Michalak ຊຶ່ງສະໄໝການດໍາລົງຕໍາແໜ່ງຂອງທ່ານໃກ້ຈະສິ້ນສຸດລົງແລ້ວທີ່
ຫວຽດນາມ ທີ່ໄດ້ເຫັນລັດຖະບານກຸງວໍຊິງຕັນແລະກຸງຮາໂນຍຫຍັບໃກ້ເຂົ້າກັນໃນ
ດ້ານການຄ້າແລະເລື່ອງຄວາມປອດໄພໝັ້ນຄົງໃນລະຫວ່າງການປະຈໍາການຂອງທ່ານ
ເປັນເວລາ 3 ປີທີ່ຫວຽດນາມນັ້ນ ກ່າວວ່າ ໄດ້ສັງເກດເຫັນເຊ່ນກັນການປັບປຸງທີ່ດີ
ຂຶ້ນໃນເສລີພາບໃນດ້ານສາສະໜາໃນລະຫວ່າງນັ້ນ.
ແຕ່ທ່ານກ່າວວ່າ ໃນຄວາມຄິດຄວາມເຫັນຂອງພວກເຮົາແລ້ວ ບຸກຄົນໃດກໍຕາມບໍ່
ຄວນຈະຖືກສົ່ງໄປຂັງຢູ່ໃນຄຸກ ໃນຂໍ້ຫາທີ່ບໍເຫັນດີນໍານະໂຍບາຍຕ່າງໆຂອງລັດ
ຖະບານ ຫລືຖືກເອີ້ນເປັນຜູ້ກໍ່ການຮ້າຍ ສໍາລັບຜູ້ທີ່ຢາກອໍານວຍຄວາມຄິດຄວາມ
ເຫັນຫລາຍຂຶ້ນໃນການວາງນະໂຍບາຍນັ້ນ.
