ທ່ານນາງ Samantha Power ເອກອັກຄະລັດຖະທູດສະຫະ
ລັດ ປະຈຳສະຫະປະຊາຊາດ ກຳລັງມຸ້ງໜ້າໄປຍັງຈຸດສູນກາງ
ຂອງການລະບາດຂອງເຊື້ອອີໂບລາ ເພື່ອ “ຊຸກຍູ້ພວກປະ
ເທດອື່ນໆໃຫ້ດຳເນີນການຫຼາຍຂຶ້ນອີກ.”
ທ່ານນາງ Power ຈະທຳການຢ້ຽມຢາມປະເທດ ກີນີ ໄລບີເຣຍ
ແລະ Sierra Leone. ທ່ານນາງ ກ່າວຕໍ່ບັນດານັກຂ່າວໃນວັນ
ເສົາວານນີ້ ວ່າ ຜົນປະໂຫຍດຂອງການໄດ້ຮູ້ເຫັນດ້ວຍຕົນເອງ
ວ່າມີຫຍັງເກີດຂຶ້ນນັ້ນ ແມ່ນມີນ້ຳໜັກຫຼາຍກວ່າ ອັນທີ່ທ່ານນາງ
ເອີ້ນວ່າ “ການສ່ຽງທີ່ເກືອບວ່າ ບໍ່ມີເລີຍນັ້ນ.”
ທ່ານນາງ Power ຈະໄປຢ້ຽມພວກສູນປະສານງານເຊື້ອອີໂບລາແຫ່ງຕ່າງໆ ແລະພົບ
ປະກັບບັນດາເຈົ້າໜ້າທີ່ຂັ້ນສູງຂອງລັດຖະບານ ພ້ອມທັງບັນດານັກຊ່ຽວຊານດ້ານສາທາ
ລະນະສຸກ ແລະພວກທະຫານຂອງສະຫະລັດ ທີ່ກຳລັງຕໍ່ສູ້ກັບພະຍາດດັ່ງກ່າວ ຢູ່ທີ່ນັ້ນ.
ປະເທດກີນີ ໄລບີເຣຍ ແລະ Sierra Leone ໄດ້ເປັນສູນກາງຂອງວິກິດການເຊື້ອອີໂບລາ ຊຶ່ງໄດ້ສັງຫານຜູ້ຄົນໄປແລ້ວເກືອບ 5 ພັນຄົນຂອງຈຳນວນຫຼາຍກວ່າ 10 ພັນຄົນ ທີ່ໄດ້ຮັບການຢືນຢັນ ແລະສົງໄສວ່າ ຕິດເຊື້ອພະຍາດດັ່ງກ່າວ.
ອົງການອະນາໄມໂລກ ກ່າວວ່າ ຈຳນວນແທ້ໆ ອາດຈະສູງກວ່ານັ້ນ ເພາະວ່າຫຼາຍຄອບ
ຄົວໄດ້ພະຍາຍາມປິ່ນປົວພວກຄົນເຈັບຢູ່ໃນບ້ານເຮືອນຂອງຕົນເອງ.
ໃນການເຄື່ອນໄຫວອີກດ້ານນຶ່ງ ອົງການອາຫານແລະຢາປົວພະຍາດ ຂອງສະຫະລັດ ໄດ້ອະນຸມັດໃຫ້ໃຊ້ວິທີການທົດລອງກວດຫາພະຍາດທີ່ບໍລິສັດອະເມຣິກັນບໍລິສັດນຶ່ງ ໄດ້ພັດ
ທະນາຂຶ້ນມາໃໝ່ 2 ຢ່າງ ທີ່ສາມາດກວດເຫັນເຊື້ອອີໂບລາໃນເລືອດ ຫຼືໃນປັດສະວະ ໃນເວລາປະມານນຶ່ງຊົ່ວໂມງ ເມື່ອສົມທຽບໃສ່ກັບເວລາ 24 ຫາ 48 ຊົ່ວໂມງຕາມການທົດສອບໃນປັດຈຸບັນນີ້.
ອົງການ FDA ຂອງສະຫະລັດ ໄດ້ເຮັດວຽກກັບບໍລິສັດ Bio-Fire ທີ່ ຕັ້ງຢູ່ໃນລັດ Utah ເພື່ອໃຫ້ໄດ້ຮັບຂໍ້ມູນທີ່ຈຳເປັນ ກ່ອນຈະໃຫ້ການອະນຸມັດສຸກເສີນດັ່ງກ່າວນັ້ນ.
ພາບ ການລະບາດ ຂອງ ອີໂບລາ
