ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທູດ ສຫລ ປະຈໍາຈີນ ເສັດສີ້ນ ການຢ້ຽມຢາມ ເຂດທິເບດ


ເອກອັກຄະລັດຖະທູດ ສະຫະລັດ ທ່ານ Gary Locke (ຄົນກາງ)
ຖືກຫູ້ມໄປດ້ວຍບັນດານັກຂ່າວ ທີ່ ຫໍສະລາປະຊາຊົນ ປະເທດຈີນ
ເອກອັກຄະລັດຖະທູດ ສະຫະລັດ ທ່ານ Gary Locke (ຄົນກາງ) ຖືກຫູ້ມໄປດ້ວຍບັນດານັກຂ່າວ ທີ່ ຫໍສະລາປະຊາຊົນ ປະເທດຈີນ
ເອກອັກຄະ​ລັດຖະທູດສະຫະລັດ ປະ​ຈໍາ​ຈີນ ທ່ານ Gary Locke
​ໄດ້​ສີ້​ນສຸດ​ການ​ໄປ​ຢ້ຽມຢາມເຂດທິ​ເບ​ດ​ ເປັນ​ເວລາສາມມື້ ບ່ອນ​
ທີ່​ທ່ານ​ໄດ້​ພົບ​ປະ​ກັບບັນ ດາ​ເຈົ້າ​ໜ້າ​ທີ່​ທ້ອງ​ຖິ່ນ ​ແລະ​ບັນດາ​ຜູ້​ນໍາ
​ຄູບາຈໍານວນ​ນຶ່ງ ຈາກ​ວັດ​ຕ່າງໆ​ໃນ​ນະ ທີ່​ນະຄອນ Lhasa ​ເມືອງ​
ຫຼວງຂອງ​ເຂດ​ທິ​ເບ​ດ.

ທ່ານ Patrick Ventell ​ໂຄສົກ​ກະຊວງ​ການ​ຕ່າງປະ​ເທດສະຫະ
ລັດ​ໄດ້​ກ່າວ ຕໍ່ບັນດາ​ນັກ​ຂ່າວ ທີ່​ກຸງ​ວໍ​ຊິງ​ຕັນ​ ​ໃນ​ວັນ​ສຸກ​ວານ​ນີ້​ວ່າ
​ເອກ​ອັກຄະ​ລັດຖະທູດ ສະຫະລັດ ​ໄດ້​ຮຽກຮ້ອງ ​ໃຫ້ບັນດາ​ຜູ້​ນໍາ​
ການເມືອງ ຢູ່​ທີ່​ນັ້ນ ຈົ່ງປົກ​ປັກ​ຮັກສາ ພາສາ​ ປະ​ເພນີ ​ແລະ​ສາສະ
ໜາ ຂອງຊາວທິ​ເບ​ດ​ໄວ້ ​ແລະ ​ໄດ້​ສະ​ແດງ​ໃຫ້​ຮູ້ວ່າ ສະຫະລັດ​ມີ​
ຄວາມ​ເປັນ​ຫ່ວງກ່ຽວ​ກັບ​ການ​ເຜົາ​ໂຕ​ເອງ​ຕາຍ. ມີຊາວ​ທິ​ເບ​ດ
ຫລາຍ​ກວ່າ 100 ຄົນ​ແລ້ວ ​ໄດ້​ເຜົາ​ໂຕ​ເອງ​ຕາຍ ​ໃນ​ບໍ່​ເທົ່າໃດ​ປີ​ ທີ່​ຜ່ານ​ມາ​ນີ້ ​ເພື່ອ​ປະ​ທ້ວງຕໍ່​ອັນ​ທີ່​ເຂົາ​ເຈົ້າ​ເຫັນ​ວ່າ ​ເປັນ​ການ​ກົດ​ຂີ່​ຂອງ​ຈີນ​ຕໍ່​ສິດທິ​ຂອງ​ເຂົາ​ເຈົ້າ.

ສະຖານ​ທູດສະຫະລັດ ປະ​ຈໍາ​ກຸງ​ປັກ​ກິ່ງ ກ່າວ​ວ່າ ນີ້​ເປັນ​ເທຶ່ອທໍາ​ອິດ ທີ່ເອກ​ອັກຄະ​ລັດຖະ ທູດສະຫະລັດ ​ໄດ້​ເດີນທາງ​ໄປທິ​ເບ​ດ ນັບ​ຕັ້ງ​ແຕ່ປີ 2010 ​ເປັນ ຕົ້ນມາ.

ທ່ານ Ventrell ກ່າວ​ວ່າ ສະຫະລັດ ຈະສືບ​ຕໍ່​ດໍາ​ເນີນ​ຄວາມ​ພະຍາຍາມ​ເພື່ອ​ຈັດ​ຕັ້ງ​ກົງສຸນ ຢູ່​ທີ່​ນະຄອນ Lhasa.

​ໃນ​ຂະນະ​ດຽວ​ກັນ ກຸ່ມ​ປົກ​ປ້ອງ​ສິດທິ​ມະນຸດທິ​ເບດ​ເສຣີ ທີ່​ມີ​ສຳນັກງານ​ຢູ່ກຸງ ລອນ​ດອນ ​ໄດ້ໃຫ້ການ​ຢືນຢັນວ່າ​ ລັດຖະບານຈີນໄດ້​ອະ​ນຸຍາດວັດຂອງ​ຊາວ​ທິ​ເບ​ດຈໍານວນ​ນຶ່ງຕິດ
​ຮູບຂອງອົງດາ​ໄລ ລາມະ ຜູ້ນຳ​ທາງ​ດ້ານ​ຈິດ​ໃຈ​ຂອງ ຊາວ​ທິ​ເບ​ດ ທີ່​ລີ້​ໄພ​ຢູ່​ໃນ​ຕ່າງປະ​ເທດ. ລັດຖະບານຈີນໄດ້​ກ່າວ​ຫາ ອົງ​ດາ​ໄລລາມະ ວ່າ ​ເປັນ​ຜູ້​ຍຸ​ແ​ຍ່​ໃຫ້​ມີ​ການ​ກໍ່​ກະບົດ ຢູ່​ໃນ​ເຂດ​ທິ​ເບ​ດທີ່​ປົກຄອງ​ຕົນ​ເອງ ນັ້ນ.

​ທ່ານ Allistair Currie ໂຄສົກຂອງ​ກຸ່ມ​ທິ​ເບ​ດເສຣີ ​ໄດ້​ໃຫ້ການ​ຢືນຢັນຕໍ່ວີ​ໂອ​ເອ ​ໃນ​ວັນ​ສຸກ​ວານ​ນີ້ວ່າ ຢ່າງ​ໜ້ອຍໃນປັດຈຸບັນ​ນີ້ ມີວັດ​ແຫ່ງນື່ງ​ໄດ້​ຕິດ​ຮູບອົງ​ດາ​ໄລ ລາມະ. ​ແຕ່​ທ່ານ​ກ່າວ​ອີກ​ວ່າ ກົງກັນຂ້າມ​ກັບ​ລາຍ​ງານ​ຫວ່າງ​ມໍ່​ໆ​ມາ​ນີ້ບໍ່​ມີ​ຮ່ອງ​ຮອຍ​ໃດໆ ທີ່ສະ​ແດງ​ໃຫ້​ເຫັນ​ວ່າ ​ລັດຖບານ​ຈີນໄດ້​ຜ່ອນ​ຜັນ​ນະ​ໂຍບາຍ ຕໍ່ຕ້ານ​ອົງ​ດາ​ໄລ ລາມະ ຂອງ​ຕົນ​.
XS
SM
MD
LG