ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ທູດສະຫະລັດ ປະຈໍາລີເບຍ ເສຍຊີວິດ ໃນການໂຈມຕີ ກົງສຸນອາເມຣິກັນ ທີ່ເບັງກາຊີ (ສະໄລດ໌ກັບວີດີໂອ)


ເອກອັກຄະລັດຖະທູດສະຫະລັດປະຈໍາລີເບຍ ທ່ານ Christopher Stevens ທີ່ຖືກສັງຫານເມື່ອວັນອັງຄານ ທີ່ 11 ກັນຍາ
ເອກອັກຄະລັດຖະທູດສະຫະລັດປະຈໍາລີເບຍ ທ່ານ Christopher Stevens ທີ່ຖືກສັງຫານເມື່ອວັນອັງຄານ ທີ່ 11 ກັນຍາ
ເຈົ້າໜ້າ​ທີ່​ລີ​ເບຍ​ກ່າວ​ວ່າ ​ເອກ​ອັກຄະ​ລັດຖະທູດ​ສະຫະລັດປະ​ຈໍາ​ລີ​ເບຍ ​ແລະ​ພະນັກງານ​ສະຖານທູດ​ອີກ​ສາມ​ຄົນ​ຖືກໄດ້​ເສຍ​ຊີວິດ ຫຼັງຈາກ​ກຸ່ມ​ກໍ່ ການ​ຈະລາຈົນ​ຈຸ​ນຶ່ງ​ ໄດ້​ບຸກ​ໂຈມ​ຕີ​ສະ​ຖານ​ກົງສຸນ​ອາ​ເມຣິກັນ ທີ່​ເມືອງ Bengazi ທາງ​ພາກ​ຕາ​ເວັນ​ອອກ​ຂອງ​ລີ​ເບ​ຍ ​ເມື່ອວັນ​ອັງຄານ​ວານ​ນີ້.

ການ​ເສຍ​ຊີວິດ​ແມ່ນ​ເກີດ​ຂຶ້ນ​ເວລາ​ພວກ​ປະ​ທ້ວງທີ່​ໂກດ​ແຄ້ນ​ກ່ຽວ​ກັບ​ຮູບ​ເງົາເລຶ່ອງນຶ່ງ ທີ່​ສ້າງໂດຍມື​ກ້ອງ​ສະໝັກ​ຫຼິ້ນ​ອາ​ເມ​ຣິ​ກັນ ທີ່​ໝິ່ນ​ປະໝາດ​ຕໍ່ພະ​ສາ​ສະ​ດາມູຮໍາ​ມັດ ຂອງສາສະໜາ​ອີສລາມ ໄດ້​ຍິງ​ປືນ​ເຂົ້າ​ໃສ່​ແລະ​ຈູດ​ສະຖານ​ກົງ​ສຸນອາ​ເມຣິກັນ ທີ່​ເມືອງ​ເບ​ງກາ​ຊີ​ນັ້ນ.

ເອກ​ອັກຄະ​ລັດຖະທູດສະຫະລັດ ທ່ານ J. Christopher Stevens ​ ​ ​ເປັນ​ນັກ​ການ​ທູດ​ມື​ອາຊີບ​ຂອງ​ກະຊວງ​ຕ່າງປະ​ເທດ​ສະຫະລັດ ແລະ​ເປັນ ທູດ​ທີ່​ມີ​ປະສົບ​ການຫຼາຍທີ່​ສຸດ​ຄົນ​ນຶ່ງຂອງສະຫະລັດ​ຢູ່​ໃນ​ຂົງ​ເຂດ​ດັ່ງກ່າວ​ ​ໄດ້​ໄປ​ປະ​ຈໍາ​ໜ້າ​ທີ່​ໄດ້​ພຽງ​ບໍ່​ເຖິງ​ສີ່​ເດືອນ ຫຼັງຈາກ​ເຂົ້າ​ຮັບ​ຕໍາ​ແໜ່​ງ​ເອກ​ອັກຄະ​ລັດຖະທູດທີ່​ນະຄອນຫຼວງ Tripoli ​ເມື່ອ​ເດືອນ​ພຶດສະພາ​ຜ່ານ​ມາ​.

ທ່ານ Wanis al-Sharif ຮອງ​ລັດຖະມົນຕີ​ກະ​ຊວງ​ພາຍ​ໃນ​ຂອງ​ລີ​ເບຍ ກ່າວ​ວ່າ ​ທ່ານ​ເອກ​ອັກຄະ​ລັດຖະທູດ​ໄດ້ເສຍ​ຊີວິດ ​ພ້ອມ​ດ້ວຍ​ເຈົ້າໜ້າ​ທີ່ ອື່ນໆ​ອີກສາມ​ຄົນ ທີ່​ຢືນຢັນ​ວ່າ​ທ່ານ Stevens ຢູ່​ໃນ​ສະຖານ​ກົງສຸນ​ເວລາ​ຖືກ​ໂຈມ​ຕີ​ນັ້ນ.

ທ່ານ Sharif ​ໄດ້​ບອກ​ນັກ​ຂ່າວ​ວ່າ ກຸ່ມ​ປະກອບ​ອາວຸດ​ໄດ້​ບຸກ​ໂຈມ​ຕີສະ ຖານ​ກົງສຸນ​ດັ່ງກ່າວ ​ທີ່​ເກືອບເວົ້າ​ໄດ້ວ່າ​ເປັນການ​ໂຈມ​ຕີ​ແບບ​ສະຫຼະຊີບ. ທ່ານ​ກ່າວ​ວ່າ ມັນ​ເປັນຄວາມ​ຜິດພາດ​ຂອງ​ທາງ​ສະຖານທູດ​ສະຫະລັດ​ທີ່​ບໍ່ໄດ້ເອົາມາດ​ຕະການ​ປ້ອງ​ກັນ​ໄວ້​ລ່ວງ​ໜ້າ​ຢ່າງ​ພຽງພໍ.

​ເວລາ​ນີ້​ຍັງບໍ່​ມີ​ຄວາມ​ຄິ​ດ​ເຫັນ​ໃດໆ​ຈາກ​ກະຊວງ​ຕ່າງປະ​ເທດ ຫຼື​ເຈົ້າໜ້າ​ທີ່ ສະຫະລັດ​ເທື່ອ.

ກ່ອນ​ໜ້າ​ນີ້ ທ່ານ​ນາງ Hillary Clinton ລັດຖະມົນ​ຕີ​ຕ່າງປະ​ເທດ​ສະຫະລັດ ​ໄດ້​ຢືນຢັນ​ວ່າ ມີ​ເຈົ້າໜ້າ​ທີ່​ສະຫະລັດ​ພຽງ​ຄົນ​ດຽວ​ທີ່ເສຍ​ຊີວິດໃນ​ເຫດ ການ​ໂຈມ​ຕີ​ທີ່​ເມືອງ​ເບງກາ​ຊີ ຊຶ່ງ​ທ່ານ​ນາງ​ໄດ້​ປະນາມ ດ້ວຍຄໍາ​ເວົ້າທີ່​ຮຸນ​ແຮງ.

ທ່ານ​ນາງຄລິນ​ຕັນກ່າວ​ວ່າ ບາງ​ຄົນ​ໄດ້​ພະຍາຍາມ​ເພື່ອ​ພິ​ສູດ​ວ່າ ພຶດຕິ ການ​ທີ່​ຊົ່ວ​ຮ້າຍນີ້ ເປັນ​ການສະໜອງ​ຕອບ​ຕໍ່​ເລຶ່ອງລາວຮຸນ​ແຮງ​ທີ່​ລົງ​ໃນ ​
​ເວ​ບ​ໄຊ້​ນັ້ນ. ທ່ານ​ນາງ​ກ່າວ​ອີກ​ວ່າ ສະຫະລັດ​ເສຍ​ໃຈຫຼາຍຕໍ່ເຈດ​ຕະນາ​ເພື່ອ​ໃສ່​ຮ້າຍ​ປ້າຍ​ສີ​ຄວາມ​ເຊື່ອຖື​ດ້ານ​ສາສະໜາ​ຂອງ​ຄົນ​ອື່ນ ​ແຕ່​ບໍ່​ເຫັນ​ພ້ອມ​ກັບຂໍ້​ເທັດ​ຈິງ​ໃດໆ​ກັບພຶດຕິການ​ກໍ່​ຄວາມ​ຮຸນ​ແຮງ​ແບບ​ນີ້.



ກ່ອນ​ໜ້າ​ນີ້ ທ່ານ​ນາງ Hillary Clinton ລັດຖະມົນ​ຕີ​ຕ່າງປະ​ເທດ​ສະຫະລັດ ​ໄດ້​ຢືນຢັນ​ວ່າ ມີ​ເຈົ້າໜ້າ​ທີ່​ສະຫະລັດ​ພຽງ​ຄົນ​ດຽວ​ທີ່ເສຍ​ຊີວິດໃນ​ເຫດ ການ​ໂຈມ​ຕີ​ທີ່​ເມືອງ​ເບງກາ​ຊີ ຊຶ່ງ​ທ່ານ​ນາງ​ໄດ້​ປະນາມ ດ້ວຍຄໍາ​ເວົ້າທີ່​ຮຸນ​ແຮງ.

ທ່ານ​ນາງຄລິນ​ຕັນກ່າວ​ວ່າ ບາງ​ຄົນ​ໄດ້​ພະຍາຍາມ​ເພື່ອ​ພິ​ສູດ​ວ່າ ພຶດຕິ ການ​ທີ່​ຊົ່ວ​ຮ້າຍນີ້ ເປັນ​ການສະໜອງ​ຕອບ​ຕໍ່​ເລຶ່ອງລາວຮຸນ​ແຮງ​ທີ່​ລົງ​ໃນ ​
​ເວ​ບ​ໄຊ້​ນັ້ນ. ທ່ານ​ນາງ​ກ່າວ​ອີກ​ວ່າ ສະຫະລັດ​ເສຍ​ໃຈຫຼາຍຕໍ່ເຈດ​ຕະນາ​ເພື່ອ​ໃສ່​ຮ້າຍ​ປ້າຍ​ສີ​ຄວາມ​ເຊື່ອຖື​ດ້ານ ​ສາສະໜາ​ຂອງ​ຄົນ​ອື່ນ ​ແຕ່​ບໍ່​ເຫັນ​ພ້ອມ​ກັບຂໍ້​ເທັດ​ຈິງ​ໃດໆ​ກັບພຶດຕິການ​ກໍ່​ຄວາມ​ຮຸນ​ແຮງ​ແບບ​ ນີ້.







XS
SM
MD
LG