ລິ້ງ ສຳຫລັບເຂົ້າຫາ

ວັນສຸກ, ໑໙ ກໍລະກົດ ໒໐໒໔

ສະຫະລັດ ແລະພັນທະມິດ ຊອກຫາການຊ່ວຍເຫຼືອ ຈາກຈີນ ໃນການລົງໂທດ ເກົາຫຼີເໜືອ


ຜູ້ນຳເກົາຫລີເໜືອ ທ່ານ Kim Jong Un ຕ້ອນຮັບຜູ້ແທນພັກຄອມມິວນີສ ຈາກຈີນ ທ່ານ Liu Yunshan.
ຜູ້ນຳເກົາຫລີເໜືອ ທ່ານ Kim Jong Un ຕ້ອນຮັບຜູ້ແທນພັກຄອມມິວນີສ ຈາກຈີນ ທ່ານ Liu Yunshan.

​ເວລາ​ບັນດາ​ຜູ້ນຳ​ຂອງສະຫະລັດ ຍີ່ປຸ່ນ ​ແລະ​ເກົາຫລີ​ໃຕ້ ພົບ​
ປະກັນ​ທີ່​ນະຄອນ ຫລວງວໍຊິ​ງຕັນ ​ໃນ​ວັນ​ພະຫັດ​ມື້​ອື່ນນີ້ ​ເພື່ອ
​ຫາ​ທາງ​ແກ້​ໄຂ​ໄພຂົ່ມຂູ່ນິວ​ເຄລຍທີ່ພວມ​ເພີ້ມທະວີ​ຂຶ້ນ​ໃນ​ເກົາ
ຫລີ​ເໜືອ ຊຶ່ງ​ການ​ສົນທະນາ​ສ່ວນໃຫຍ່ແມ່ນຈະ​ກ່ຽວ​ກັບ​ຈີນ.

ປະທານາທິບໍດີສະຫະລັດ ທ່ານ Barack Obama ນາຍົກ
ລັດຖະມົນ​ຕີ​ຍີ່ປຸ່ນ ທ່ານ Shinzo Abe ​ແລະ​ປະທານາທິບໍດີ
ເກົາຫລີ​ໃຕ້​ທ່ານ​ນາງ Park Geun-hye ຈະ​ພົບ​ປະ​ສາມ​ຝ່າຍ
ຢູ່​ນອກ​ກອງ​ປະ​ຊຸມ​ສຸດຍອດວ່າ​ດ້ວຍຄວາມ​ປອດ​ໄພ ດ້ານນິວ
​ເຄລຍ​ ໃນ​ນະຄອນຫລວງວໍ​ຊິງ​ຕັນ.

ການ​ປະຊຸມ​ສາ​ມຝ່າຍ​ດັ່ງກ່າວ ຈະເປັນ​ເທື່ອ​ທຳ​ອິດ ທີ່​ບັນດາ​ຜູ້ນຳ​ເຫລົ່າ​ນີ້​ໄດ້ພົບ​ປະກັນ
ນັບ​ແຕ່​ສະຫະ​ປະຊາ​ຊາດ ​ໄດ້​ທຳການ​ລົງ​ໂທດຢ່າງໜັກ​ຄັ້ງ​ໃໝ່​ຕໍ່​ເກົາຫລີ​ເໜືອ ​ຍ້ອນ​ທົດ​
ລອງ​ນິວ​ເຄລຍຄັ້ງ​ທີ​ສີ່​ໃນ​ເດືອນ​ມັງກອນ​ທີ່​ຜ່ານ​ມາ.

ວໍ​ຊິງ​ຕັນ ​ແລະ​ບັນດາ​ພັນທະ​ມິດ​ເອ​ເຊຍມີ​ຄວາມໝາ​ຍໝັ້ນ​ຢ່າງ​ແຮງທີ່​ຈະທຳ​ການ ​ລົງ​ໂທດ
​ຢ່າງໜັກ ​ເພື່ອ​ກົດ​ດັນ​ເກົາ​ໃຫ້ຫລີ​ເໜືອ ​ຢຸດ​ເຊົາ​ໂຄງການ​ສ້າງ​ອາວຸດ​ນິວ​ເຄລຍ ​ແຕ່​ວ່າ​ຍັງ
​ມີຄຳ​ຖາມກ່ຽວ​ກັບ​ລະ​ດັບໃນ​ຄວາມ​ໝັ້ນ​ໝາຍຂອງ​ປັກ​ກິ່ງ.

ປະທານາທິບໍດີ ເກົາຫລີໃຕ້ ທ່ານາງ Park Geun-hye ຕອບຄຳຖາມນັກຂ່າວ.
ປະທານາທິບໍດີ ເກົາຫລີໃຕ້ ທ່ານາງ Park Geun-hye ຕອບຄຳຖາມນັກຂ່າວ.

ຮອງ​ລັດຖະມົນ​ຕີຕ່າງ​ປະ​ເທດ​ສະຫະລັດ ທ່ານ Anthony Blinken ກ່າວ​ໃນ​ວັນ​ອັງຄານ
​ວານ​ນີ້ວ່າ “ມີ​ຄວາມ​ສຳພັນ​ດ້ານ​ເສດຖະກິດເປັນ​ພິ​ເສດ ລະຫວ່າງ ຈີນແລະ​ເກົາຫລີ​ເໜືອ.
ມະ​ຕິຂອງສະພາ​ຄວາມ​ໝັ້ນຄົງໄດ້​ນຳ​ເອົາດ້ານດັ່ງກ່າວ​ແລະມີ​ຈຸດ​ສູນ​ກາງ​ຢູ່​ໂຕະກອງ
​ປະ​ຊຸມ ແລະ​ພວກ​ເຮົາ​ຫວັງ​ວ່າ ການ​ຮ່ວ​ມມື​ກັບຈີນ ກ່ຽວ​ກັບ​ເກົາຫລີ​ເໜືອ​ຈະ​ດຳ​ເນີນ​ຕໍ່​ໄປ.”

ສະຫະລັດ ​ໄດ້ດຳ​ເນີນ​ງານ​ຢ່າງ​ໃກ້ຊິດ​ກັບ​ຈີນ ​ເພື່ອ​ພັດທະນາ​ການ​ລົງ​ໂທດຄັ້ງ​ໃໝ່​ຂອງ​
ສະຫະ​ປະຊາ​ຊາດ ທີ່​ບັງຄັບ​ໃຫ້​ມີ​ການ​ກວດກາສິນ​ຄ້າ​ທັງ​ໝົດ​ຂອງ​ເກົາ ຫລີ​ເໜືອ ​ແລະ
​ຫ້າມສົ່ງ​ອອກ ການ​ຄ້າຂາຍ​ສ່ວນ​ໃຫຍ່​ຂອງ​ແຮ່​ທາດ​ປະ​ເທດດັ່ງ ກ່າວ ທີ່​ໄດ້​ຖືກ​ນຳ​ໃຊ້
ເພື່ອ​ເປັນ​ທຶນ​ສະໜັບສະ​ໜຸນ​ໂຄງການພັດທະນາ​ນິວ​ເຄລຍ ຂອງ​ເກົາຫຼີ​ເໜືອ​ນັ້ນ.

ຜູ້ນຳເກົາຫລີເໜືອ ທ່ານ Kim Jong Un ກຳລັງກວດແຖວທະຫານ.
ຜູ້ນຳເກົາຫລີເໜືອ ທ່ານ Kim Jong Un ກຳລັງກວດແຖວທະຫານ.

XS
SM
MD
LG