ສະຫະລັດໄດ້ທຳການລົງໂທດທາງດ້ານການເງິນຕໍ່ເຈົ້າໜ້າທີ່ເອຣີເທຣຍ 2 ຄົນ ແລະອີກ 4
ຄົນຈາກເຂດອາຟຣິກາຕາເວັນອອກ ທີ່ຖືກກ່າວຫາວ່າ ໃຫ້ການສະໜັບສະໜຸນແກ່ກຸ່ມຫົວ
ຮຸນແຮງ al-Shabab ຂອງໂຊມາເລຍ.
ກະຊວງການເງິນຂອງສະຫະລັດໄດ້ລະບຸຊື່ບຸກຄົນທັງ 6 ໃນວັນພະຫັດວານນີ້ ພາຍໃຕ້ດຳ
ລັດປະທານາທິບໍດີ ສະບັບປີ 2010 ທີ່ອະນຸຍາດໃຫ້ລັດຖະບານ ກັກຊັບສິນຂອງສ່ວນບຸກ
ຄົນທີ່ປະກອບສ່ວນເຂົ້າໃນບັນຫາຂັດແຍ້ງຢູ່ໂຊມາເລຍ.
ທ່ານນາງ Susan Rice ເອກອັກຄະລັດຖະທູດສະຫະລັດປະຈຳອົງການສະຫະປະຊາຊາດ
ກ່າວວ່າ ບຸກຄົນທັງ 6 ມີສ່ວນພົວພັນໂດຍກົງກັບກຸ່ມກໍ່ການຮ້າຍດັ່ງກ່າວ. ໃນຖະແຫຼງຂ່າວ
ທີ່ນຳອອກເຜີຍແຜ່ສະບັບນຶ່ງທ່ານນາງເວົ້າວ່າບຸກຄົນທັງ 6 ເປັນໄພຂົ່ມຂູ່ຕໍ່ສັນຕິພາບແລະ
ຫວັງວ່າສະຖຽນລະພາບຈະເກີດຂຶ້ນຢູ່ໃນຂົງເຂດ ພ້ອມນີ້ທ່ານນາງກໍໄດ້ເຕືອນວ່າ ການດຳ
ເນີນການໃນທຳນອງນີ້ ຈະປ່ອຍໃຫ້ເກີດຂຶ້ນບໍ່ໄດ້.
ຊາວເອຣີເທຣຍທັງສອງ ມີຊື່ວ່າ ພັນເອກ Tewolde Negash ເຈົ້າໜ້າທີ່ສືບລັບທີ່ຖືກກ່າວ
ຫາວ່າ ເປັນຜູ້ສົ່ງເງິນໄປໃຫ້ກຸ່ມກໍ່ການຮ້າຍ al-Shabab ແລະພັນເອກ Taeme Goitom
ທີ່ມີການກ່າວຫາວ່າ ຊ່ອຍເຮັດການຕັດສິນໃຈ ໃຫ້ແກ່ກຸ່ມນຶ່ງ ທີ່ສັງກັດຢູ່ໃນພວກທະຫານ
ບ້ານ Hizbul Islam ທີ່ໄດ້ໂຮມໂຕເຂົ້າກັນກັບກຸ່ມ al-Shabab ໃນປີ 2010.
ນອກນັ້ນແລ້ວການລົງໂທດທີ່ວ່ານີ້ຍັງໄດ້ລະບຸຊື່ນາຍ Suhayl Salim Abd-el-Rahman
ຊຶ່ງປັນຊາວຊູດານ ທີ່ມີການກ່າວຫາວ່າ ເປັນຜູ້ຊ່ອຍເຫຼືອໃນດ້ານການເດີນທາງ ແລະດ້ານ
ການເງິນສຳຫຼັບພວກນັກລົບຊາວຕ່າງປະເທດທີ່ພະຍາຍາມເດີນທາງເຂົ້າໄປໃນໂຊມາເລຍ.
ຊາວເຄນຢາອີກ 3 ຄົນ ກໍມີຊື່ຢູ່ໃນບັນຊີດັ່ງກ່າວ ປະກອບດ້ວຍນາຍ Aboud Rogo Mo-
hammed ນາຍ Abubaker Shariff Ahmed ແລະນາຍ Omar Awadh Omar. ບຸກ
ຄົນທັງ 3 ຖືກກ່າວຫາວ່າ ໃຫ້ການຊ່ອຍເຫຼືອທາງດ້ານການເງິນ ຫຼືບໍ່ກໍດ້ານພະລາທິການ
ແກ່ກຸ່ມ al-Shabab.