ສະມາຊິກຂອງກຸ່ມກໍ່ການຮ້າຍອາລກາອີດາ ທີ່ເກີດຢູ່ອາເມຣິກາຄົນນຶ່ງ ທີ່ໄດ້ກາຍ
ເປັນຜູ້ໃຫ້ຂໍ້ມູນລັບ ຈະໄດ້ຖືກປ່ອຍອອກຈາກຄຸກຂອງລັດຖະບານກາງ ພາຍຫລັງ
ທີ່ລາວໄດ້ໃຫ້ຂໍ້ມູນທີ່ມີສໍາຄັນ ແກ່ບັນດາເຈົ້າໜ້າທີ່ສະຫະລັດ.
ຜູ້ພິພາກສາລັດຖະບານກາງທີ່ລັດນີວຢອກໄດ້ຕັດສິນໃນວັນພະຫັດວານນີ້ ໃຫ້ທ້າວ
Bryant Neal Vinas ຕິດຄຸກ ຕາມເວລາທີ່ລາວໄດ້ຮັບໃຊ້ໂທດໄປແລ້ວ ຫລາຍ
ກວ່າແປດປີ ກັບສາມເດືອນ ແລະຊາຍທີ່ເກີດຢູ່ໃນລັດນີວຢອກ ອາຍຸ 34 ປີຄົນນີ້
ຈະຢູ່ໃນສະພາບຝາກໂທດຕະຫລອດຊີວິດຂອງລາວ.
ພວກພະນັກງານໄອຍະການຂຽນຢູ່ໃນເອກະສານທີ່ຍື່ນໃຫ້ສານວ່າ "ເຫັນວ່າ ການ
ຊ່ວຍເຫລືອທີ່ຈໍາເລີຍໄດ້ໃຫ້ແກ່ລັດຖະບານ ແມ່ນບໍ່ໄດ້ເວົ້າເຖິງຢ່າງພຽງພໍ". "ລາວ
ອາດຈະເປັນພະຍານທີ່ໃຫ້ການຮ່ວມມື ທີ່ມີຄຸນຄ່າສໍາຄັນຫລາຍທີ່ສຸດກວ່າໝູ່" ໃນ
ຄະດີທີ່ກ່ຽວຂ້ອງກັບກຸ່ມກໍ່ການຮ້າຍອາລກາອີດາ.
ຂໍ້ມູນກ່ຽວກັບກຸ່ມກໍ່ການຮ້າຍອາລກາອີດາ ຢູ່ໃນປາກິສຖານ ແລະອັຟການິສຖານ
ທີ່ທ້າວ Vinas ໄດ້ສະໜອງໃຫ້ນັ້ນ ເຮັດໃຫ້ສາມາດບົ່ງຕົວຜູ້ທີ່ຕ້ອງສົງໄສວ່າ ເປັນ
ຜູ້ກໍ່ການຮ້າຍ, ບ່ອນລີ້ຊ່ອນຂອງພວກເຂົາ ແລະການວາງແຜນກໍ່ກວນຂອງພວກເຂົາໄດ້.
ທະນາຍຄວາມຂອງທ້າວ Vinas ຂຽນຢູ່ໃນເອກະສານຍື່ນໃຫ້ສານ ທີ່ອົງການຂ່າວ
ເອພີອ້າງເຖິງນັ້ນ ເວົ້າວ່າ “ທ້າວ Vinas ເຄີຍເປັນທະຫານກອງທັບບົກ ໄດ້ສອງສາມ
ອາທິດ ໃນປີ 2002, ສອງປີກ່ອນໜ້າທີ່ລາວຈະປ່ຽນໄປນັບຖືສາສະໜາອິສລາມ. ລາວ
ໄດ້ເດີນທາງໄປຫາເຂດທີ່ບໍ່ມີການປົກຄອງຂອງປາກິສຖານໃນປີ 2007 ແລະດໍາເນີນ
ງານກັບພວກກຸ່ມຫົວຮຸນແຮງຍ້ອນວ່າລາວ ນັບມື້ນັບມີຄວາມບໍ່ພໍໃຈ ຕໍ່ການທີ່ບັນດາ
ປະເທດຕາເວັນຕົກ ໄດ້ກະທໍາ ຕາມຄວາມຄິດຂອງລາວແລ້ວເຫັນວ່າ ການຊອກທໍາ
ລາຍ ແລະສັງຫານຊາວມຸສລິມ.”
ພາຍຫລັງທີ່ໄດ້ຖືກພິຈາລະນາໃຫ້ເປັນຜູ້ໂຈມຕີດ້ວຍລະເບີດສະຫລະຊີບ ໂດຍກຸ່ມ
ຍ່ອຍຂອງພວກຫົວຮຸນແຮງສຸດ ຢູ່ໃນເຂດ Waziristan ເໜືອ ທ້າວ Vinas ກໍໄດ້
ເຂົ້າຮ່ວມກຸ່ມອາລກາອີດາ ຊຶ່ງເປັນກຸ່ມກໍ່ການຮ້າຍ ທີ່ທໍາການໂຈມຕີໃນດິນແດນຂອງ
ສະຫະລັດໃນປີ 2001. ລາວຖືກເຈົ້າໜ້າທີ່ປາກິສຖານຈັບໄດ້ໃນປີ 2008 ຊຶ່ງພວກ
ກ່ຽວໄດ້ສົ່ງລາວໃຫ້ແກ່ສະຫະລັດ ແລະລາວກໍໄດ້ກາຍເປັນຜູ້ໃຫ້ຂໍ້ມູນລັບ ດ້ວຍຄວາມ
ເຕັມໃຈເຮັດວຽກຢ່າງໄວວາ.
ທ້າວ Vinas ຍອມຮັບວ່າໄດ້ເຂົ້າຮ່ວມໃນການໃຊ້ຈະຫລວດໂຈມຕີທະຫານສະຫະລັດ
ຢູ່ທົ່ວ ຊາຍແດນຂອງອັຟການິສຖານ ແລະ ໄອຍະການເວົ້າວ່າ ພວກຜູ້ນໍາຂອງກຸ່ມ
ອາລກາອີດາ ໃຊ້ຄວາມຮູ້ຂອງລາວ ກ່ຽວກັບນະຄອນນີວຢອກ ເພື່ອວາງແຜນໂຈມຕີ
ທາງລົດໄຟ ທີ່ເກາະ Long Island. ແຜນການທີ່ຈະໃຊ້ລະເບີດໂຈມຕີ ໃນຂະນະທີ່
ລົດໄຟຂະບວນນຶ່ງກໍາລັງແລ່ນຜ່ານອຸໂມງໃຕ້ທະເລນັ້ນ ບໍ່ເກີດຂຶ້ນໄດ້.
ພວກເຈົ້າໜ້າທີ່ຂອງສະຫະລັດເວົ້າວ່າ ສິ່ງທີ່ທ້າວ Vinas ບອກໜ່ວຍສືບລັບຂອງສະ
ຫະລັດກ່ຽວກັບກຸ່ມກໍ່ການອາລກາອີດາຍັງຮັກສາເປັນຄວາມລັບຢູ່ ແຕ່ຄໍາໃຫ້ການຂອງ
ລາວໃນເວລາ ເປັນພິຍານນັ້ນ ແມ່ນຊ່ວຍໃຫ້ສາມາດຕັດສິນລົງໂທດ ຜູ້ຕ້ອງສົງໄສວ່າ
ເປັນຜູ້ກໍ່ການຮ້າຍໄດ້ສາມຄົນ ທີ່ວາງແຜນຈະວາງ ລະເບີດໃສ່ທາງລົດໄຟໃຕ້ດິນໃນ
ນະຄອນນີວຢອກໃນປີ 2009.
