ລິ້ງ ສຳຫລັບເຂົ້າຫາ

ສະຫະລັດ ຄົ້ນພົບ ແຜນການໂຈມຕີ ຂອງເຄືອຂ່າຍ ອານກາອິດາ

  • ສິງ ບູຣົມມະວົງ

ນາຍໂອຊາມາ ບິນ ລາເດັນ ມື້ລາງຜູ້ນໍາເຄືອຂ່າຍ ອານກາອິດາ. ວັນທີ 7 ພຶດສະພາ 2012.

ບັນດາ​ນັກ​ຊ່ຽວຊານ​ຕໍາຫຼວດ​ສັນຕິ​ບານ​ ຫຼື FBI ຂອງ​ສະຫະລັດ​ກໍາລັງ​ກວດ​ສອບ​ເບິ່ງ​ລະ​ເບີ​ດ ທີ່​ຕັ້ງ​ໃຈ​ວ່າ​ຈະ​ໃຊ້​ໃນ​ການວາງ​ແຜນ​ໂຈມ​ຕີ​ຂອງ​ເຄືອຂ່າຍກໍ່​ການ​ຮ້າຍ Al-Qaida ທີ່​ມີ​ວັດ​ຖຸປະສົງ​ເພື່ອ​ທໍາລາຍ​ເຮືອບິນ​ໂດຍສານໄອ​ພົ່ນລໍາ​ນຶ່ງ​ທີ່​ຈະ​ບິນ​ໄປ​ຍັງສະຫະລັດ​ນັ້ນ.

ບັນດາ​ເຈົ້າ​ໜ້າ​ທີ່​ສະຫະລັດ​ປະກາດ​ໃຫ້​ຊາບ​ໃນ​ວັນ​ຈັນ​ວານ​ນີ້​ວ່າ ສາຂາ ນຶ່ງ​ຂອງ​ເຄືອ​ຂ່າຍ​ອານ​ກາ​ອິດາໃນ​ເຢ​ເມນມີ​ຄວາມ​ຕັ້ງ​ໃຈ​ທີ່​ຈະ​ສົ່ງຜູ້​ວາງ​ລະ​ເບີດ​ສະລະ​ຊີບ​ຂຶ້ນ​ເຮືອບິນ​ໄອ​ພົນ​ໂດຍສານ​ລໍາ​ນຶ່ງ ​ທີ່​ຈະ​ບິນ​ມຸ້ງ​ໜ້າ​ມາຍັງ​ສະຫະລັດໂດຍ​ຜູ້ກ່ຽວ​ຈະ​ຊຸກ​ເຊື່ອງ​ວັດຖຸ​ລະ​ເບີດໃສ່​ໃນໂສ້ງສະ​ລິບ​ຂອງ​ຜູ້ກ່ຽວ. ​ໄດ້​ມີ​ການ​ພົບ​ເຫັນ​ແຜນການແລະ​ຍຶດ​ເອົາລະ​ເບີດ​ດັ່ງກ່າວໄດ້ກ່ອນ​ຜູ້​ວາງ​ລະ​ເບີດ​ຈະ​ເດີນທາງ​ຂຶ້ນເຮືອ​ບິນ​ລໍາ​ໃດລຳ​ນຶງມາ​ຍັງ​ສະຫະລັດ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ລະ​ເບີດ​ດັ່ງກ່າວ​ເປັນ​ການ​ອອກ​ແບບ​ໃໝ່​ຂອງ ລະ​ເບີດທີ່​ມີ​ຄວາມ​
ຕັ້ງ​ໃຈ​ໄວ້​ວ່າ​ຈະ​ທໍາລາຍ​ເຮືອບິນ​ໄອ​ພົ່ນ​ໂດຍສານ​ທີ່​ຈະ​ບິນ​ມາ​ຍັງ​ເມືອງ Detroit ຈາກ​ນະ
ຄອນ Amsterdam ​ໃນ​ວັນ​ຄຣີສມາສ ປີ 2009 ນັ້ນ. ຜູ້​ຊາຍຄົນ​ນຶ່ງ​ມາ​ຈາກ​ໄນ​ຈີ​ເຣຍ​ໄດ້​
ພະຍາຍາມບີບ​ຄະ​ນວນ​ລະ​ເບີດ​ທີ່​ເຊື່ອງ​ໄວ້​ໃນ​ໂສ້ງ​ຊ້ອນ​ຂອງ​ລາວ​ໃຫ້​ແຕກ ຂຶ້ນ ​ແຕ່​ວັດຖຸ​
ລະ​ເບີດ​ດັ່ງກ່າວ​ບໍ່ໄດ້​ແຕກ. ຕໍາຫຼວດ FBI ກໍາລັງ​ສຶກສາ​ເບິ່ງ​ລະ​ເບີດ​ແບບ​ໃໝ່​ນີ້ ​ເພື່ອ​ຈະ​
ຕັດສິນ​ໃຈວ່າ ລະ​ບົບຮັກສາ​ຄວາມ​ປອດ​ໄພ​ທີ່​ສະໜາມ​ບິນ​ຈະຈັບ​ເຄື່ອງ​ວັດຖຸ​ລະ​ເບີດ​ນີ້​ໄດ້​
ຫຼື​ບໍ?.

ສະພາ​ຮັກສາ​ຄວາມ​ປອດ​ໄພ​ແຫ່ງ​ຊາດ​ປະ​ຈໍາ​ທໍານຽບຂາວ ກ່າວຢູ່​ໃນ​ຖະ​ແຫຼ​ງການ​ສະບັບ​
ນຶ່ງ​ໃນ​ວັນ​ຈັນ​ວານ​ນີ້​ວ່າ ປະທານາທິບໍດີ​ບາຣັກ ​ໂອ​ບາ​ມາ ​ແຫ່ງ​ສະຫະລັດແມ່ນເປັນ​ຄົນ​ທໍາ
​ອິດ​ທີ່​ໄດ້​ຮັບ​ແຈ້ງ​ຂ່າວ ກ່ຽວ​ກັບ ​ແຜນການ​ດັ່ງກ່າວ​ໃນ​ເດືອນ​ເມສາ ​ແລະ​ໄດ້​ຮັບ​ຂ່າວຄືບ​ໜ້າ
​ເປັນ​ລຳດັບ ສືບ​ຕໍ່​ມາ ​ແລະ​ເວົ້າ​ຕໍ່​ໄປ​ວ່າ ປະທານາທິບໍດີໂອ​ບາ​ມາ​ໄດ້​ຮັບ​ຄວາມ​ໝັ້ນ​ໃຈ​ວ່າ
ລະ​ເບີດ​ທີ່​ວ່າ​ນີ້​ຈະ​ບໍ່​ເປັນ​ໄພ​ຂົ່ມຂູ່​ຕໍ່​ປະຊາຊົນ.

​ໃນ​ລະຫວ່າງ​ກອງ​ປະຊຸມ​ຖະ​ແຫຼງ​ຂ່າວ​ທີ່​ກຸງ​ນີວ​ແດນ​ລີ ​ໃນ​ວັນ​ອັງ​ຄານ ມື້​ນີ້ ລັດຖະມົນຕີ​
ການ​ຕ່າງປະ​ເທດ​ສະຫະລັດ ທ່ານ​ນາງ​ຮີນ​ລາ​ຣີ ຄລິນ​ຕັນ ກ່າວ​ວ່າ ​ເຫດການ​ດັ່ງກ່າວ​ໄດ້​
ເປັນ​ການ​ຕັກ​ເຕືອນ​ຄັ້ງ​ນຶ່ງທີ່​ວ່າ ອາ​ເມຣິກາ​ແລະ​ພວກ​ພັນທະ​ມິດ​ຍັງ​ເປັນ​ເປົ້າ​ໝາຍ​ຂອງ​
ການວາງ​ແຜນ​ໂຈມ​ຕີ​ຂອງ​ພວກ​ກໍ່​ການ​ຮ້າຍ​ຢູ່.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG