ບັນດາເຈົ້າໜ້າທີ່ ອັຟການິສຖານ ກ່າວໃນວັນອັງຄານມື້ນີ້ວ່າ
ການປະຕິບັດງານໂຈມຕີທາງອາກາດ ທີ່ສະໜັບສະໜູນໂດຍ
ສະຫະລັດ ຢູ່ໃນເຂດສອກຫລີກ ທາງພາກຕາເວັນອອກທີ່ວຸ້ນ
ວາຍຂອງປະເທດ ໄດ້ທຳລາຍສະຖານີວິທະຍຸລັດອິສລາມ
ພ້ອມດ້ວຍການຕິດຕໍ່ສື່ສານທາງລະບົບ ອິນເຕີແນັດ ແລະ
ສະຖານທີ່ສຳຄັນອື່ນໆ.
ການໂຈມຕີທາງອາກາດ ຍັງໄດ້ສັງຫານພວກນັກລົບອິສລາມ
29 ຄົນ ຮວມທັງພະນັກງານຫ້າຄົນ ຂອງອັນທີ່ຮ້ອງວ່າ “ສຽງ
ຂອງລັດອິສລາມ” ທີ່ເປັນວິທະຍຸຕັ້ງຢູ່ໃນແຂວງ Nangahar
ທີ່ໂຄສົກປະຈຳແຂວງ ທ່ານ Attaullah Khogyani ກ່າວຕໍ່
ວີໂອເອ ໃນຂະນະທີ່ເປີດເຜີຍລາຍລະ ອຽດກ່ຽວກັບການປະຕິບັດງານທາງທະຫານໃນ
ຕອນທ່ຽງວັນຈັນວານນີ້.
ທ່ານກ່າວວ່າ ການໂຈມຕີໄດ້ເກີດຂື້ນ ທີ່ເມືອງ Achin ຊຶ່ງເປັນເຂດພູ ຜາ ບ່ອນທີ່ພວກ
ລັດອິສລາມ ໄດ້ຕັ້ງກອງບັນຊາການ ແລະເປັນບ່ອນທີ່ກຸ່ມກໍ່ການຮ້າຍ ໄດ້ພະຍາຍາມ
ຂະຫຍາຍອິດທິພົນຂອງຕົນ ແລະໃຊ້ ເປັນບ່ອນໂຈມຕີເຂດອຶ່ນໆ ໃນອັຟການິສຖານ.
ກະຊວງປ້ອງກັນປະເທດ ອັຟການິສຖານ ໃຫ້ການຢືນຢັນກ່ຽວກັບການໂຈມຕີທາງ
ອາກາດດັ່ງກ່າວ ທີ່ເຮັດໃຫ້ການສົ່ງກະຈາຍສຽງຂອງລັດອິສ ລາມ ມິດງຽບໄປໂດຍ
ທັນທີ.
ບັນດາເຈົ້າໜ້າທີ່ ແລະປະຊາຊົນໃນແຂວງ Nangarhar ກ່າວວ່າ ສະ ຖານີວິທະຍຸ FM
ຂອງລັດອິສລາມ ໄດ້ອອກອາກາດ ລາຍການສອງຊົ່ວໂມງຕໍ່ມື້ ເປັນເວລາສາມເດືອນມາ
ແລ້ວ. ເຂົາເຈົ້າກ່າວວ່າ ການອອກອາກາດໄດ້ຢຸດລົງນັບແຕ່ຕອນແລງວັນຈັນເປັນຕົ້ນມາ.
ໂຄສົກກອງທັບສະຫະລັດ ພັນເອກ Micheal Lawhorn ໄດ້ຢືນຢັນຕໍ່ວີໂອເອ ເຖິງການ
ປະຕິບັດງານ ໂຈມຕີການກຸ່ມການຮ້າຍສອງຄັ້ງໃນເມືອງ Achin. ທ່ານກ່າວວ່າ “ຍ້ອນ
ເຫດຜົນ ໃນດ້ານຄວາມປອດໄພສຳລັບການປະຕິບັດງານ ພວກເຮົາຈຶ່ງບໍ່ສາມາດສົນ
ທະນາເຖິງລາຍລະ ອຽດຂອງການປະຕິບັດງານຕໍ່ຕ້ານການກໍ່ການຮ້າຍ.”
ສະຖານີວິທະຍຸ IS ໄດ້ສົ່ງຂໍ້ຄວາຜ່ານທາງ tweeter ວ່າ “ສຽງຂອງ Khilafah ຂອງລັດ
ອິສລາມ ປະຕິເສດຢ່າງແຂງຂັນກ່ຽວກັບລາຍງານ ຂອງອຳນາດການປົກຄອງຫຸ່ນຢູ່
Kabul ທີ່ກ່າວວ່າ ວິທະຍຸໄດ້ຖືກທຳລາຍນັ້ນ.”
