ລິ້ງ ສຳຫລັບເຂົ້າຫາ

ການໂຈມຕີ ທາງອາກາດ ຂອງ ສຫລ ທີ່ໂຊມາເລຍ ແນໃສ່ ຜູ້ນຳກຸ່ມ Al-Shabab


ພວກຜູ້ຕ້ອງສົງໄສ ທີ່ເປັນພວກຫົວຮຸນແຮງ ກຸ່ມ Al-Shabab ທີ່ຖືກຈັບກຸມ ທີ່ນະຄອນຫຼວງ Mogadishu, ໂຊມາເລຍ, ເດືອນທັນວາ 2014.

ສະຫະລັດ​ໄດ້​ທຳ​ການ​ໂຈມ​ຕີ​ທາງ​ອາກາດ​ໃສ່​ອັນ​ທີ່​ທຳນຽບ
ຫ້າ​ແຈ ​ເອີ້ນ​ວ່າ ຜູ້ນຳ​ຂັ້ນ​ສູງ​ຄົນ​ນຶ່ງ​ຂອງ​ກຸ່ມ al-Shabab
​ໃນ​ໂຊ​ມາ​ເລຍ.

​ໂຄ​ສົກ​ກອງທັບ​ສະຫະລັດທ່ານ​ນຶ່ງ ກ່າວ​ວ່າ ການ​ໂຈມ​ຕີ​ໃນ
​ວັນ​ຈັນວານ​ນີ້ ມີຂຶ້ນຢູ່​ໃກ້ໆ​ກັບ​ເຂດ Saakow.

ຍັງ​ບໍ່​ທັນ​ຮູ້ຈັກ​ກັນ​ເທື່ອ​ວ່າ ການ​ໂຈມ​ຕີ​ທາງ​ອາກາດ​ດັ່ງກ່າວ​
ໄດ້​ຖືກ​ເປົ້າ​ໝາຍ​ຫຼື​ບໍ ​ແຕ່​ໂຄສົກ​ທ່ານນີ້ ກ່າວ​ວ່າ ບັນດາ​ເຈົ້າ​
ໜ້າ​ທີ່​ບໍ່​ເຊື່ອ​ວ່າ ມີ ​ພົນລະ​ເຮືອນ​ຄົນ​ໃດ ​ໄດ້​ຮັບ​ບາດ​ເຈັບ​ຫຼື
​ເສຍ​ຊີວິດ​.

​ໃນ​ເດືອນ​ກັນຍາ​ຜ່ານ​ມາ ການ​ໂຈມ​ຕີ​ທາງ​ອາກາດ​ອີກ​ບັ້ນ​ນຶ່ງ​ໃນ​ໂຊ​ມາເລຍ ​ໄດ້​ສັງຫານ​
ນາຍ Ahmed Abdi Godane ຜູ້ນຳ​ຂອງ​ກຸ່ມ al-Shabab ນັ້ນ.

ກຸ່ມ al-Shabab ຊຶ່ງ​ເປັນ​ສາຂາ​ນຶ່ງ​ ຂອງ​ເຄືອ​ຂ່າຍອານ​ກາ​ອິດາ ກຳລັງ​ພະຍາຍາມຫາ
ທາງ​ໂຄ່ນ​ລົ້ມ​ລັດຖະບານ​ໂຊ​ມາ​ເລຍ ​ແລະ​ຫັນປ່ຽນ​ປະ​ເທດ​ ເຂົ້າ​ກັບ​ກຸ່ມ​ ລັດ​ອິສລາມ​ນິ
ຍົມ​ແນວທາງ​ເດີມ​ນັ້ນ.

ພວກ​ທະຫານ​ຂອງ​ໂຊ​ມາ​ເລຍ ​ແລະ​ສະຫະພາບ​ອາ​ຟຣິກາ ​ໄດ້ຮັບ​ຜົນສຳ​ເລັດ ​ໃນ​ການ
ໂຈມ​ຕີ​ໂຕ້​ຕອບ​ພວກ​ຫົວ​ຮຸນ​ແຮງ ​ໃນ​ລະຫວ່າງ​ປີ​ກາຍ​ນີ້.

XS
SM
MD
LG