ກອງທັບສະຫະລັດ ກ່າວວ່າ ການໂຈມຕີທາງອາກາດ ໃນພາກ
ຕາເວັນອອກສຽງໃຕ້ຂອງອັຟການິສຖານ ໄດ້ສັງຫານຜູ້ບັນຊາ
ການຂອງກຸ່ມອາລກາອີດາຄົນນຶ່ງ ເມື່ອຕົ້ນເດືອນນີ້.
ທ່ານ Peter Cook ໂຄສົກ ຂອງທຳນຽບຫ້າແຈ ກ່າວຢູ່ໃນຖະ
ແຫຼງການສະບັບນຶ່ງ ໃນວັນສຸກວານນີ້ວ່າ “ພວກເຮົາ ຂໍຢືນຢັນ
ວ່າທ້າວ Abu Khalil al-Sudani ຜູ້ບັນຊາການສະໜາມອະ
ວຸໂສຂອງກຸ່ມອາລກາອີດາໄດ້ຖືກຂ້າຕາຍໃນການໂຈມຕີທາງ
ອາກາດ ຂອງສະຫະລັດ ໃນເຂດເມືອງ Bermal ແຂວງ Pak-
tika ປະເທດອັຟການິສຖານ ເມື່ອວັນທີ 11 ກໍລະກົດປີ 2015
ນີ້.”
ພວກເຈົ້າໜ້າທີ່ ກະຊວງປ້ອງກັນປະເທດສະຫະລັດ ກ່າວເຖິງທ້າວ al-Sudani ວ່າ ເປັນ ຫົວໜ້າໜ່ວຍປະຕິບັດງານໂຈມຕີສະຫຼະຊີບແລະວາງລະເບີດ ຂອງກຸ່ມຫົວຮຸນແຮງຊຸນນີ່ ດັ່ງກ່າວ.
ພັນເອກ Pat Ryder ໂຄສົກຂອງກອງບັນຊາການສະຫະລັດ ໃນເຂດພາກຕາເວັນອອກ ກາງຫຼື Centcom ກ່າວຕໍ່ພວກນັກຂ່າວຢູ່ທີ່ທຳນຽບຫ້າແຈໃນວັນສຸກວານນີ້ວ່າ ການເສຍ ຊີວິດຂອງທ້າວ al-Sudani ລົບກວນຄວາມສາມາດໃນການໂຈມຕີຂອງກຸ່ມອາລກາອີດາ “ຢ່າງໜ້ອຍກໍເປັນການຊົ່ວຄາວ.”
ພັນເອກ Ryder ເວົ້າວ່າ “ການເສຍຊີວິດຂອງທ້າວ al-Sudani ແມ່ນປະຕິເສດ ບໍ່ໃຫ້ກຸ່ມ ອາລກາອີດາມີຜູ້ນຳທີ່ມີຄວາມສຳພັນເປັນຢ່າງດີ ນັກວາງແຜນໃນການປະຕິບັດງານທີ່ໄດ້ ຮັບການພິສູດມາແລ້ວ.
ທ່ານ Peter Cook ກ່າວຕື່ມວ່າ ທ້າວ al-Sudani ແມ່ນມີສ່ວນພົວພັນໂດຍກົງ ໃນການ ວາງແຜນໂຈມຕີຕໍ່ກອງກຳລັງຂອງສະຫະລັດ ອັຟການິສຖານແລະປາກິສຖານ. ທ່ານເວົ້າ
ວ່າ ພວກຫົວຮຸນແຮງຈຸນີ້ຍັງສືບຕໍ່ມີຄວາມສຳພັນອັນໃກ້ຊິດກັບທ້າວ Ayman al-Zawa-
hiri ຜູ້ນຳຂອງກຸ່ມກໍ່ການຮ້າຍອາລກາອີດາ.
ຖະແຫຼງການເວົ້າວ່າ “ທ້າວ al-Sudani ແມ່ນນຶ່ງໃນຈຳນວນພວກຫົວຮຸນແຮງຈັດ 3 ຄົນ ເທົ່າທີ່ຮູ້ຈັກ ທີ່ໄດ້ຖືກສັງຫານໃນການໂຈມຕີຄັ້ງນີ້. ພວກເຮົາຈະສືບຕໍ່ປາບປາມພວກຫົວ ຮຸນແຮງຈັດຢູ່ໃນຂົງເຂດແລະໃນໂລກນຳດ້ວຍ.”
ຖະແຫຼງການຂອງທ່ານ Cook ຍັງໄດ້ກ່າວເຖິງພວກຫົວຮຸນແຮງຈັດທີ່ຮູ້ຈັກອີກ 2 ຄົນໄດ້ ຖືກສັງຫານໃນການໂຈມຕີຄັ້ງນີ້ ແຕ່ບໍ່ໄດ້ລະບຸຊື່ພວກກ່ຽວໃຫ້ຊາບ.
