ກຳປັ່ນລົບ ສຫລ ເຂົ້າຮ່ວມ ການຊ້ອມລົບ ຢູ່ເກົາຫລີໃຕ້

ໜ່ວຍກຳ​ປັ່ນ​ລົບກຸ່ມ​ນຶ່ງ ຂອງກອງທັບ​ເຮືອ​ສະຫະລັດ ພາຍ​ໃຕ້​
ການ​ນຳພາ​ຂອງ​ກຳ​ປັ່ນບັນທຸກ​ເຮືອ​ບິນ ທີ່​ແລ່ນ​ດ້ວຍ​ພະລັງງານ​
ນິວ​ເຄລຍ USS Nimitz​ ໄດ້ໄປ​ເຖິງເກົາຫລີ​ໃຕ້​ແລ້ວ ​ເພື່ອ​ເຂົ້າ​
ຮ່ວ​ມ ການຊ້ອມ​ລົບຮ່ວມ​ທາງ​ທະ​ເລ ຊຶ່ງ​ມີ​ທ່າ​ທາງ​ວ່າ​ຈະ​ເຮັດ​
ໃຫ້​ເກົາຫລີ​ເໜືອ ສະ​ແດງ​ປະຕິກິລິຍາຕອບ​ໂຕ້​ຢ່າງ​ແຮງ.

ກໍາ​ປັ່ນ​ບັນທຸກ​ເຮືອບິນ Nimitz ​ໄດ້ເຂົ້າຈອດ ທີ່​ທ່າ​ກຳ​ປັ່ນ​ເມືອງ
Busan ​ໃນ ພາກ​ຕາ​ເວັນ​ອອກສຽງໃຕ້ຂອງ​ເກົາຫຼີ​ໃຕ້ໃນ​ວັນ​ເສົາ
ມື້​ນີ້ ​ເພື່ອ​ເຂົ້າ​ຮ່ວມການ​ຊ້ອມ​ລົບ​ຮ່ວມ​ທາງ​ທະ​ເລ ເປັນ​ເວລາ​
ສາມ​ວັນ.

ກອງ​ທັບ​ເຮືອ​ສະຫະລັດ ກ່າວ​ວ່າ ​ໜ່ວຍ​ລົບ​ພາຍ​ໃຕ້​ການ​ນຳພາ
ຂອງ​ກຳ​ປັ່ນ​ບັນທຸກ​ເຮືອບິນດັ່ງກ່າວ ຊຶ່ງ​ເດີນທາງໄປ​ເຖິງເຂດຮັບ
ຜິດຊອບ​ຂອງ​ກອງທັບ​ເຮືອ​ທີ 7 ​ໃນ​ອາທິດແລ້ວ​ນີ້ແມ່ນຮວມ​ທັງ
ກຳ​ປັ່ນ​ພິຄາດ ​ແລະ​ກຳ​ປັ່ນ​ລາດຕະ​ເວນ ​ຕິດ​ລູກ​ສອ​ນ​ໄຟ​ນຳ​ວິຖີ.

​ອີງ​ຕາມຖະ​ແຫຼງຂ່າວຂອງ​ກອງທັບ​ເຮືອສະຫະລັດ​ແລ້ວໜ່ວຍກຳ​
ປັ່ນ​ລົບ​ດັ່ງກ່າວ “ຈະປະຕິບັດ​ງານ​ຊ້ອມ​ລົບ ຮວມ​ທັງ​ຢ້ຽມຢາມ​ທ່າ​ກຳ​ປັ່ນ​ຕ່າງໆ​ຢູ່​ໃນ​ຂົງ​ເຂດ​
ເພື່ອ ​ເສີມ​ຂະຫຍາຍ​ການ​ເປັນ​ພາຄີ​ທາງ​ທະ​ເລ ​ແລະ​ຊຸກຍູ້​ສົ່ງ​ເສີມ​ສັນຕິພາບ​ແລະສະຖຽນ
ລະ​ພາບ ຢູ່​ໃນ​ຂົງເຂດອິນໂດເນ​ເຊຍ-ປາຊິ​ຟິກ ພ້ອມ​ດ້ວຍ​ບັນດາ​ປະ​ເທດ ພັນທະ​ມິດ​
ຂອງ​ຕົນ.”

​ເກົາຫລີ​ເໜືອ ຮ້ອງ​ການ​ຊ້​ອມລົບ​ຮ່ວມປະ​ຈໍາປີໃນ​ເກົາ​ຫລີ​ໃຕ້ວ່າ ​ເປັນ​ການ​ຝຶກ​ຊ້ອມເພື່ອລຸກ
​ລານ ​ແລະທຳ​ການ​ນາບ​ຂູ່ຢູ່​ເປັນ​ປະ​ຈໍາ​ ​ທີ່​ຈະ​ທໍາ​ການຕອບ​ໂຕ້​ຢ່າງ​ໃຫຍ່ ຖ້າ​ຫາກ​ເຂດ​ນໍາ​
ແດນ​ດິນຂອງ​ຕົນ​ຖືກ​ລ່ວງ​ລໍ້າ.