ສະຫະລັດພ້ອມທີ່ຈະປະກາດ ການລົງທຶນ ມູນຄ່າຫຼາຍຕື້
ດອລລ່າ ຢູ່ໃນທະວີບອາຟຣິກາ.
ຄາດວ່າ ຈະມີປະມຸກລັດ ຈາກອາຟຣິກາ ຈຳນວນ 50 ທ່ານ
ມາເຂົ້າ ຮ່ວມກອງປະຊຸມສຸດຍອດອາຟຣິກາ ລະຍະ 3 ມື້
ຊຶ່ງຈະເລີ້ມຕົ້ນໃນວັນຈັນມື້ນີ້ຢູ່ວໍຊິງຕັນ ບ່ອນທີ່ສະຫະລັດ
ຈະເປີດເຜີຍ ແຜນການລົງທຶນ ເກືອບ 1 ຕື້ດອລລ່າ ໃນຂໍ້
ຕົກລົງດ້ານທຸລະກິດຕ່າງໆ ເພີ້ມທຶນສຳຫລັບການຮັກສາ
ສັນຕິພາບ ແລະຜູກມັດຫຼາຍຕື້ດອລລ່າ ໃສ່ໂຄງການດ້ານ
ອາຫານ ແລະ ພະລັງງານຕ່າງໆ ຢູ່ໃນອາຟຣິກາ.
ກອງປະຊຸມສຸດຍອດ ສະຫະລັດ - ອາຟຣິກາ ເລີ້ມຂຶ້ນທີ່ວໍຊິງຕັນ
ປະເທດຈີນ ຢູໂຣບ ແລະ ຍີ່ປຸ່ນ ທັງໝົດ ຕ່າງກໍໄດ້ຈັດເຫດການຄ້າຍ ຄືກັນນີ້ຂຶ້ນ ເພື່ອ
ສົ່ງເສີມການລົງທຶນໃນອາຟຣິກາ ແຕ່ທຳນຽບຂາວປະຕິເສດວ່າ ກອງປະຊຸມສຸດຍອດ
ອາຟຣິກາຂອງຕົນ ບໍ່ໄດ້ເປັນການຕອບໂຕ້ ຕໍ່ການລົງທຶນເພີ້ມຂຶ້ນຂອງຈີນ ຢູ່ໃນ
ອາຟຣິກາ.
ບັນດາທຸລະກິດສະຫະລັດ ໂດຍທົ່ວໄປແລ້ວ ມີຄວາມລັງເລໃຈ ທີ່ຈະໄປລົງທຶນຢູ່ໃນ
ອາຟຣິກາ ເຖິງແມ່ນວ່າໄດ້ເຫັນອັດຕາການຂະຫຍາຍ ຕົວສູງ ຢູ່ຫຼາຍໆປະເທດໃນ
ອາຟຣິກາ ກໍຕາມ.
