ລິ້ງ ສຳຫລັບເຂົ້າຫາ

ສະຕີ​ໝາຍ​ເລກ​ 1 ຂອງສະຫະລັດ​ ​​ໄປ​ຢ້ຽມຢາມ ອາຟຣິກາ

  • ວັນນະສອນ ແກ້ວດາຣາ

ສະຕີ​ໝາຍ​ເລກ​ 1 ຂອງສະຫະລັດ​ທ່ານ​ນາງ Michelle Obama

ສະຕີ​ໝາຍ​ເລກ​ 1 ຂອງສະຫະລັດ​ທ່ານ​ນາງ Michelle Obama ໄປ​ຢ້ຽມຢາມ
ອາຟຣິກາ​ເປັນ​ເວລາ​ເກືອບ​ນຶ່ງ​ອາ​ທິດ ​ພິທີຢ່າງເປັນທາງການເລີ່ມຂຶ້ນໃນ​ວັນ​ອັງຄານ​ມື້​ນີ້
ຂະນະທີ່ທ່ານ​ນາງ​ພວມມຸ່ງໜ້າໄປ​ຍັງນະຄອນ Johannesburg.

ທ່ານ​ນາງ​ຈະ​ໄປ​ຢ້ຽມຢາມ​ມູນ​ນິທິ​ຂອງ​ທ່ານ Nelson Mandela ບ່ອນທີ່​ທ່ານ​ນາງ​
ຈະ​ໄດ້​ພົບ​ປະ​ກັບທ່ານນາງ​ Graca Machel ​ພັນ​ລະ​ຍາ​ຂອງອະດີດປະທານາທິບໍດີ
ແມນແດລລາ ພ້ອມ​ທັງເຂົ້າຊົມຫໍພິພິດ​ທະພັນກ່ຽວກັບລະບົບແບ່ງແຍກເຊື້ອຊາດຜິວ
ພັນ Apartheid ຂອງອາຟຣິກາໃຕ້ນໍາ​ອີກ.

ສະຕີ​ໝາຍ​ເລກ​ 1 ພ້ອມດ້ວຍລູກສາວທັງ 2 ຄືນາງ Malia ແລະ ນາງ Sasha ໄດ້ໄປ
ຮອດເມືອງ Pretoria, ອາຟຣິກາໃຕ້ ໃນກາງຄືນຂອງວັນຈັນວານນີ້. ແມ່ຂອງທ່ານນາງ
ກໍໄດ້ຮ່ວມເດີນທາງໄປດ້ວຍ.

ສະຕີ​ໝາຍ​ເລກ​ 1 ຍັງກ່າວວ່າທ່ານນາງຈະສົ່ງເສີມແລະ​ໃຫ້ກໍາລັງໃຈຕໍ່ເຍົາວະຊົນຊາວ
ອາຟຣິກາໃຫ້ເປັນຜູ້ນໍາທີ່ດີ​ເພື່ອແກ້ໄຂບັນຫາຕ່າງໆຂອງທະວີບ ເຊ່ັນບັນຫາຄວາມ
ຍາກຈົນ, ໂຣຄາພະຍາດແລະການປ່ຽນແປງຂອງດິນຟ້າອາກາດ. ນອກນັ້ນແລ້ວ ທ່ານນາງ
ຍັງຈະໄດ້ເວົ້າເຖິງຄວາມສໍາຄັນທາງ​ດ້ານສຸກຂາອະນາໄມແລະການສຶກສານໍາອີກ.

ທ່ານນາງມີກໍານົດທີ່ຈະພົບປະກັບປະທານາທິບໍດີຂອງອາຟຣິກາໃຕ້ ທ່ານ Jacob Zuma
ແລະພະສັງຄະລາດ Desmond Tutu.

XS
SM
MD
LG