ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຜູ້ວ່າ​ການຫົວ​ໜ້າດ້ານ​ປ້ອງ​ກັນ​ຊາດ​ຂອງ​ ສ​ຫ​ລ ໄປ​ຢ້ຽ​ມ​ຢາມ ​ອັ​ຟ​ກາ​ນິ​ສ​ຖານ​


ຜູ້ວ່າ​ການຫົວ​ໜ້າດ້ານ​ປ້ອງ​ກັນ​ຊາດ​ຂອງ​ສະ​ຫະ​ລັດ, ທ່ານ ແພັດ ຊາ​ນາ​ຮານ (ຊ້າຍ) ​ໄປ​ເຖິງນະ​ຄອນ​ກາ​ບູ​ລ, ​​ອັ​ຟ​ກາ​ນິ​ສ​ຖານ, ວັນ​ທີ 11 ມັງ​ກອນ, 2019,
ຜູ້ວ່າ​ການຫົວ​ໜ້າດ້ານ​ປ້ອງ​ກັນ​ຊາດ​ຂອງ​ສະ​ຫະ​ລັດ, ທ່ານ ແພັດ ຊາ​ນາ​ຮານ (ຊ້າຍ) ​ໄປ​ເຖິງນະ​ຄອນ​ກາ​ບູ​ລ, ​​ອັ​ຟ​ກາ​ນິ​ສ​ຖານ, ວັນ​ທີ 11 ມັງ​ກອນ, 2019,

ຜູ້ວ່າ​ການຫົວ​ໜ້າດ້ານ​ປ້ອງ​ກັນ​ຊາດ​ຂອງ​ສະ​ຫະ​ລັດ, ທ່ານ ແພັດ ຊາ​ນາ​ຮານ (Pat Shanahan) ໄດ້​ໄປ​ເຖິງ​ອັ​ຟ​ກາ​ນິ​ສ​ຖານ​ໃນ​ວັນ​ຈັນ​ມື້ນີ້ ເພື່ອ​ພົບ​ປະກັບ​ບັນ​ດາ​ຜູ້​ນຳ​ຂອງ​ອັ​ຟ​ກາ​ນິ​ສ​ຖານ ແລະ​ພວກ​ຜູ້​ບັນ​ຊາ​ການ​ຂອງ​ສະ​ຫະ​ລັດ.

ການ​ຢ້ຽມ​ຢາມ​ດັ່ງ​ກ່າວ​ມີ​ຂຶ້ນ​ໃນ​ຂະ​ນະ​ທີ່​ພວກ​ນັກ​ເຈ​ລະ​ຈາ​ກຳ​ລັງ​ປະ​ຕິ​ບັດ​ງານ​ຮ່ວມ​ກັນໃຫ້​ກ້າວ​ໄປ​ບັນ​ລຸ​ຂໍ້​ຕົກ​ລົງ​ສັນ​ຕິ​ພາບ​ສຳ​ລັບ​ສົງ​ຄາມ​ທີ່​ເລີ້ມ​ຕົ້ນ​ມາ​ແຕ່​ປີ 2001 ນັ້ນໄດ້.

ທ່ານ ຊາ​ນາ​ຮານ (Shanahan) ໄດ້ກ່າວ​ຕໍ່​ພ​ວກ​ນັກ​ຂ່າວ​ທີ່​ເດີນ​ທາງ​ໄປ​ກັບ​ທ່ານວ່າ ທ່ານ​ຢາກ​ກ່າວ​ເນັ້ນໜັກ​ ໃຫ້​ພວກ​ເຈົ້າ​ໜ້າ​ທີ່​ອັ​ຟ​ກາ​ນິ​ສ​ຖານຮູ້​ເຖິງ​ຄວາມ​ສຳ​ຄັນ​ຂອງ​ການ​ມີ​ສ່ວນ​ກ່ຽວ​ຂ້ອງ​ກັບ​ການ​ສົນ​ທະ​ນາ​ກ່ຽວ​ກັບ​ສິ່ງ​ທີ່​ເກີດ​ຂຶ້ນ​ໃນ​ປະ​ເທດ​ຂອງ​ເຂົາ​ເຈົ້າ​.

ທ່ານ​ເວົ້າ​ວ່າ "ສະ​ຫະ​ລັດ​ໄດ້​ລົງ​ທຶນ​ເປັນ​ຈຳ​ນວນ​ຫລວງ​ຫລາຍດ ​ຫລາຍ​ອີ່​ຫລີ ​ເຂົ້າ​ໃນ​
ການ​ຮັບ​ປະ​ກັນ​ດ້ານ​ຄວາມ​ໝັ້ນ​ຄົງ​ຂອງ​ປະ​ເທດ ແຕ່​ວ່າ ປະ​ຊາ​ຊົນ​ອັ​ຟ​ກາ​ນິ​ສ​ຖານຕ້ອງ
​ເປັນ​ຜູ້​ຕັດ​ສິນ​ໃຈ​ເອົາ​ເອງ ​ກ່ຽວ​ກັບ​ອະ​ນາ​ຄົດ​ຂອງ​ພວກ​ເຂົາ​ເຈົ້າ.” ລັດ​ຖະ​ບານ​ຂອງ​ປະ
​ທາ​ນາ​ທິ​ບໍ​ດີອາ​ຊ​ຣັ​ຟ ກາ​ນີ (Ashraf Ghani) ບໍ່​ໄດ້​ມີ​ສ່ວນ​ຮ່ວມ ​ກັບ​ການ​ພົບ​ປະເຈ​ລະ​
ຈາ​ກັນ ​ລະ​ຫວ່າງທ່ານ ຊາ​ລ​ເມຄາ​ລີ​ລ​ຊາດ (Zalmay Khalilzad), ທູດ​ພິ​ເສດ​ຂອງ​ສະ
​ຫະ​ລັດ ກັບ​ກຸ່ມ​ຕາ​ລີ​ບານ ທີ່​ກຳ​ລັງ​ດຳ​ເນີນ​ໄປ​ຢູ່​ໃນ​ເວ​ລານີ້.

ທ່ານ ຊາ​ລ​ເມ ຄາ​ລີ​ລ​ຊາດ, ທູດ​ພິ​ເສດ​ຂອງ​ສະ​ຫະ​ລັດ ທີ່​ນຳ​ພາ​ການ​ເຈ​ລະ​ຈາກັບ​ກຸ່ມ​ຕາ​ລີ​ບານ
ທ່ານ ຊາ​ລ​ເມ ຄາ​ລີ​ລ​ຊາດ, ທູດ​ພິ​ເສດ​ຂອງ​ສະ​ຫະ​ລັດ ທີ່​ນຳ​ພາ​ການ​ເຈ​ລະ​ຈາກັບ​ກຸ່ມ​ຕາ​ລີ​ບານ

​ທ່ານຄາ​ລີ​ລ​ຊາດ (Khalilzad) ກ່າວ​ໃນ​ອາ​ທິດ​ແລ້ວນີ້​ວ່າ ທ່ານ​ເຊື່ອ​ວ່າ ອາດ​ຈະ​ສາ​ມາດ​ບັນ​ລຸ​ສັນ​ຍາ​ສັນ​ຕິ​ພາບໄດ້ ກ່ອນການ​ເລືອກ​ຕັ້ງ​ປະ​ທາ​ນາ​ທິ​ບໍ​ດີ​ຂອງ ​ອັ​ຟ​ກາ​ນິສຖານ ​ທີ່​ຈະ​ຈັດ​ຂຶ້ນ ໃນ​ເດືອນກໍ​ລະ​ກົດ​ນີ້​. ທ່ານ ແລະ​ທີມ​ງານ​ຂອງ​ເພິ່ນ ມີ​ກຳ​ນົດ​ທີ່​ຈະ​ພົບ​ກັບ​ກຸ່ມ​ຕາ​ລີ​ບານ​ອີກ ​ໃນ​ປະ​ເທດກາ​ຕາ​ ໃນ​ວັນ​ທີ 25 ກຸມ​ພາ​ຈະ​ມາ​ເຖິງນີ້ ເພື່ອ​ສົນ​ທະ​ນາເຈ​ລະ​ຈາ​ກັນ​ອີກ.

ທ່ານ ຊາ​ນາ​ຮານ (Shanahan) ເວົ້າ​ວ່າ ທໍ​ານຽບ​ຫ້າ​ແຈ ກຳ​ລັງ "ມີ​ບົດ​ບາດ​ອັນ​ສຳ​ຄັນ​ຫລາຍ​ທີ່​ສຸດ ​ໃນ​ການ​ເອື້ອ​ອຳ​ນວຍ​ໃຫ້​ມີການເຈ​ລະ​ຈາ​ທີ່ປິ່ນ​ອ້ອມ​ການ​ສົນ​ທະ​ນາ​ກັນ​ກ່ຽວ​ກັບ​ໂຄງ​ສ້າງ​ນັ້ນ, "ແລະ​ກຳ​ລັງ​ດຳ​ເນີນ​ງານ​ຢ່າງ​ໃກ້​ຊິດ​ກັບ​ທ່ານ ໄມ​ຄ໌ ພອມ​ພຽວ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ສະ​ຫະ​ລັດ ແລະ​ທ່ານ ຈອນ ໂບ​ລ​ຕັນ, ທີ່​ປຶກ​ສາ​ດ້ານ​ຄວາມ​ໝັ້ນ​ຄົງ​ຂອງ​ຊາດຢູ່.

ທ່ານ ຊາ​ນາ​ຮານ (Shanahan) ກ່າວ​ຕໍ່​ນັກ​ຂ່າວ​ວ່າ "ດຽວນີ້ ພວກ​ເຂົາ​ເຈົ້າ​ຢູ່​ໃນ​ຂັ້ນ​ທີ່​ວ່າ ມີ​ຫຍັງ​ແດ່ ​ທີ່​ສາ​ມາດ​ເປັນ​ໄປ​ໄດ້ ແລະ​ຝ່າຍ​ໃດ ​ຄວນ​ໂອ້​ລົມ​ກັບ​ໃຜ.?

ທ່ານ​ຍັງ​ເວົ້າ​ວ່າ ທ່ານບໍ່​ໄດ້​ຮັບ​ຄຳ​ສັ່ງ​ວ່າ ໃຫ້​ຫລຸດ​ຈຳ​ນວນ​ທະ​ຫານ​ສະ​ຫະ​ລັດ​ທີ່​ປະ​ຈຳ​ຢູ່​ອັ​ຟ​ກາ​ນິ​ສ​ຖານລົງ​ເທື່ອ.

ອ່ານ​ຂ​່າວນີ້​ເພີ້ມ​ເປັນ​ພາ​ສາ​ອັງ​ກິດ

XS
SM
MD
LG