ກອງທັບສະຫະລັດໃນອັຟການີສຖານ ກ່າວວ່າຕົນໄດ້ຢຸດການເຝິກແອບຕໍາຫຼວດທ້ອງຖິ່ນໄວ້ຊົ່ວຄາວ ເພື່ອສອບປະວັດຂອງພວກຕໍາຫລວດຈຸປັດຈຸບັນ ຫຼັງຈາກໄດ້ມີການໂຈມຕີຫຼາຍບັ້ນໂດຍທະຫານແລະຕໍາຫຼວດອັຟກາ ນີສຖານ ຕໍ່ພວກທະຫານພັນທະມິດນານາຊາດນັ້ນ.
ທະຫານນານາຊາດຖືກສັງຫານ 45 ຄົນ ໃນຄື້ນຟອງການໂຈມຕີພາຍໃນ ກຸ່ມດຽວກັນໃນອັຟການີສຖານໃນປີນີ້ ທີ່ກໍ່ໃຫ້ເກີດຄວາມລະແວງສົງໄສໃນຄວາມສາມາດຂອງກໍາລັງທະຫານອັຟການີສຖານແລະກໍາລັງປະສົມ ທີ່ຈະຢູ່ນໍາກັນແລະປະຕິບັດງານຮ່ວມກັນໄດ້ ໃນລະຫວ່າງຊ່ວງຫົວລ້ຽວຫົວຕໍ່ ຂອງການໂອນການຮັກສາຄວາມປອດໄພໄປໃຫ້ຝ່າຍອັຟການີສຖານນັ້ນ. ກໍາລັງຂອງນານາຊາດມີກໍານົດທີ່ຈະໂອນຄວາມຮັບຜິດຊອບການຮັກສາຄວາມປອດໄພ ໄປໃຫ້ກອງທັບອັຟການີສຖານ ພາຍໃນທ້າຍປີ 2014.
ພັນເອກ Thomas Collins ໂຄສົກກອງທັບສະຫະລັດໃນອັຟການີສຖານ ກ່າວໃນຖະແຫຼງ
ການສະບັບນຶ່ງໃນວັນອາທິດມື້ນີ້ ວ່າ ການໂຈະການເຝິກແອບໄວ້ນີ້ ແມ່ນກະທົບ ພວກຮັບການເຝິກແອບປະມານ 1,000 ຄົນ ໃນໜ່ວຍຕໍາຫຼວດທ້ອງຖິ່ນ.
ສ່ວນກໍາລັງຕໍາຫຼວດທ້ອງຖິ່ນ ທີ່ໄດ້ຖືກເຝິກແອບແລ້ວນັ້ນ ຈະດໍາເນີນການປະຕິບັດງານສືບຕໍ່ໄປ.
ໜັງສືພິມວໍຊິງຕັນໂພສ ລາຍງານວ່າ ການດໍາເນີນການກວດສອບປະວັດຄືນໃໝ່ ຈະກະທົບ
ທະຫານອັຟການີສຖານຫຼາຍກວ່າ 27,000 ຄົນ ໂຮມທັງກອງທັບແຫ່ງຊາດອັຟການີສຖານ ແລະ ຕໍາຫຼວດແຫ່ງຊາດອັຟການີສຖານ.
ໜັງສືພິມນີ້ລາຍງານໃນວັນເສົາວານນີ້ວ່າ ການໂຈມຕີຢູ່ພາຍໃນກຸ່ມດຽວກັນ ໄດ້ບັງຄັບໃຫ້ເຈົ້າໜ້າທີ່ເນໂຕ້ຍອມຮັບໃນສິ່ງທີ່ໜັງສືພິມວໍຊິງຕັນໂພສ ເວົ້າວ່າ ຄວາມເປັນຈິງທີ່ເຈັບປວດທີ່ສຸດ. ນັ້ນກໍຄືວ່າ ການສັງຫານອາດປ້ອງກັນໄດ້ ຖ້າຫາກວ່າມາດຕະການຄວາມປອດໄພທີ່ມີຢູ່ນັ້ນ ໄດ້ຖືກນໍາໃຊ້ປະຕິບັດຢ່າງຖືກຕ້ອງ.
ກອງທັບສະຫະລັດໃນອັຟການີສຖານ ເປັນຜູ້ເຝິກແອບຕໍາຫຼວດທ້ອງຖິ່ນອັຟການີສຖານ.
ສ່ວນເນໂຕ້ນັ້ນ ເປັນຜູ້ຮັບຜິດຊອບການເຝິກແອບພວກທີ່ເກນໄປເປັນ ທະຫານກອງທັບແຫ່ງຊາດອັຟການີສຖານ ແລະຕໍາຫຼວດແຫ່ງຊາດອັຟການີສຖານ ຊຶ່ງເນໂຕ້ບໍ່ໄດ້ໂຈະ ການເຝິກແອບຂອງຕົນໄວ້.
ໜັງສືພິມ Washington Post ລາຍງານຕໍ່ໄປວ່າ ຫລັກຊີ້ນໍາທາງທະຫານຫຼາຍຢ່າງ
ບໍ່ໄດ້ຖືກຍຶດຖືໂດຍທັງຝ່າຍອັຟການີສຖານ ແລະອາເມຣິກັນ ຍ້ອນວ່າ ພວກເຂົາເຈົ້າບໍ່ຢາກຂັດຂວາງການເຕີບໂຕຂອງກອງທັບແລະຕໍາຫຼວດຂອງອັຟການີສຖານ.
ບັນດາເຈົ້າໜ້າທີ່ກໍາລັງລົບພິເສດກ່າວວ່າ ຂັ້ນຕອນການກວດສອບປະວັດໃນປັດຈຸບັນນີ້ ມີປະສິດທິຜົນດີຢູ່ ແຕ່ກໍຍັງບົກຜ່ອງໃນເລື້ອງການຕິດຕາມເບິ່ງ ເພື່ອຈະຄັດອອກພວກທະຫານອັຟການີສຖານ ທີ່ຕົກຢູ່ພາຍໃຕ້ອິດທິພົນຂອງພວກກຸ່ມກະບົດ ຫຼືພວກທີ່ເກີດເຂົ້າໃຈຜິດກັບລັດຖະບານອັຟການີສຖານ.
ທະຫານນານາຊາດຖືກສັງຫານ 45 ຄົນ ໃນຄື້ນຟອງການໂຈມຕີພາຍໃນ ກຸ່ມດຽວກັນໃນອັຟການີສຖານໃນປີນີ້ ທີ່ກໍ່ໃຫ້ເກີດຄວາມລະແວງສົງໄສໃນຄວາມສາມາດຂອງກໍາລັງທະຫານອັຟການີສຖານແລະກໍາລັງປະສົມ ທີ່ຈະຢູ່ນໍາກັນແລະປະຕິບັດງານຮ່ວມກັນໄດ້ ໃນລະຫວ່າງຊ່ວງຫົວລ້ຽວຫົວຕໍ່ ຂອງການໂອນການຮັກສາຄວາມປອດໄພໄປໃຫ້ຝ່າຍອັຟການີສຖານນັ້ນ. ກໍາລັງຂອງນານາຊາດມີກໍານົດທີ່ຈະໂອນຄວາມຮັບຜິດຊອບການຮັກສາຄວາມປອດໄພ ໄປໃຫ້ກອງທັບອັຟການີສຖານ ພາຍໃນທ້າຍປີ 2014.
ພັນເອກ Thomas Collins ໂຄສົກກອງທັບສະຫະລັດໃນອັຟການີສຖານ ກ່າວໃນຖະແຫຼງ
ການສະບັບນຶ່ງໃນວັນອາທິດມື້ນີ້ ວ່າ ການໂຈະການເຝິກແອບໄວ້ນີ້ ແມ່ນກະທົບ ພວກຮັບການເຝິກແອບປະມານ 1,000 ຄົນ ໃນໜ່ວຍຕໍາຫຼວດທ້ອງຖິ່ນ.
ສ່ວນກໍາລັງຕໍາຫຼວດທ້ອງຖິ່ນ ທີ່ໄດ້ຖືກເຝິກແອບແລ້ວນັ້ນ ຈະດໍາເນີນການປະຕິບັດງານສືບຕໍ່ໄປ.
ໜັງສືພິມວໍຊິງຕັນໂພສ ລາຍງານວ່າ ການດໍາເນີນການກວດສອບປະວັດຄືນໃໝ່ ຈະກະທົບ
ທະຫານອັຟການີສຖານຫຼາຍກວ່າ 27,000 ຄົນ ໂຮມທັງກອງທັບແຫ່ງຊາດອັຟການີສຖານ ແລະ ຕໍາຫຼວດແຫ່ງຊາດອັຟການີສຖານ.
ໜັງສືພິມນີ້ລາຍງານໃນວັນເສົາວານນີ້ວ່າ ການໂຈມຕີຢູ່ພາຍໃນກຸ່ມດຽວກັນ ໄດ້ບັງຄັບໃຫ້ເຈົ້າໜ້າທີ່ເນໂຕ້ຍອມຮັບໃນສິ່ງທີ່ໜັງສືພິມວໍຊິງຕັນໂພສ ເວົ້າວ່າ ຄວາມເປັນຈິງທີ່ເຈັບປວດທີ່ສຸດ. ນັ້ນກໍຄືວ່າ ການສັງຫານອາດປ້ອງກັນໄດ້ ຖ້າຫາກວ່າມາດຕະການຄວາມປອດໄພທີ່ມີຢູ່ນັ້ນ ໄດ້ຖືກນໍາໃຊ້ປະຕິບັດຢ່າງຖືກຕ້ອງ.
ກອງທັບສະຫະລັດໃນອັຟການີສຖານ ເປັນຜູ້ເຝິກແອບຕໍາຫຼວດທ້ອງຖິ່ນອັຟການີສຖານ.
ສ່ວນເນໂຕ້ນັ້ນ ເປັນຜູ້ຮັບຜິດຊອບການເຝິກແອບພວກທີ່ເກນໄປເປັນ ທະຫານກອງທັບແຫ່ງຊາດອັຟການີສຖານ ແລະຕໍາຫຼວດແຫ່ງຊາດອັຟການີສຖານ ຊຶ່ງເນໂຕ້ບໍ່ໄດ້ໂຈະ ການເຝິກແອບຂອງຕົນໄວ້.
ໜັງສືພິມ Washington Post ລາຍງານຕໍ່ໄປວ່າ ຫລັກຊີ້ນໍາທາງທະຫານຫຼາຍຢ່າງ
ບໍ່ໄດ້ຖືກຍຶດຖືໂດຍທັງຝ່າຍອັຟການີສຖານ ແລະອາເມຣິກັນ ຍ້ອນວ່າ ພວກເຂົາເຈົ້າບໍ່ຢາກຂັດຂວາງການເຕີບໂຕຂອງກອງທັບແລະຕໍາຫຼວດຂອງອັຟການີສຖານ.
ບັນດາເຈົ້າໜ້າທີ່ກໍາລັງລົບພິເສດກ່າວວ່າ ຂັ້ນຕອນການກວດສອບປະວັດໃນປັດຈຸບັນນີ້ ມີປະສິດທິຜົນດີຢູ່ ແຕ່ກໍຍັງບົກຜ່ອງໃນເລື້ອງການຕິດຕາມເບິ່ງ ເພື່ອຈະຄັດອອກພວກທະຫານອັຟການີສຖານ ທີ່ຕົກຢູ່ພາຍໃຕ້ອິດທິພົນຂອງພວກກຸ່ມກະບົດ ຫຼືພວກທີ່ເກີດເຂົ້າໃຈຜິດກັບລັດຖະບານອັຟການີສຖານ.
