ສະພາສູງສະຫະລັດໄດ້ຮັບຮອງເອົາທ່ານ James Cunningham ໃຫ້ເປັນເອກອັກຄະລັດຖະທູດສະຫະລັດປະຈໍາອັຟການີສຖານຄົນຕໍ່ໄປ.
ທ່ານ Cunningham ຊຶ່ງປັດຈຸບັນມີຕໍາແໜ່ງເປັນຮອງເອກອັກຄະລັດຖະ ທູດປະຈໍາເມືອງຫຼວງກາບູນຂອງອັຟການີສຖານ ແລະເຄີຍດໍາລົງຕໍາແໜ່ງ ເອກອັກຄະລັດຖະທູດສະຫະລັດປະຈໍາອີສຣາແອລ. ນອກນີ້ແລ້ວ ທ່ານ Cunningham ຍັງເຄີຍໄດ້ຮັບຕໍາແໜ່ງນັກການທູດລະດັບສູງທີ່ຮ່ອງກົງ ແລະອົງການສະຫະປະຊາຊາດມາແລ້ວ.
ທ່ານ Cunningham ຈະໄປແທນທ່ານ Ryan Crocker ເອກອັກຄະລັດຖະທູດສະຫະລັດປະຈໍາອັຟການີສຖານ ຊຶ່ງທ່ານ Crocker ຈະປົດ ກະສຽນອອກກິນເບ້ຍບໍານານ ຫຼັງຈາກໄດ້ຮັບໃຊ້ໜ້າທີ່ທາງການທູດທີ່ສໍາ ຄັນແລະໄດ້ດົນນານ ຢູ່ໃນສະຖານທູດແຫ່ງຕ່າງໆຂອງສະຫະລັດ ເຊັ່ນ ໃນອິຣັກ ປາກີສຖານ ຊີເຣຍ ຄູເວດ ແລະເລບານອນ.