ລິ້ງ ສຳຫລັບເຂົ້າຫາ

ທະຫານສະຫະລັດຄົນນຶ່ງ ຖືກຕັດສິນໂທດ ຈໍາຄຸກ 3 ປີ

  • ສິງ ບູຣົມມະວົງ

ນາຍ Adam Winfield ທະຫານສະຫະລັດທີ່ຖືກຕັດສິນໂທດຈໍາຄຸກ 3 ປີ ຖານມີຄວາມຜິດສັງຫານພວກພົນລະເຮືອນ ອັຟການີສຖານ ວັນທີ 6 ສິງຫາ 2011

ບັນດາ​ເຈົ້າ​ໜ້າ​ທີ່​ກອງທັບສະຫະລັດ​ກ່າວ​ວ່າ ທະຫານ​ຄົນ​ນຶ່ງ​ທີ່​ຖືກ​ກ່າວ​ຫາ​ຖານ​ທໍາ​ການ​
ສັງຫານ​ພວກ​ພົນລະ​ເຮືອນ​ອັຟກາ​ນີສຖານ​ຈໍານວນ​ນຶ່ງ​ນັ້ນ ​ໄດ້​ຖື​ກຕັດສິນ​ລົງ​ໂທດ​ໃຫ້​ຈໍາ
ຄຸກ 3 ປີ. ​ໄດ້​ມີ​ການ​ປະກາດ​ຄໍາ​ຕັດສິນ​ນີ້​ໃຫ້​ຮູ້​ໃນ​ວັນ​ສຸກ​ວານ​ນີ້ ​ໃນ​ການ​ດໍາ​ເນີນ​ຄະດີ​
ນາຍ Adam Winfield ໜ່ວຍ​ລົບ​ພິ​ເສດ ໃນ​ສານ​ທະຫານ​ແຫ່ງ​ນຶ່ງທີ່​ຖານ​ທັບ Lewis
-McChord ທີ່ລັດວໍຊິງຕັນ ໃນພາກຕາເວັນຕົກສຽງເໜືອຂອງສະຫະລັດ.

ນາຍ Winfield ໄວ 23 ປີ ຍອມຮັບສາລະພາບຜິດໃນຂໍ້ກ່າວຫາຖານຂ້າຄົນໂດຍບໍ່ເຈດ
ຕະນາ ແລະໃຊ້ຢາເສບຕິດ. ນາຍ Winfieldໄດ້ຖືກຫລຸດຊັ້ນລົງມາເປັນພົນທະຫານລ້າ ແລະໄດ້ຖືກໄລ່ອອກຈາກກອງທັບໃນຖານປະຕິບັດໜ້າທີ່ບໍ່ດີ.

ນາຍ Winfield ເປັນນຶ່ງໃນບັນດາທະຫານ 5 ຄົນ ໃນໜ່ວຍທະຫານລາບຈຸນຶ່ງປະຈໍາກອງ
ພົນນ້ອຍທີ່ເອີ້ນກັນວ່າ Stryker Brigade ຊຶ່ງທໍາອິດຖືກກ່າວຫາວ່າ ທໍາການຄາດຕະກໍາ
ພົນລະເຮືອນອັຟການີສຖານ 3 ຄົນ ຊຶ່ງພວກໄອຍະການກ່າວວ່າ ເບິ່ງຄືກັບພວກທີ່ໄດ້ເສຍ
ຊີວິດໃນການສູ້ລົບກັນນັ້ນ.

ນາຍ Winfield ກ່າວວ່າລາວຖືກກົດດັນໃຫ້ເຂົ້າຮ່ວມໃນການຄາດຕະກໍາບຸກຄົນເຫລົ່ານີ້.
ແຕ່ພວກໄອຍະການກ່າວວ່າ ນາຍ Winfield ໄດ້ຖືກກ່າຫາວ່າເປັນຫົວໜ້າໃນການສັງ
ຫານຄັ້ງນີ້. ສ່ວນສີບເອກ Calvin Gibbs ຍັງຖືກຄຸມຂັງໄວ້ຢູ່ແລະປະເຊີນກັບການດໍາ
ເນີນຄະດີໃນສານທະຫານໃນທ້າຍປີນີ້.

XS
SM
MD
LG