ປະທານາທິບໍດີອັຟການິສຖານ ທ່ານຮາມິດ ກາໄຊ
ປະນາມການແຜ່ແບເອກກະສານລັບທາງທະຫານຂອງ
ສະຫະລັດ ທີ່ທ່ານເວົ້າວ່າຈະເປັນອັນຕະລາຍຕໍ່ຊີວິດ
ຂອງພວກທີ່ໃຫ້ການຊ່ອຍເຫຼືອແກ່ກຳລັງນາໆຊາດຢູ່ໃນ
ອັຟການິສຖານ.
ໃນການຖະແຫຼງທີ່ນະຄອນຫຼວງກາບູລໃນວັນພະຫັດມື້ນີ້
ທ່ານກາໄຊເອີ້ນການແຜ່ແບເອກກະສານລັບນັ້ນວ່າ ເປັນ
ການກະທຳທີ່ຂາດຄວາມຮັບຜິດຊອບແລະໜ້າຕື່ນຕົກໃຈ
ແລະທ່ານເວົ້າວ່າ ເວລານີ້ ຊີວິດຂອງພວກທີ່ມາແຈ້ງຂ່າວ
ກຳລັງຕົກຢູ່ໃນອັນຕະລາຍ.
ເອກກະສານລັບກ່ຽວກັບການເຮັດສົງຄາມຢູ່ໃນອັຟການິສຖານໄດ້ຖືກນໍາອອກພິມເຜີຍ
ແຜ່ໂດຍເວັບໄຊທ໌ WIKILEAKS ໃນມື້ວັນອາທິດຜ່ານມາ.
ເຈົ້າຂອງເວັບໄຊທ໌ນີ້ເວົ້າວ່າ ກຸ່ມຂອງລາວໄດ້ກວດເບິ່ງເອກກະສານເຫລົ່ານັ້ນແລ້ວ
ວ່າມີຊື່ຂອງພວກແຈ້ງຂ່າວຫລືບໍ່? ແລະບໍ່ໄດ້ນໍາອອກພິມເຜີຍແຜ່ຫລາຍກວ່າ 15,000
ໜ້າ ເພາະມີຊື່ພວກແຈ້ງຂ່າວ.
ນອກນັ້ນ ເຈົ້າໜ້າທີ່ສະຫະລັດກໍໄດ້ເວົ້າວ່າ ການພິມເຜີຍແຜ່ເອກກະສານລັບໂດຍບໍ່
ໄດ້ຮັບອະນຸຍາດດັ່ງກ່າວອາດເຮັດໃຫ້ຜູ້ຄົນຕົກຢູ່ໃນອັນຕະລາຍຫຼືສ້າງຄວາມເສຍ
ຫາຍໃຫ້ແກ່ການປະຕິບັດງານທາງທະຫານ.
