ບັນດາຜູ້ສະໜັບສະໜູນນະໂຍບາຍສະຫະລັດ ທີ່ໜູນຫຼັງລັດຖະບານປະທານາທິບໍດີ
ດໍໂນລ ທຣຳ ທີ່ກັບຄືນໄປລົງໂທດດ້ານພະລັງງານ ແລະຂະແໜງການທະນາຄານ
ຂອງອີຣ່ານ ກ່າວວ່າ ມີຫຼາຍທິດທາງ ທີ່ສະຫະລັດອາດຈະລົງໂທດ ໜັກຂື້ນກວ່າເກົ່າ.
ບັນດາເຈົ້າໜ້າທີ່ສະຫະລັດໄດ້ກັບມາລົງໂທດອີ່ຣ່ານດ້ານພະລັງງານ ແລະຂະແໜງ
ທະນາຄານຕ່າງໆຄືນໃໝ່ ໃນວັນຈັນທີ່ຜ່ານມາ ຊຶ່ງແຕ່ກ່ອນໄດ້ຖືກຍົກເລີກໄປພາຍ
ໃຕ້ຂໍ້ຕົກລົງນິວເຄລຍອີຣ່ານປີ 2015 ກັບລັດຖະບານຊຸດ
ກ່ອນຂອງປະທານາທິບໍດີໂອບາມາ ແລະອີກຫ້າປະເທດມະຫາອຳນາດ. ໃນການກ່າວ
ຕໍ່ລະບົບໂທລະພາບສະຫະລັດ ລາຍການທຸລະກິດຟ້ອກສ໌ ໃນວັນດຽວກັນນັ້ນ ທີ່ປຶກ
ສາດ້ານຄວາມປອດໄພແຫ່ງຊາດ ທ່ານຈອນ ບອລຕັນ ເວົ້າວ່າ ມີການລົງໂທດເພີ້ມຂຶ້ນ
ທີ່ຈະຕິດຕາມມາ. ທ່ານບອລຕັນ ກ່າວວ່າ “ພວກເຮົາບໍ່ພຽງແຕ່ຈະກ່າວເຖິງລະດັບການ
ລົງໂທດທີ່ມີຢູ່ແລ້ວ ພາຍໃຕ້ລັດຖະບານໂອບາມາໃນປີ 2015.
ລັດຖະບານປະທານາທິບໍດີທຣຳ ກ່າວວ່າຕົນຈະໃຊ້ການລົງໂທດເພື່ອພະຍາຍາມ
ກົດດັນອີຣ່ານໃຫ້ເຂົ້າສູ່ການເຈລະຈາໃນຂໍ້ຕົກລົງໃໝ່ ທີ່ຈະສິ້ນສຸດຢາງຖາວອນ
ອັນທີ່ສະຫະລັດເຫັນວ່າ ຄວາມກະຕືລືລົ້ນຢາກມີອາວຸດນິວຄເລຍຂອງອີຣ່ານ ແລະ
ກິດຈະການອັນຕະລາຍອື່ນໆ. ອີຣ່ານໄດ້ປະຕິເສດ ວ່າຕົນບໍ່ໄດ້ສະແຫວງຫາອາວຸດ
ນິວຄເລຍໃດໆ.
ໃນການໃຫ້ສຳພາດກັບວີໂອເອພະແນກພາສາເປີເຊຍໃນວັນອັງຄານວານນີ້ໃນວໍຊິງ
ຕັນ ຫົວໜ້າບໍລິຫານ ພື້ນຖານການປ້ອງກັນປະຊາທິປະໄຕ ທ່ານມາຣກ໌ ດູໂບວິຕສ໌
ກ່າວວ່າ ເພິ່ນເຊື່ອວ່າຮອບຕໍ່ໄປ ຂອງການລົງໂທດຂອງສະຫະລັດ ຈະແນເປົ້າໝາຍ
ໃສ່ໜ່ວຍພິທັກປະຕິວັດອີ່ຣ່ານ ຫຼື IRGC ແລະບົດບາດ ການຄອບງຳຢູ່ໃນເສດຖະ
ກິດອີ່ຣ່ານ. ທ່ານກ່າວວ່າ “ເຂົາເຈົ້າຈະຕາມຫາບັນດາບໍລິສັດຕ່າງໆທີ່ຄ້າຂາຍກັບ
ຕະຫຼາດຮຸ້ນແລກປ່ຽນອີ່ຣ່ານ ແລະຄວບຄຸມໂດຍ IRGC ຫຼືກຳລັງຕິດອາວຸດ. ເຂົາ
ເຈົ້າຍັງຈະຕິດຕາມໄປຫາບັນດາບໍລິສັດໃຫຍ່ໆຂອງຜູ້ນຳສູງສຸດ ອີ່ຣ່ານ (ອາຢາ
ໂຕລລາ ອາລີ ຄາເມນີ).” ທ່ານດູໂບວິສ ເປັນທີ່ປຶກສາໃຫ້ລັດຖະບານປະທານາ
ທິບໍດີທຣຳ ກ່ຽວກັບອີ່ຣ່ານ.
