ລັດຖະມົນຕີກະຊວງຮັກສາຄວາມປອດໄພພາຍໃນຂອງສະຫະລັດ ທ່ານນາງ Janet Na-
politano ກ່າວວ່າບໍ່ມີລາຍງານຂ່າວກອງທີ່ໜ້າເຊື່ອຖືໄດ້ທີ່ວ່າກຸ່ມກໍ່ການຮ້າຍອາລກາຍດາ ຫຼືເຄືອຂ່າຍຂອງກຸ່ມດັ່ງກ່າວພວມວາງແຜນທຳການໂຈມຕີສະຫະລັດ ເນື່ອງໃນໂອກາດວັນ
ຄົບຮອບ 10 ປີ ທີ່ພວກກໍ່ການຮ້າຍໄດ້ໂຈມຕີສະຫະລັດໃນວັນທີ 11 ກັນຍາປີ 2001.
ແຕ່ທ່ານນາງ Napolitano ເວົ້າວ່າ ພວກເຈົ້າໜ້າທີ່ຍັງສືບຕໍ່ດຳເນີນງານ ໃນສະພາບທີ່ມີ
ຄວາມລະມັດລະວັງສູງຂຶ້ນ. ຖະແຫຼງການຂອງທ່ານນາງໃນມື້ວັນສຸກວານນີ້ກ່າວວ່າ ມີການ
ເອົາມາດຕະການຈຳນວນນຶ່ງເພື່ອສືບຫາແລະປ້ອງກັນການວາງແຜນກໍ່ການຮ້າຍຕໍ່ສະຫະລັດ
ຖ້າເຫດການເຫຼົ່ານີ້ຫາກປາກົດຂຶ້ນ.
ຂະນະດຽວກັນ ລັດຖະບານສະຫະລັດ ໄດ້ເຕືອນຊາວອະເມຣິກັນຢູ່ໃນຕ່າງປະເທດ ໃຫ້ມີ
ຄວາມລະມັດລະວັງ.
ກະຊວງການຕ່າງປະເທດສະຫະລັດ ໄດ້ອອກຄຳເຕືອນກ່ຽວກັບການເດີນທາງ ຢູ່ໃນທົ່ວ
ໂລກ ໃນມື້ວັນສຸກວານນີ້ ໃຫ້ຊາວອະເມຣິກັນທີ່ພວມຢູ່ໃນລະຫວ່າງການເດີນທາງຫຼືອາ ໄສຢູ່ໃນຕ່າງປະເທດມີຄວາມລະມັດລະວັງກ່ຽວກັບອັນທີ່ກະຊວງຕ່າງປະເທດເອີ້ນວ່າໄພ ຂົ່ມຂູ່ທີ່ຍັງດຳເນີນຢູ່ຕໍ່ມາຂອງກຸ່ມກໍ່ການຮ້າຍອາລກາຍດານັ້ນ.
ກະຊວງການຕ່າງປະເທດສະຫະລັດ ເວົ້າວ່າ ຕົນບໍ່ໄດ້ລະບຸກ່ຽວກັບການຂົ່ມຂູ່ ທີ່ສະເພາະ
ເຈາະຈົງໃດນຶ່ງແຕ່ກໍເວົ້າວ່າຊາວອະເມຣິກັນຄວນຮູ້ສຶກດີວ່າ ເຄືອຂ່າຍຂອງກຸ່ມກໍ່ການຮ້າຍ
ອາລກາຍດາໄດ້ສະແດງໃຫ້ເຫັນເຖິງຄວາມຕັ້ງໃຈ ແລະມີຄວາມສາມາດທີ່ຈະທຳການໂຈມ
ຕີຕໍ່ສະຫະລັດແລະຜົນປະໂຍດຂອງສະຫະລັດຢູ່ໃນທົ່ວໂລກໄດ້. ຖະແຫຼງການດັ່ງກ່າວຍັງ
ເວົ້າວ່າ ບັນດາອົງການກໍ່ການຮ້າຍ ເຄີຍວາງແຜນໂຈມຕີມາກ່ອນ ເນື່ອງໃນໂອກາດວັນສຳ
ຄັນໆຕ່າງໆ.
