ກະຊວງຕ່າງປະເທດສະຫະລັດ ກ່າວວ່າ ການໂຈມຕີຂອງພວກ
ກໍ່ການຮ້າຍ ຢູ່ທົ່ວໂລກເພີ້ມຂື້ນ 35 ເປີເຊັນໃນປີ 2014 ພ້ອມ
ດ້ວຍການເສຍຊີວິດທີ່ເພີ້ມຂຶ້ນ 81 ເປີເຊັນ ສ່ວນໃຫຍ່ແມ່ນມາ
ຈາກກິດຈະກຳກໍ່ການຮ້າຍຢູ່ໃນອີຣັກ ອັຟການິສຖານແລະໄນ
ຈີເຣຍ.
ກະຊວງຕ່າງປະເທດກ່າວຢູ່ໃນລາຍງານປະຈຳປີຂອງຕົນກ່ຽວ
ກັບການກໍ່ການຮ້າຍ ຢູ່ໃນທົ່ວໂລກ ທີ່ນຳອອກເຜີຍແຜ່ ໃນວັນ
ສຸກວານນີ້ ວ່າ “ໃນປີ 2014 ມີ ການໂຈມຕີກໍ່ການຮ້າຍທັງໝົດ
ຢູ່ໃນທົ່ວໂລກ 13,463 ຄັ້ງ ອັນເປັນຜົນ ເຮັດໃຫ້ຫລາຍກວ່າ
32,700 ຄົນເສຍຊີວິດ ແລະຫຼາຍກວ່າ 34,700 ໄດ້ຮັບບາດ
ເຈັບ”
ລາຍງານກ່າວວ່າ ການເສຍຊີວິດເພີ້ມຂຶ້ນແມ່ນເກີດຂື້ນຈາກການໂຈມຕີທີ່ "ຮ້າຍແຮງເປັນ
ພິເສດ." ໃນປີ 2014 ໄດ້ມີການໂຈມຕີ 20 ເທື່ອທີ່ໄດ້ສັງຫານ ຫລາຍກວ່າ 100 ຄົນ ປຽບ ທຽບໃສ່ການໂຈມຕີ 2 ເທື່ອ ໃນທຳນອງນີ້ ໃນປີ 2013”. ນອກນັ້ນແລ້ວລາຍງານຍັງໃຫ້ຂໍ້ສັງເກດວ່າ ຫລາຍກວ່າ 9,400 ຄົນ ໄດ້ຖືກລັກພາໂຕ ໂດຍພວກກໍ່ການຮ້າຍ ໃນປີ 2014
ສາມເທົ່າຫລາຍກວ່າປີ 2013.
ລາຍງານກ່າວວ່າ ອີຣັກແມ່ນຈຳນວນຜູ້ເສຍຊີວິດທີ່ພົວພັນກັບການກໍ່ການຮ້າຍແລະການ
ລັກພາໂຕຫຼາຍທີ່ສຸດຊຶ່ງບັງເອີນມີຂຶ້ນພ້ອມກັບການຂະຫຍາຍການປະຕິບັດງານຂອງກຸ່ມ ລັດອິສລາມ. ລາຍງານໃຫ້ຂໍ້ສັງເກດວ່າ ກຸ່ມດັ່ງກ່າວ ໄດ້ຍຶດເອົາດິນແດນ ແບບທີ່ບໍ່ເຄີຍມີ ມາກ່ອນ ທັງຢູ່ໃນອີຣັກແລະຊີເຣຍ.
ຢູ່ໃນ ໄນຈີເຣຍ ເກືອບ 1,300 ຄົນ ໄດ້ຖືກລັກພາໂຕ ຫລືຈັບເປັນໂຕປະກັນໃນການໂຈມ
ຕີຂອງພວກກໍ່ການຮ້າຍ ໃນປີ 2014 ປຽບທຽບໃສ່ໜ້ອຍກວ່າ 100 ເທື່ອ ໃນປີ 2013 ອີງ
ຕາມລາຍງານ ໂດຍໃຫ້ຂໍ້ສັງເກດວ່າ ກຸ່ມ Boko Haram ໄດ້ເປັນຜູ້ຮັບຜິດຊອບ ຕໍ່ສ່ວນ
ໃຫຍ່ຖ້າຫາກບໍ່ແມ່ນການລັກພາໂຕທັງໝົດ. ນີ້ແມ່ນຮວມທັງການລັກພາໂຕຂອງເດັກຍິງຫລາຍຮ້ອຍຄົນຈາກໂຮງຮຽນໃນເມືອງ Chibok.
ຢູ່ໃນອັຟການິສຖານ ລາຍງານກ່າວວ່າ “ການໂຈມຕີແມ່ນໄດ້ດຳເນີນການໂດຍກຸ່ມ Ta-
liban ໃນປີ 2014 ຊຶ່ງໄ້ສັງຫານຫລາຍກວ່າ 3,400 ຄົນ ຮວມທັງຜູ້ກໍ່ການຮ້າຍແລະໄດ້
ຮັບບາດເຈັບຫລາຍກວ່າ 3,300 ຄົນ.”
ມີການຖິ້ມໂທດໃສ່ກຸ່ມລັດອິສລາມທີ່ເຮັດໃຫ້ມີຜູ້ເສຍຊີວິດຫຼາຍທີ່ສຸດທີ່ພົວພັນກັບການ
ກໍ່ການຮ້າຍ ໃນປີ 2014 ຕິດຕາມມາດ້ວຍ ກຸ່ມ Taliban ກຸ່ມຫົວຮຸນແຮງ al-Shabab
ຂອງໂຊມາເລຍ ແລະກຸ່ມ Boko Haram ຂອງໄນຈີເຣຍ.
