ເຈົ້າໜ້າທີ່ ສະຫະລັດ ຄົນໜຶ່ງ ໄດ້ເຂົ້າຮ່ວມໃນການຕິຕຽນ
ຕໍ່ ການປະຕິບັດງານທາງທະຫານຣັດເຊຍ ຢູ່ໃນຊີເຣຍ ໂດຍ
ກ່າວໃນວັນພຸດມື້ນີ້ວ່າ ພຽງແຕ່ 30 ເປີເຊັນເທົ່ານັ້ນ ໃນການ
ໂຈມຕີທາງອາກາດຂອງຣັດເຊຍ ໄດ້ແນໃສ່ເປົ້າໝາຍໃສ່ພວກ
”ຫົວຮຸນແຮງລັດອິສລາມ.
ບັນດາປະເທດຕາເວັນຕົກ ໄດ້ກ່າວຫາຣັດເຊຍ ໂດຍເພັ່ງເລັງ
ການໂຈມຕີທາງອາກາດຂອງຕົນໃສ່ບັນດານັກລົບຕໍ່ຕ້ານລັດ
ຖະບານຊີເຣຍ ໃນການສະໜັບສະໜູນພັນທະມິດຂອງຕົນປະທານາທິບໍດີ Bashar al-Assad ຊຶ່ງເປັນການກ່າວຫາທີ່ຣັດເຊຍໄດ້ປະຕິເສດ.
ທູດພິເສດສະຫະລັດ ທ່ານ Brett McGurk ຜູ້ທີ່ໄດ້ພົບປະກັບ ພວກຜູ້ບັນ ຊາການທະຫານສະຫະລັດ ແລະອີຣັກ ຢູ່ນະຄອນ Bagdad ໃນວັນພຸດມື້ນີ້ ກ່າວວ່າ ອີກ 70 ເປີເຊັນຂອງການໂຈມຕີທາງອາກາດຂອງຣັດເຊຍ ແມ່ນຖືກເປົ້າໝາຍ ບັນດາກຸ່ມຕໍ່ຕ້ານລັດຖະບານ.
ທໍານຽບຫ້າແຈໄດ້ໃຫ້ຂໍ້ສັງເກດໃນເດືອນແລ້ວນີ້ວ່າ ການໂຈມຕີທາງອາກາດຂອງຣັດເຊຍ ປາກົດວ່າໄດ້ແນເປົ້າໝາຍໃສ່ກຸ່ມລັດອິສລາມຫລາຍຂື້ນ ຫລັງຈາກໄດ້ນຳເອົາກຸ່ມຫົວຮຸນແຮງຈັດນີ້ໄປພົວພັນກັບການວາງລະເບີດໃສ່ເຮືອບິນ ຣັດເຊຍໃນທ້າຍເດືອນຕຸລາທີ່ຜ່ານມາ.
ໃນຂະນະດຽວກັນ ຣັດເຊຍກ່າວໃນວັນອັງຄານວານນີ້ ເປັນເທຶ່ອທຳອິດວ່າ ຕົນ ໄດ້ໃຊ້ລູກສອນໄຟຍິງຈາກເຮືອດຳນໍ້າ ຢູ່ທະເລ Mediterranean ໂຈມຕີບັນ ດາເປົ້າໝາຍກຸ່ມລັດອິສລາມ ຢູ່ໃນພາກເໜືອຂອງຊີເຣຍ.
ຢູ່ໃນກອງປະຊຸມຖ່າຍທອດທາງ ໂທລະພາບ ລັດຖະມົນຕີປ້ອງກັນປະເທດຣັດເຊຍ ທ່ານ Sergei Shoigu ໄດ້ກ່າວຕໍ່ ປະທານາທິບໍດີ ຣັດເຊຍ ທ່ານ Vladimir Putin ວ່າ ລູກສອນໄຟຂີນຳວິຖີ ໄດ້ແນເປົ້າໝາຍໃສ່ສອງທີ່ຕັ້ງຢູ່ໃກ້ກັບເມຶອງ Raqqa ຂອງຊີເຣຍ ທີ່ພວກຫົວ
ຮຸນແຮງຄວບຄຸມນັ້ນ.
ເບິ່ງວີດີໂອກ່ຽວຂ້ອງ:
