ພວກລັກເຈາະຂໍ້ມູນຜູ້ທີ່ໄດ້ລັກເຂົ້າໄປໃນໜ່ວຍເທັກໂນໂລຈີຂອງບໍລິສັດ UnitedhHealth ມີຄວາມເປັນໄປໄດ້ວ່າໄດ້ລັກເອົາຂໍ້ມູນຈຳນວນ 1 ສ່ວນ 3 ຂອງຊາວອາເມຣິກັນ, ເຊິ່ງຜູ້ບໍລິຫານໃຫຍ່ຂອງບໍລິສັດປະກັນໄພສຸຂະພາບ ທີ່ໃຫຍ່ທີ່ສຸດຂອງສະຫະລັດ ໄດ້ກ່າວຕໍ່ຄະນະກຳມະການສະພາສູງໃນວັນພຸດ ວານນີ້.
ສອງຄະນະກໍາມະການສະພາສູງໄດ້ໂອລົມກັບຜູ້ບໍລິຫານໃຫຍ່ຂອງບໍລິສັດດັ່ງ ກ່າວ ທ່ານແອນດຣີວ ວິດຕີ້ (Andrew Witty) ກ່ຽວກັບການໂຈມຕີທາງຄອມພິວເຕີຕໍ່ໜ່ວຍປະກັນສຸຂະພາບ Change Healthcare ຂອງບໍລິສັດ, ເຊິ່ງ ດໍາເນີນການຮຽກຮ້ອງຄ່າທົດແທນທາງການແພດທັງຫມົດປະມານ 50 ເປີເຊັນ ຢູ່ໃນສະຫະລັດ.
ການລະເມີດດັ່ງກ່າວ ໄດ້ເຮັດໃຫ້ເກີດການໂຈະຂັ້ນຕອນຂອງການຮຽກຮ້ອງຄ່າທົດແທນຄືນເປັນວົງກວ້າງ, ໂດຍສົ່ງຜົນກະທົບຕໍ່ຄົນເຈັບ ແລະຜູ້ໃຫ້ບໍລິການ ໃນທົ່ວປະເທດ.
ທ່ານ ວິດຕີ້ ໄດ້ຮັບຄໍາຖາມທີ່ຮ້ອນແຮງສໍາລັບເລື້ອງນີ້ຈາກສະມາຊິກສະພາສູງ ກ່ຽວກັບຄະນະກໍາມະການທາງດ້ານພະລັງງານ ແລະ ການຄ້າຂອງສະພາຕໍ່າ ສໍາລັບຄວາມລົ້ມແຫຼວຂອງບໍລິສັດ ທີ່ຈະປ້ອງກັນການລະເມີດ ແລະຄວບຄຸມ ຜົນກະທົບຂອງຕົນ.
ເວລາຖືກກົດດັນສໍາລັບລາຍລະອຽດກ່ຽວກັບຂໍ້ມູນທີ່ຖືກທໍາລາຍນັ້ນ, ທ່ານ ວິດຕີ້ ກ່າວວ່າ “ບາງທີນຶ່ງສ່ວນສາມ” ຂອງຂໍ້ມູນທາງດ້ານສຸຂະພາບທີ່ໄດ້ຮັບການ ປ້ອງກັນຂອງຊາວອາເມຣິກັນ ແລະຂໍ້ມູນລະບຸໂຕບຸກຄົນ ໄດ້ຖືກລັກໄປ.
ທ່ານກ່າວຕື່ມວ່າ “ພວກເຮົາກໍາລັງສືບຕໍ່ດໍາເນີນການສືບສວນສອບສວນ ກ່ຽວກັບ ຈໍານວນຂໍ້ມູນທີ່ກ່ຽວຂ້ອງໃນນີ້, ພວກເຮົາຄິດວ່າ ມັນກໍາລັງເປັນ ຮູບປະທໍາ.”
ທ່ານ ວິດຕີ້ ກ່າວວ່າ ແກັ້ງອາຊະຍາກຳທາງໄຊເບີ້ທີ່ມີຊື່ວ່າ AlphV ໄດ້ລັກເຈາະເຂົ້າໄປໃນລະບົບຂອງໜ່ວຍ Change Healthcare ເມື່ອວັນທີ 12 ກຸມພາທີ່ຜ່ານມາ ໂດຍໃຊ້ການລັກເຂົ້າສູ່ລະບົບຂໍ້ມູນສ່ວນໂຕ ຢູ່ເຊີບເວີເກົ່າ ທີ່ບໍ່ມີການຮັບຮອງຄວາມຖືກຕ້ອງດ້ວຍຫຼາຍປັດໃຈ.
“ມັນແມ່ນ...ພື້ນທີ່ນຶ່ງ ເຊິ່ງເມື່ອບໍ່ດົນມານີ້ ໄດ້ກາຍມາເປັນສ່ວນນຶ່ງຂອງບໍລິສັດ ທີ່ໄດ້ຢູ່ໃນຂັ້ນຕອນຂອງການຍົກລະດັບ,” ອີງຕາມການກ່າວຂອງ ທ່ານ ວິດຕີ້ ທີ່ອ້າງອີງຈາກການຊື້ກິດຈະການຈໍານວນ 13 ຕື້ໂດລາຂອງບໍລິສັດ UnitedHealth ຂອງບໍລິສັດ Change ໃນປີ 2022.
ຟໍຣັມສະແດງຄວາມຄິດເຫັນ