ບັນດານັກທ່ອງທ່ຽວພາກັນໄປທ່ຽວຈຳນວນຫຼາຍກວ່າ 1 ພັນລ້ານຖ້ຽວ ໃນແຕ່ລະປີ ໃນທົ່ວໂລກ ແລະສະຫະປະຊາຊາດກ່າວວ່າ ການໃຊ້ຈ່າຍຂອງພວກນັກທ່ອງທ່ຽງເຫຼົ່ານີ້ ສົ່ງເສີມເສດຖະກິດຂອງໂລກຂຶ້ນຢ່າງຫຼວງຫຼາຍ. ພວກນັກທ່ອງທ່ຽວເຫຼົ່ານີ້ສ່ວນຫຼາຍມາຈາກຄົນຊັ້ນກາງທີ່ກຳລັງຂະຫຍາຍໂຕອອກໃນບຣາຊີລ ອິນເດຍ ແລະຈີນ.ສິງຈະນຳເອົາລາຍງານຂອງນາຍ Jim Randle ຜູ້ສື່ຂ່າວວີໂອເອ ທີ່ວ່າ ສະຫະລັດໄດ້ຮັບນັກທ່ອງທ່ຽວຈາກຈີນຈຳນວນ 1 ລ້ານ 8 ແສນ ຄົນ ໃນປີແລ້ວນີ້ ແລະກຳລັງເພີ້ມຄວາມພະຍາຍາມເພື່ອດຶງດູດເອົານັກທ່ອງທ່ຽວ ມາຈາກຈີນຕື່ມອີກນັ້ນ ມາສະເໜີທ່ານຕໍ່ໄປ.
ນາງ Rosanna Cash ດາຣານັກຮ້ອງລູກທົ່ງອະເມຣິກັນຮ້ອງເພງກ່ຽວກັບພາກສ່ວນຕ່າງໆ ຂອງສະຫະລັດ ທີ່ເປັນໄປໄດ້ວ່າ ພວກນັກທ່ອງທ່ຽວຍັງບໍ່ທັນໄດ້ເຫັນຢູ່ໃນຮູບເງົາຕ່າງໆ ແລະບໍ່ທັນຮູ້ຈັກຈາກດົນຕີ ທີ່ຜູ້ຄົນນິຍົມກັນນັ້ນ. ການໂຄສະນານີ້ ເປັນພາກສ່ວນນຶ່ງຂອງການປຸກລະດົມການທ່ອງທ່ຽວ ໂດຍວົງການອຸດສາຫະກຳ ແລະລັດຖະ ບານ ເພື່ອວາງແຜນດຶງດູດເອົາພວກທີ່ອາດເປັນນັກທ່ອງທ່ຽວ ແລະຍົວະ ໃຫ້ພວກນັກທ່ອງທ່ຽວເຫຼົ່ານີ້ ມາທ່ຽວກັນຫຼາຍຂຶ້ນໃນສະຫະລັດນີ້.
“Brand USA” ຫຼື “ຍີ່ຫໍ້ສະຫະລັດອາເມລິກາ” ທີ່ນາຍ Chris Thompson ພາດເປັນຫົວເລື້ອງ.
ນາຍ Thompson ກ່າວວ່າ “ມີຫຼາຍສິ່ງຫຼາຍຢ່າງຕື່ມອີກຢູ່ໃນສະຫະ ລັດ ຊຶ່ງເຂົາເຈົ້າໄດ້ມີຂໍ້ສົງໄສໃດໆໃນປັດຈຸບັນ ແລະເປັນຄວາມສົນໃຈທີ່ເຂົາເຈົ້າມີ ທີ່ພວກເຮົາສາມາດຕອບສະໜອງໄດ້ໃນຊ່ອງທາງທີ່ມີແຕ່ສະຫະລັດເທົ່ານັ້ນ ທີ່ຕອບສະໜອງໄດ້.”
ຄວາມພະຍາຍາມເຜີຍແຜ່ຂ່າວທາງອິນເຕີແນັດ ແລະໂທລະພາບ ກໍສຳຄັນ ເພາະວ່າ ທາງອຸດສາຫະກຳ ໃຫ້ການສະໜັບສະໜຸນໂດຍກົງເກືອບ 8 ລ້ານໜ້າວຽກໃນສະຫະລັດ ແລະສົ່ງຜົນຕື່ມອີກ ຕໍ່ຫຼາຍລ້ານ ໜ້າວຽກ.
ການປຸກລະດົມນີ້ສົ່ງເສີມຫຼາຍຫົວເມືອງ ຮວມທັງນະຄອນນີວຢອກນຳ.
ໃນອີກດ້ານນຶ່ງຂອງປະເທດ ການໂຄສະນາສິນຄ້າເປັນພາສາຈີນ ສົ່ງເສີມຄວາມງາມ ວັດທະນະທຳ ແລະການຊື້ເຄື່ອງຊື້ຂອງທີ່ນະຄອນ San Francisco.
ພວກນັກທ່ອງທ່ຽວຈີນ ໃຊ້ຈ່າຍເງິນເກືອບ 6 ພັນດອນລາ ເພື່ອຈະມາທ່ອງທ່ຽວໃນສະຫະລັດ ຊຶ່ງເປັນຈຳນວນຫຼາຍກວ່າພວກນັກທ່ອງທ່ຽວ ມາຈາກປະເທດອື່ນໆ. ອີງຕາມຄຳເວົ້າຂອງທ່ານ Daniel Shen ປະທານບໍລິສັດທ່ອງທ່ຽວ Lion Tours ກໍແມ່ນວ່າ ອັນນີ້ເປັນຍ້ອນການເຕີບໂຕດ້ານເສດຖະກິດທີ່ຍືນຍົງຂອງຈີນ ພ້ອມທັງເງິນຕາທີ່ແຂງໂຕ ແລະຄວາມຮັ່ງມີກຳລັງຂະຫຍາຍໂຕອອກ ຊຶ່ງທ່ານກ່າວວ່າ
ທ່ານ Daniel Shen ກ່າວວ່າ “ ການອອກໄປເລາະຊື້ເຄື່ອງຂອງ ເປັນສິ່ງນຶ່ງທີ່ຈຳເປັນສຳລັບປະຊາຊົນຈີນ ສຳລັບຄົນຈີນ ເວລາສະ ມາຊິກຄອບຄົວຄົນນຶ່ງເດີນ
ທາງໄປຍັງຕ່າງປະເທດ ພວກເຂົາເຈົ້າມັກຊື້ສິ່ງໃດສິ່ງນຶ່ງກັບຄືນປະເທດຢູ່ສະເໝີ. ເວລາເຂົາເຈົ້າກັບຄືນມາ ເຂົາ ເຈົ້ານຳສິ່ງຂອງເຫຼົ່ານີ້ມາຕ້ອນມາຝາກຄົນ
ໃນຄອບຄົວ ໝູ່ເພື່ອນ ແລະແມ່ນແຕ່ເພື່ອນຮ່ວມງານນຳກັນ.
ທ່ານ Daniel Shen ກ່າວວ່າ ຂໍ້ຕົກລົງລະຫວ່າງຈີນແລະສະຫະລັດ ເຮັດໃຫ້ງ່າຍຂຶ້ນສຳລັບຊາວຈີນທີ່ເດີນທາງມາຍັງສະຫະລັດ ແລະກ່າວວ່າ ທ່ານໄດ້ຍິນຄວາມຈົ່ມວ່າໜ້ອຍລົງ ກ່ຽວກັບເລື້ອງວີຊາ ຫຼືການຢືນ ເປັນແຖວທີ່ຍາວຢຽດທີ່ສະໜາມບິນ ຊຶ່ງລົບກວນໃຈຂອງພວກນັກທ່ອງທ່ຽວນັ້ນ.
ແລະພວກນັກທ່ອງທ່ຽວ ເຊັ່ນພວກທີ່ມາທ່ຽວໃນນະຄອນຫຼວງວໍຊິງຕັນ ໄດ້ຮັບພາບພົດທີ່ແນ່ນອນແມ່ນຢຳຫຼາຍຂຶ້ນກ່ຽວກັບສະຫະລັດ.
ທ່ານ Daniel Shen ກ່າວວ່າ “ ສະຫະລັດ ບໍ່ແມ່ນໝົດທຸກຫົວເມືອງ ຄືກັນຢູ່ໃນຮູບເງົາ Hollywood ຫລືໃນຮູບເງົາ wild, wild west ທີ່ຜູ້ຄົນຖືປືນ ແລະຍິງປືນໃນທົ່ວຖະໜົນຫົນທາງນັ້ນ.”
ແຕ່ພວກເຂົາເຈົ້າຍິງປືນເວລາສະແດງໃນກ້ອງຖ່າຍຮູບນັ້ນ. ບັນດາເຈົ້າໜ້າທີ່ຝ່າຍທ່ອງທ່ຽວກຳລັງດຳເນີນງານໃນຟີມຮູບເງົາທີ່ມີຄຸນນະພາບສູງສຸດ ຫຼື IMAX ສະແດງສວນອຸດ
ທະຍານແຫ່ງຊາດແຫ່ງຕ່າງໆຂອງອາເມລິກາ ຊຶ່ງພວກເຂົາເຈົ້າຫວັງວ່າ ຈະເສັດສິ້ນລົງ
ທັນກັບເວລາ ເພື່ອສະເຫຼີມສະຫຼອງວັນຄົບຮອບ 100 ປີ ຂອງພວກສະຖານທີ່ທີ່ ຖືກປົກ
ປັກຮັກສາໄວ້ເຫຼົ່ານີ້ ໃນເດືອນສິງຫາ ປີ 2016 ນັ້ນ.
