ສະຫະລັດແລະຣັດເຊຍຮຽກຮ້ອງໃຫ້ຮ່າງລັດຖະທຳມະນູນສະ
ບັບໃໝ່ ສຳລັບຊີເຣຍ ພາຍໃນເດືອນສິງຫາ ປີນີ້. ນອກນັ້ນປະ
ເທດທັງສອງຍັງໄດ້ຕົກລົງທີ່ຈະຊຸກຍູ້ໃຫ້ທັງລັດຖະບານຊີເຣຍ
ແລະພວກຕໍ່ຕ້ານ ປ່ອຍພວກນັກໂທດການເມືອງທັງໝົດໂດຍ
ສະເພາະແລ້ວແມ່ນພວກທີ່ມີຄວາມອ່ອນໄຫວ.
ຫຼັງຈາກການພົບປະກັນເປັນເວລານຶ່ງຊົ່ວໂມງທີ່ນະຄອນຫຼວງ
ມົສກູ ລັດຖະມົນຕີການຕ່າງປະເທດສະຫະລັດ ທ່ານ John
Kerry ແລະ ປະທານາທິບໍດີຣັດເຊຍ ທ່ານ Vladimir Putin
ໄດ້ຕົກລົງກັນວ່າ ການຮ່ວມມືລະຫວ່າງສະຫະລັດກັບຣັດເຊຍ
ເປັນເຄື່ອງມືໃນການບັນລຸຄວາມສຳເລັດທີ່ບໍ່ຄາດຝັນກ່ຽວກັບ
ການຍຸດຕິຄວາມເປັນປໍລະປັກ ຢູ່ໃນຊີເຣຍ ທີ່ພວມປະສົບກັບໄພສົງຄາມ. ທ່ານ Kerry
ກ່າວວ່າ ທ່ານຮູ້ດີວ່າ ໄດ້ມີການລະເມີດການຢຸດຍິງແຕ່ການລ່ວງລະເມີດເຫລົ່ານີ້ ແມ່ນ
ໄດ້ຮັບການສັງເກດການເບິ່ງຢ່າງລະມັດລະວັງ.
ທ່ານ Kerry ແລະທ່ານ Sergei Lavrov ລັດຖະມົນຕີການຕ່າງປະເທດຣັດເຊຍ ໄດ້ຈັດ
ກອງປະຊຸມຖະແຫຼງຂ່າວໃນຕອນເດິກຂອງຄືນວັນພະຫັດທີ່ວັງເຄຣັມລິນຫລັງຈາກໄດ້ມີ
ການເຈລະຈາກັນຢ່າງຍືດຍາວແລະບາງຊ່ວງເວລາຂອງຄວາມຍຸ່ງຍາກ. ການບໍ່ລົງຮອຍ
ກັນຢ່າງຈະແຈ້ງຈຳນວນນຶ່ງ ແມ່ນໄດ້ປາກົດໃຫ້ເຫັນ ແຕ່ທັງທ່ານ Kerry ແລະທ່ານ La-
vrov ໄດ້ໃຫ້ການຄ້ຳປະກັນ ຕໍ່ພວກນັກຂ່າວວ່າ ວໍຊິງຕັນແລະມົສກູ ແມ່ນມີຄວາມໝາຍ
ໝັ້ນຕໍ່ການມີສັນຕິພາບຢ່າງຖາວອນຕື່ມຂຶ້ນຢູ່ໃນຊີເຣຍ ເພື່ອຈະອຳນວຍໃຫ້ ມີການຈັດ
ສົ່ງການຊ່ອຍເຫລືອທາງດ້ານມະນຸດສະທຳເພີ້ມຂຶ້ນ ເຂົ້າໄປໃນປະເທດດັ່ງກ່າວ ແລະລິເລີ້ມການຫັນປ່ຽນທາງດ້ານການເມືອງຢ່າງແທ້ຈິງຢູ່ທີ່ນັ້ນ.
ເມື່ອມີການຖາມໂດຍນັກຂ່າວສະຫະລັດຄົນນຶ່ງທີ່ຢູ່ໃນກອງປະຊຸມດັ່ງກ່າວວ່າ ທ່ານຄິດ
ວ່າອາເມຣິກາແມ່ນພາຄີ ໃນການຕໍ່ສູ້ ກັບພວກກໍ່ການຮ້າຍ ຫລືບໍ່ ຫລືເປັນພຽງສ່ວນນຶ່ງ
ຂອງບັນຫາ? ທ່ານ Lavrov ຕອບວ່າ ທ່ານເຊື່ອວ່າ ສະຫະລັດຊ່ອຍໃນການສ້າງເງື່ອນ
ໄຂທີ່ນຳໄປສູ່ການກໍ່ການຮ້າຍຢູ່ໃນອັຟການິສຖານ ລີເບຍ ແລະເຂດອື່ນໆ ໃນພາກຕາ
ເວັນອອກກາງ. ທ່ານ Lavrov ເວົ້າວ່າ ພວກນັກການເມືອງອາເມຣິກາໃນປັດຈຸບັນນີ້ ກໍ
ເວົ້າແບບດຽວກັນ.
ສຳລັບທ່ານ Kerry ແລ້ວ ແມ່ນໄດ້ປະນາມໄລຍະຫ້າປີຂອງການນອງເລືອດທີ່ຄາດຄິດບໍ່
ເຖິງ ຂອງປະທານາທິບໍດີຊີເຣຍ ທ່ານ Bashar al-Assad ພັນທະມິດທີ່ໃກ້ຊິດຂອງຣັດ
ເຊຍແລະກ່າວວ່າ ເວລານີ້ທ່ານ Putin ໄດ້ຕັດສິນໃຈທີ່ຈະຖອນກຳລັງບາງສ່ວນຂອງຣັດ
ເຊຍອອກຈາກປະເທດດັ່ງກ່າວຍ້ອນທ່ານໄດ້ຊ່ອຍສ້າງຕັ້ງຄືນໃໝ່ ການກຳອຳນາດຂອງ
ທ່ານ Assad ດ້ວຍການແຊກແຊງຂອງຣັດເຊຍ. ທ່ານ Kerry ກ່າວວ່າ ມັນເປັນເລື້ອງທີ່
ໜ້າຕິຕຽນທີ່ອຳນາດການປົກຄອງຊີເຣຍໄດ້ລັກຂະໂມຍເອົາອຸບປະກອນການແພດອອກ
ຈາກການຊ່ອຍເຫລືອບັນເທົາທຸກ.
